Спорт
(ФОТО) Мекларен го претстави болидот, останува уште Ред Бул
Британскиот тим го претстави моделот MCL38 во своето седиште во Вокинг, а нешто подоцна болидот за прв пат се најде на патеката, на легендарниот „Силверстоун“. Боите на Мекларен и оваа сезона ќе ги бранат Ландо Норис и Оскар Пјастри, исто како и лани.
Легендарниот британски тим ја задржа и портокалово-црната комбинација, а таа претставува еволуција на минатогодишниот модел MCL60, кој имаше лош почеток на сезоната, а потоа блесна во одредени моменти, што на Мекларен му го донесе четвртото место меѓу конструкторите.
Минатогодишниот болид беше првиот кој беше надгледуван од нула од тимскиот шеф Андреа Стела и неговите соработници, а тој во меѓувреме доби и засилувања. Мекларен ги доведе Роб Маршал од Ред Бул и Давид Санчез од Ферари.
Take a look at the details on the #MCL38. 🔍 pic.twitter.com/6pOE2plLjJ
— McLaren (@McLarenF1) February 14, 2024
Оваа сезона Мекларен сака да направи чекор напред во однос на минатата сезона, во која Норис и Пјастре постигнаа осум подиуми, а во последната третина го имаа вториот најбрз болид, бидејќи само Ред Бул беа предни.
На Норис му претстои шеста сезона во Формула 1, како и Мекларен, со кој потпиша нов договор според кој ќе остане во тимот најмалку до 2026 година. Од друга страна, Пјастре дебитираше минатата година и имаше една од најимпресивните дебитантски сезони во последниве години.време.
OUR 2024 CHALLENGER. 🤩 Presenting the #MCL38! 🧡 pic.twitter.com/92bFXbLSmb
— McLaren (@McLarenF1) February 14, 2024
Инаку, Мекларен е претпоследниот тим кој го претстави својот болид, бидејќи Мерцедес тоа го направи порано во текот на денот. Ред Бул ќе го има последното претставување – во четврток.
Новата сезона во Формула 1 започнува со Големата награда на Бахреин, од 29 февруари до 2 март, а претходно сите возачи ги чекаат тестирањата на „Сакира“ од 21 до 23 февруари.
Спорт
Младата фудбалска репрезентација до 16 години денес на „Петар Милошевски“ го игра вториот контролен меч против Словенија, првиот по одлична игра заслужено го добивме!
Младата репрезентација на Македонија до 16 години (фудбалери родени 2009 година) денес со почеток во 13. часот ќе го одигра и последниот контролен натпревар со соодветната селекција на Словенија. По претходниот одигран на тренинг центарот „Петар Милошевски“ во Скопје нашите момчиња славеа 2:0 по одличната игра на терен.
Минатиот меч проследете го на официјалниот јутјуб канал од Фудбалската федерација на Македонија каде во живо се пренесуваат и фудбалски натпревари од ПМФЛ/ВМФЛ и сите актуелности:
Како што веќе е познато, селекторот на младата репрезентација на Македонија до 16 години, Драган Начевски, за претстојните два последователни натпревари со Словенија, се одлучи да ги повика следните фудбалери, додека денешниот меч очекуваме да им даде шанса и на втората постава која е исто така доста квалитетна и вистинска иднина за македонскиот фудбал!
Комплетен состав:
ГОЛМАНИ:
Лука Грчевски Минералац, Србија
Амин Суљовиќ Парк
Даријан Денковски Македонија Ѓ.П.
ОДБРАНА:
Стефан Јорданоски Брера
Михаил Митрески Работнички
Матеја Масев Црвена Звезда, Србија
Аријан Рамадани Шкендија
Енсар Зеќири Австрија Виена
Антонио Атанасов, Работнички
Матеј Петков Илертисен, Германија
Горјан Петков Македонија Ѓ.П.
СРЕДЕН РЕД:
Јаков Ангелов Грос Умштад, Германија
Дарин Михајловски Работнички
Лука Трпевски Црвена Звезда, Србија
Сонер Ракипи Шкендија
Фадиљ Исламовиќ Работнички
Андреј Цветковски Работнички
Ахмед Сејдини Работнички
Јоаким Горгиев А.П. Брера
НАПАД:
Стефан Војчевски А.П. Брера
Ердин Мамути Работнички
Јаков Стојковски Падерборн, Германија
Вулнет Ахмети Шкупи
Спорт
Новак Ѓоковиќ потврди дека нема да игра на Мастерсот во Париз годинава
Српскиот тенисер Новак Ѓоковиќ денеска потврди дека нема да ја брани титулата на претстојниот Мастерс во Париз.
– За жал, годинава нема да играм на Мастерсот во Париз. Жал ми е за сите што се надеваа дека ќе ме видат како играм таму. На сите играчи, спонзори, организатори и навивачи им посакувам одличен турнир – изјави Ѓоковиќ на социјалните мрежи.
Српскиот тенисер лани ја освои седмата титула на Мастерсот во Париз победувајќи го Григор Димитров од Бугарија со 6:4, 6:3.
Имам многу убави спомени од местото каде што освоив седум титули и се надевам дека ќе се вратам следната година – додаде Ѓоковиќ.
Спорт
Официјално ФФМ го предаде проектот за изградба на западната трибина на стадионот Билјанини Извори во Охрид
Фудбалската федерација на Македонија (ФФМ) официјално го предаде проектот за изградба на новата западна трибина на стадионот „Билјанини Извори“ до Општина Охрид. На денешната средба во Охрид присуствуваа претседателот на ФФМ, Муамед Сејдини, членот на Управниот одбор на ФФМ, Тони Иваноски и претседателот на Општинскиот фудбалски Сојуз на Охрид, Цане Милошоски, кои остварија средба со градоначалникот на Охрид, Кирил Пецаков.
Новата западна трибина се очекува да има капацитет од 3.500 седишта и дополнителни простории, вклучувајќи 8 скај-боксови за ВИП зони. Ова е вториот инвестициски проект на ФФМ во стадионот во Охрид, по изградбата на источната трибина според меѓународни стандарди.
Покрај инвестициите на ФФМ, со овој договор Општина Охрид се обврзува да ги изгради и двете трибини зад головите, како и осветлувањето, со што стадионот ќе се трансформира во модерен спортски објект спремен за одржување на меѓународни натпревари, вклучувајќи ги и оние на македонската А репрезентација.
Со овој проект Охрид ќе стане значаен центар на фудбалот и со меѓународна спортска инфраструктура.
-
Хороскоп1 ден
Хороскоп за среда (23 октомври)
-
Кичево2 дена
Во ЈЗУ Општа Болница Кичево недостигал ехо апарат, случајот бил пријавен во МВР
-
Lifestyle2 дена
Кој е нормалниот крвен притисок според возраста?
-
Хороскоп6 часа
Хороскоп за четврток (24 октомври)
-
Временска прогноза21 час
До крајот на месецот стабилно време, но со ниски утрински температури и магла по котлините
-
Македонија7 часа
Викендов започнува зимското сметање на време, сонцето ќе заоѓа порано и деновите стануваат значително пократки
-
Македонија22 часа
Денес е 23-ти октомври, ден на Македонската Револуционерна Организација
-
Автомобили18 часа
BMW: Забраната за возила на бензин и дизел во ЕУ не е реална