Кичево
Со планинарски марш се одбележа 81 година од првото училиште на македонски јазик
Вчера, на 22 септември 2024 г., Планинарското еколошко друштво “Ендорфин” од Кичево го организираше Вториот планинарски марш по повод 81 година од започнувањето со работа на првото училиште на македонски јазик на слободна територија во с. Подвис.
Учество на маршот зедоа четириесетина планинари од Кичево, Прилеп, Битола и Скопје, кои по искачувањето на врвот Планиница (1391 м.) се упатија кон старата училишна зграда, сместена на падините на планината Голјак.
– Оттука апелираа училиштето што поскоро да го добие заслуженото внимание од страна на државните институции за урнатините да не останат последниот сведок за камен-темелникот на образованието на македонски јазик уште пред формирањето на современата македонска држава.
Пред присутните кратко излагање имаше д-р Давор Јанкулоски, претседател на ПЕД Ендорфин и научен соработник во Центарот за лингвистика при МАНУ, кој се осврна на важноста на првите училишта во НОБ, како и на историските околности кои го овозможиле нивно отворање.
Пред присутните се обрати и г. Добре Лазаревски, син на учителот Василко Ристески, кој покрај тоа што изнесе интересни историски факти, сподели и лични спомени за работата и дејноста на својот татко, Василко Ристески, првиот учител во НОБ во с. Подвис.
Благодарение на општествено одговорни поединци и компании од Кичево и од с. Подвис, беше послужен и скромен коктел за присутните планинари и посетители.
ПЕД Ендорфин на планинарските друштва и на поддржувачите на маршот им додели благодарници за учеството и за поддршката.
Кичево
Вечерва сите патишта водат кон кичевскиот манастир „Св.Богородица – Пречиста“
Во пресрет на главната манастирска слава на Свештената Пречистанска Обител, во спомен на раѓањето на Богомајката, нашата застапничка пред Бога, ја имаме честа денес да ве поканиме денес од 18:00ч. на празнична Вечерна богослужба, на која ќе началствува Неговото Високопреосвештенство Митрополитот Дебарско-кичевски г. Тимотеј, а ќе претстојат Митрополитот Повардарски г.Агатангел и секако нашиот највозљубен Старец и Епископ Антаниски – г.Партениј.
Во текот на богослужбата, една искушеничка (Душица) од сестринството ќе биде вброена кон рамноангелскиот монашки чин.
сабота, 21 септември
7:00ч. – утрена богослужба.
8:45ч. – пречек на Архиереите: Митрополитот Дебарско-кичевски г. Тимотеј, Митрополитот Повардарски г. Агатангел, Митрополит г.Илија од Финска и Старецот и Епископ Антаниски г. Партениј.
9:00ч. – Света архиерејска Златоустова Литургија.
Потпирајќи се со цврста вера на Онаа Која е поширока од Небесата и Која Го роди Спасителот наш, ве очекуваме со голема радост заеднички да го прославиме роденденот на Мајката Божја и Мајката наша! Воедно, ќе учествуваме заеднички и во молитвите при чинот на монашкиот потстриг на нашата сестра. А за сето тоа да биде целосно исполнето со најубавото источно православно пеење, ќе помогнат нашите најдраги пријатели од Света Гора: архимандритите о. Матеј, о. Антипа, о. Херувим, монаси, псалти и други гости.
– Преку нашиот медиум посакуваме сите патишта да водат кон манастир Св.Богородица Пречиста, понесувајќи го со себе благословот од средбата со Чудотворната икона Богородица Крнинска, Пречистанските Светии Евнувиј, Пајсиј, Аверкиј, чесните мошти на Света Параскева.
– Во продолжение погледнете ТУКА како помина манастирската слава минатата 2023-та година!
Ве очекуваме во што поголем број и повторно да доживееме духовно и телесно исцеление и обновување заедно.
Кичево
(ФОТО) Министерот за одбрана Владо Мисајловски денес ја посети кичевската касарна ,,Чеде Филиповски – Даме’’
Денеска министерот за одбрана г-дин Владо Мисајловски заедно со Заменикот на Началникот на Генералштабот, генерал мајор Азим Нуредин, командантот на Командата за операции, бригаден генерал Бесник Емини и командантот на 1. пешадиска бригада, бригаден генерал Дејан Чиплаковски ги посетија припадниците во касарната ,,Чеде Филиповски – Даме’’ во Кичево, каде што е лоциран 1. пешадиски баталјон.
За време на посетата министерот беше брифиран за мисијата, задачите, одговорностите и предизвиците на единицата како и за ангажманот на припадниците на овој баталјон во мировни мисии, вежби и поддршка на други институции.
– Од касарната во Кичево министерот порача дека идниот период ќе се заложи за вложување во капацитетите на 1. пешадиски баталјон, за јавноста известува Министерството за одбрана преку нивните социјални медиуми.
Кичево
(ФОТО) Вандализам во Кичево, непотребно оштетени сообраќајните знаци
На 16.09.2024 во 15:40 часот во ОВР Кичево е пријавено оштетување со спреј во боја на 11 сообраќајни знаци кои се поставени покрај коловозната лента од улицата „Магистрален пат“ до „Битолска крстосница“ во близина на кичевското село Другово.
– Според членот 190 од Законот за безбедност во сообраќајот на патиштата „на сообраќајниот знак и на столбот на кој е поставен знакот, забрането е да се става нешто што не е во врска со значењето на сообраќајниот знак и забрането е неовластено поставување, преместување, отстранување и оштетување на сообраќајните знаци и на опремата на патот или измена на значењето на сообраќајните знаци“.
ОВР Кичево презема мерки за расчистување на настанот, по што ќе биде поднесена соодветна пријава, информира портпаролот на СВР Охрид, Стефан Димоски.
-
Хороскоп22 часа
Хороскоп за понеделник (23 септември)
-
Хороскоп2 дена
Хороскоп за недела (22 септември)
-
Култура2 дена
(ФОТО) Нашиот заштитник Манастир „Св.Богородица – Пречиста“ по повод празникот „Рождество на Мајката Божја“ вчера и денес беше посетен од голем број верници
-
Скопје18 часа
Земјотрес предмалку почуствуван во скопскиот регион
-
Македонија7 часа
Од ноќеска поскапува бензинот и дизелот, ова е новата цена за литар
-
Македонија1 ден
Се бара лице од Белгија кое пријавило планинарење во охридско-струшкиот регион
-
Спорт6 часа
Стадионот во Битола во завршна фаза за центрирање и фотометрија на рефлектори, ќе се игра и на ноќно време
-
Спорт2 часа
Младата женска фудбалска репрезентација до 19 години на тренинг камп во Кичево, ова е листата на повикани фудбалерки