Свет
Телескопот James Web даде невидена слика од Нептун и го откри вистинскиот сјај

Благодарение на вселенскиот телескоп James Webb, за прв пат можеме да видиме како изгледа планетата Нептун во инфрацрвениот спектар и мораме да признаеме, изгледа – блескаво.
Вселенскиот телескоп James Webb (JWST) на НАСА ја сними планетата Нептун со неверојатни нови детали. Новата слика ги прикажува прстените на планетата, некои од нејзините природни сателити и топлинските појаси околу нејзината површина.
Додека Нептун изгледа сино во видливи бранови должини поради гасот метан во неговата атмосфера, истиот метан ја апсорбира инфрацрвената светлина забележана од JWST, така што планетата изгледа светло бела кога се гледа во инфрацрвени бранови должини. Најсветлите области се ледените облаци високо во атмосферата, кои ја рефлектираат сончевата светлина пред метанот да ја апсорбира.
Hey Neptune. Did you ring? 👋
Webb’s latest image is the clearest look at Neptune's rings in 30+ years, and our first time seeing them in infrared light. Take in Webb's ghostly, ethereal views of the planet and its dust bands, rings and moons: https://t.co/Jd09henF1F #IAC2022 pic.twitter.com/17QNXj23ow
— NASA Webb Telescope (@NASAWebb) September 21, 2022
Благодарение на вселенскиот телескоп James Webb, за прв пат можеме да видиме како изгледа планетата Нептун во инфрацрвениот спектар и мораме да признаеме, изгледа – блескаво.
Вселенскиот телескоп James Webb (JWST) на НАСА ја сними планетата Нептун со неверојатни нови детали. Новата слика ги прикажува прстените на планетата, некои од нејзините природни сателити и топлинските појаси околу нејзината површина.
Додека Нептун изгледа сино во видливи бранови должини поради гасот метан во неговата атмосфера, истиот метан ја апсорбира инфрацрвената светлина забележана од JWST, така што планетата изгледа светло бела кога се гледа во инфрацрвени бранови должини. Најсветлите области се ледените облаци високо во атмосферата, кои ја рефлектираат сончевата светлина пред метанот да ја апсорбира.
На новата слика се прикажани и двата светли прстени на Нептун, како и двата побледи прстени. Прстените се полни со прашина, што ги прави потемни и потешки за гледање од светлите, ледени прстени како оние што ја опкружуваат планетата Сатурн.
Поминаа три децении откако последен пат ги видовме овие бледи, правливи прстени и ова е прв пат да ги видиме во инфрацрвена светлина, рече научникот од JWST, Хајди Хамел.
Последен и единствен пат кога ги видовме најслабите прстени на Нептун беше кога вселенското летало на НАСА Voyager 2 прелета покрај планетата во 1989 година.
Осум од месечините на Нептун се видливи на сликата како светлосни точки, а најсветлата е најголемата месечина на планетата, Тритон. Системот на природни сателити на Нептун е особено чуден. Тритон, на пример, орбитира за Нептун наназад, така што дополнителни набљудувања на JWST и на Нептун и на Тритон се планирани подоцна во годината.
Извор: New Scientist
Свет
„Google“ со сериозна инвестиција на центри за податоци и вештачка интелигенција во Велика Британија

Американската компанија Гугл денеска објави план за инвестиција од пет милијарди фунти (околу 5,78 милијарди евра) во Велика Британија во наредните две години. Средствата главно ќе бидат насочени кон развој на центри за податоци и истражување во областа на вештачката интелигенција (ВИ), а веста доаѓа непосредно пред посетата на американскиот претседател Доналд Трамп на Лондон.
Според соопштението на компанијата, инвестицијата ќе ги покрие капиталните трошоци, истражувањето и развојот, вклучувајќи ја и работата на Гугл ДипМајнд, британската лабораторија за ВИ во сопственост на технолошкиот гигант.
Како дел од оваа стратегија, денес беше пуштен во употреба нов центар за податоци во Волтам Крос, северен Лондон, во кој Гугл претходно вложи околу една милијарда долари (850 милиони евра).
Портпарол на компанијата за агенцијата АФП, кој сакаше да остане анонимен, изјави дека новата инвестиција ќе претставува надополнување на претходното финансирање.
Во меѓувреме, Велика Британија се подготвува за втората државна посета на Трамп, која ќе се одржи в среда и четврток. Првата официјална посета беше во 2019 година, за време на неговиот прв претседателски мандат. Според британските медиуми, Трамп ќе биде придружуван од делегација составена од високи претставници на технолошкиот и финансискиот сектор, а се очекуваат и нови инвестиции и потпишување на технолошки договор со Лондон.
Во пресрет на посетата, британската влада веќе најави дека американските банки вложуваат повеќе од една милијарда фунти во земјата, а во понеделник потврди и договор со САД за забрзување на процесот на одобрување и верификација на нуклеарни проекти.
Откако започна војната во Украина, Велика Британија значително ги засили напорите за намалување на зависноста од јаглеводородите, при што нуклеарната енергија стана стратешки приоритет. За време на посетата на Трамп, официјално ќе биде потпишано и новото партнерство меѓу Лондон и Вашингтон – „Атлантско партнерство за напредна нуклеарна енергија“, пренесе Бета.
Свет
Денес во Киргистан беше регистриран силен земјотрес

Во Киргистан денеска е регистриран земјотрес со јачина од 4,1 степени според Рихтеровата скала, информира Европско-медитеранскиот сеизмолошки центар. Потресот бил лоциран на околу 12 километри југоисточно од главниот град Бишкек, на длабочина од приближно 12 километри.
Очевидци сведочат дека земјата се тресела околу две до три минути, пренесе ТАСС.
Досега нема информации за повредени лица или материјални оштетувања.
Свет
(ВИДЕО) „Ден на жалост“ во Португалија по страшната трагедија каде од шините излета жичара и одзеде најмалце 15 животи, неофицијално има и странци

Португалија денеска тагува по трагедијата што го потресе главниот град Лисабон, откако 15 лица ги загубија животите, а најмалку 18 завршија во болница по излетувањето од шините на историската жичница „Глорија“. Петмина од повредените се во критична состојба, соопштија службите за итни интервенции.
Несреќата се случила вчера околу 18 часот по локално време, на ридската траса која ја поврзува централниот плоштад Рестаурадорес со познатиот кварт Баиро Алто. Властите потврдија дека меѓу загинатите има и странски туристи, но нивната националност сè уште не е официјално објавена.
Градоначалникот на Лисабон, Карлос Моедас, по посетата на повредените во болница изјави дека градот минува низ „еден од најтешките моменти во поновата историја“. Претседателот Марсело Ребело де Соуза, пак, упати сочувство до семејствата и најави дека државата ќе ја утврди целосната одговорност за трагедијата.
#ALERTA Se descarriló el Funicular de Lisboa, el Elevador da Glória, que realiza un recorrido por la zona vieja; obligado al viajar a Portugal. Al menos 15 muertos y 18 heridos. Con mas de 100 años de historia, no le daba mantenimiento el municipio. Turistas, muchas víctimas pic.twitter.com/7ou9NYCppb
— Víctor Sánchez Baños (@vsanchezbanos) September 3, 2025
Истрагата за причините е во тек и во неа се вклучени повеќе институции – управувачката компанија „Карис“, Националниот орган за безбедност во сообраќајот и криминалната полиција. Од „Карис“ тврдат дека жичницата редовно била подложувана на инспекции, но очевидци изјавиле дека пред судирот со зграда на стрмната улица најверојатно дошло до дефект на сопирачките.
На снимки споделени на социјалните мрежи се гледа целосно превртено и оштетено возило во препознатливата жолта боја, а сведоци раскажуваат дека неколку патници биле извлечени од урнатините со помош на спасувачките екипи.
Жичницата „Глорија“, која работи веќе 140 години, е еден од симболите на Лисабон и претставува омилена атракција за туристите.
Трагедијата предизвика и меѓународни реакции. Претседателката на Европската комисија, Урсула фон дер Лајен, и шпанскиот премиер Педро Санчез испратија пораки на поддршка и солидарност со португалскиот народ.
-
Хороскоп1 ден
Хороскоп за среда (17 септември)
-
Македонија2 дена
Министерството за одбрана, петта година по ред ги задржа максималните 100 % активна транспарентност и е практично најтранспарентна институција во државата
-
Скопје2 дена
(ВИДЕО) Снимка од подметнувањето на пожарот во Пинтија, каде ние човечноста?!
-
Музика19 часа
Училиштето за Црковна музика „Митрополит Козма Пречистански“ во петок и сабота преку „аудиција“ врши упис на нови членови за источно пеење
-
Свет2 дена
„Google“ со сериозна инвестиција на центри за податоци и вештачка интелигенција во Велика Британија
-
Временска прогноза2 дена
По ладни утра проследени со ладен воздух од северен правец
-
Македонија2 дена
„СОЗР“ стави крај на злоупотребите на службените возила и зголемување на транспарентноста од денес граѓаните можат да пријавуваат случаи на незаконита употреба на службени возила
-
Магазин2 дена
iOS 26 е тука! 10 големи нови функции и три модели на iPhone без поддршка