Спорт
(ВИДЕО) Кулушевски одби да даде интервју на македонски јазик не го познавал добро, „само Инглиш“

Кулушевски настапуваше за репрезентацијата на Македонија до 16 години, а потоа престана да дава поддршка на повиците за националниот тим, за покасно да го облече шведскиот дрес, кој го носи и ден денес.
Инаку Кулушевски е роден во Стокхолм, а неговите родители потекнуваат од Македонија. Тој има девет настапи за македонската репрезентација до 16 години, каде на деветте натпревари постигна три гола. На тие мечеви за кои може да се каже дека не биле толку одамна тој комуницираше на македонски јазик без проблем и со селекторот и националниот тим, како и официјалните интервјуа и натписи од ФФМ.
Во неколку наврати после мега трансферот во Јувентус за дел од спортските редакции изјавил, цитираме: „Среќен сум што ќе го подобрам и англискиот јазик, плус зборувам шведски а моите се од Македонија, така што зборувам и македонски исто“ – каде категорично признал дека немало никаква пречка за македонскиот јазик.
– Денес по натпреварот застана пред микрофонот на „Sportklub“, каде новинарот Невен Цвијановиќ започна да зборува на српски (веројатно поради неговите балкански корени), а Кулушевски го прекина и наговори: „На кој јазик треба да зборувам? Бидејќи не можам да одговорам на…“, а новинарот му рече: „На македонски“, на што „Швеѓанецот“ Дејан категорично врати: „Не, не, … инглиш“. – му порача дека македонски зборува „по малце“ и продолжи на англиски.
Моментот е во продолжение:
– Да напоменеме ова момче за нас било од секогаш ѕвезда во фудбалот, горди на него секогаш бил во фокусот на фудбалските збиднувања, пред се поради неговите одлични игри, и секако поради фактот дека неговите корени се македонски, а за него претстои голема фудбалска кариера и дрес од голем клуб.
Среќно понатаму мајсторе, ваша е одлуката како ќе се промовирате пред јавноста!
Спорт
Од денес на нови дресови гордо ќе свети македонското сонце на градите од фудбалерите на Македонија!

Фудбалската федерација на Македонија и техничкиот партнер ЈАКО го претставуваат новиот дрес на македонската фудбалска репрезентација.
Препознатливото сонце истакнато на градите на фудбалерите на модерен начин ја отсликува енергијата и гордоста на Македонија. Дизајнот на новиот дрес останува верен на македонското фудбалско наследство, додека резервниот дрес во бело-жолта боја е уште една интерпретација на македонскиот дизајн за фудбалерите и навивачите.
Нашата репрезентација добива уште една, трета варијанта на дресови и шорцеви во темна боја која дополнително го нагласува сонцето и националната гордост.
Стилските букви на презимињата и броевите на дресовите се во духот на нашата историја и традиција, со оглед на тоа што се инспирирани од кирилицата.
– Исклучително сум горд што имам привилегија да го носам прекрасниот македонски дрес. Со нетрпение очекувам да го облечеме новиот дрес кој ја следи препознатливата традиција. Нашиот дрес со сонце е еден од најпрепознатливите и сигурен сум дека ќе биде многу популарен меѓу нашите навивачи, изјави капитенот македонската репрезентација, Стефан Ристовски.
Спорт
(ВИДЕО) Најмладите најубаво знаат да ги пречекаат своите звезди од македонската фудбалска репрезентација со најискрени насмевки

Претседателот на Фудбалската федерација на Македонија Муамед Сејдини сподели видео каде дечињата ги пречекуваат фудбалерите на македонската репрезентација, каде истакна:
„Многу детски насмевки, позитивна енргија, на тренингот на нашите златни момци. Идолите на младите генерации го почнуваат походот кон ново големо историско остварување, и ново Европско Првенство, а најмладите, најубаво знаат да ги пречекаат своите звезди, кои кај нив ги предизвикуваат најискрените насмевки.“
Спорт
Македонија до 21 година ги започнува подготовките за „Анталија Куп 2023“

Младата репрезентација на Македонија до 21 година пристигна во Анталија и денеска ќе ги започне подготовките за претстојните три контролни натпревари против селекциите на Летонија (23.март), Финска (25. март) и Словачка (28.март).
Нашата млада селекција максимално ќе го искористи овој подготвителен период, со цел што подобро да се подготви за почетокот на квалификациите за пласман на Европско првенство 2025 година.
Еден од најдобрите поединци на штипска Брегалница и стандарден член на младата репрезенетација на Македонија, Иван Николов даде свое видување за претстојните натпревари што не очекуваат и квалификацискиот циклус за пласман на ЕП 2025.
– Контролните мечеви во Анталија се одлична можност за што подобро да се подготвиме за предизвикот што не очекува во септември, односно почетокот на квалификациите за пласман на Европско првенство. Што се однесува до самата група од квалификациите, јасно е дека во денешно време нема лесно противници, но оваа наша група на фудбалери поседува голем квалитет и заедништво, имаме големи очекувања, сакаме да оствариме нешто големо и да избориме пласман на Европско првенство. Имаме серија на потивни резултати на последните натпревари, што ни дава дополнителен мотив дека можеме да одиграме добри квалификации.
-Идеме чекор по чекор, не очекува уште многу работа до почетокот на квалификациите, моментално е најбитно овој подготвителен период во Анталија да го искористиме на најдобар можен начин, да ја унапредиме нашата игра за да можеме максимално подготвени да го дочекаме почетокот на квалификациите.
–Првиот меч во Анталија го играме против Летонија, селекција со високи и снажни фудбалери која игра доста тврд фудбал. Ние сме поквалитетна селекција од нив, но тоа ќе мора да го покажеме на терен. Се надевам дека ќе продолжиме со одличната игра и позитивната серија на резултати.
–Атмосферата во самиот тим е одлична, се познаваме меѓусебно многу добро, со оглед на тоа што поголемиот дел од фудбалерите бевме дел и од репрезентацијата на Македонија до 19 години
–Убеден сум дека со голема пожртвуваност, борба и желба за надигрување можеме да оствариме добри резултати.
-
Кичево7 часа
Тешка сообраќајка предмалку била случена на излез од град Кичево према Македонски Брод
-
Хороскоп24 часа
Хороскоп за вторник (21 март)
-
Кичево1 ден
Вчера во Кичево настанал пожар во зграда, каде за среќа нема повредени, интервенирала ТППЕ
-
Хороскоп2 дена
Хороскоп за понеделник (20 март)
-
Кичево5 часа
(ФОТО) Дечињата од кичевското ООУ Др „Владимир Полежиноски“ со цветни бомби ја најавија пролетта
-
Македонија1 ден
Од ноќеска нова намалена цена на горивата, кај авто-плинот сè уште нема промени..
-
Спорт1 ден
(ВИДЕО) Сејдини и Масев ги пречекаа Адеми и Ристовски, кои од вечерва се приклучуваат на А тимот за првиот предизвик в четврток
-
Временска прогноза1 ден
Продор на влажен воздушен бран од запад утре ќе донесе поинтензивни врнежи од дожд во Македонија!