Кичево

„Рурална Коалиција“ го уреди дворскиот простор за играње на дечиња од кичевската градинка „Олга Мицеска“

Објавено пред

4 години

на

јуни 24, 2021

Од

Порта.мк

Рурална Коалиција во рамките на проектот за институционално јакнење на организацијата повторно делува на терен и успева да ја мобилизира локалната заедница овој пат за најмалите членови на заедницата. Имено, во период од 3 месеци активно се работеше на уредување на надворешниот простор за игра на децата од градинката „Олга Мицеска“ во Кичево, а на предлог на неформална група на граѓани која што ја предводеше токму директорот на градинката, г-дин Садик Ахмети.

– Тој имено напомена дека е повеќе и од важно да се мотивира локалното население и да се активира, а се со цел да придонесе кон зголемување на квалитетот на живот во заедницата затоа што промените треба да дојдат токму од кај нас самите односно граѓаните. Воедно тој ја изрази својата благодарност до Рурална Коалиција и програмата на Цивика Мобилитас за поддршката и придонесот во уредувањето на дворот на градинката со набавка на лизгалка, детски играчки и придонес кон уредување на надворешното окружување во кое што децата ја поминуваат својата игра.

Лилјана Јоноски, пак, извршната директорка на Рурална Коалиција истакна дека ваквите иницијативи на локално ниво ни се и повеќе од потребни затоа што оставаат добар пример, но во исто време и ги мотивира и останатите заедници да се активираат и да придонесат за подобрување на квалитетот на живот во локалната заедница затоа што пак промените се можни само ако самите ги донесеме што е и основното мото на програмата на Цивика Мобилитас, односно „Граѓаните за промена“.

– Таа додаде дека поддршката исто така и од страна на донаторите во нашата земја е повеќе и од потребна особено кога се прават вакви акции кои што ги поттикнуваат самите граѓани и кога особено се однесуваат за оние на кои што ја оставаме иднината, ама и кои што се обидуваме да ги задржиме во локалната заедница, а тоа се децата.

Цивика мобилитас е програма на Швајцарската агенција за развој и соработка (СДЦ) за поддршка на граѓанското општество во Македонија, која ја спроведуваат НИРАС од Данска, Македонскиот центар за меѓународна соработка (МЦМС) и ФЦГ од Шведска

Следно

Ресторан „La Casa“ за прв пат покрај базен, уште едно ново урбано место кое ќе го краси градот Кичево

Не пропуштај

Бакарди распишува оглас за пица мајстори и келнери за претстојната сезона кои ќе бидат во редовен работен однос

Кичево

КК „Баскет Кичево“ започнува со тренинзи по термини во спортска сала, стани и ти дел од вистинска спортска приказна со искусни тренери

Објавено пред

11 часа

на

декември 1, 2025

Од

Порта.мк

©porta.mk

КК „Баскет Кичево“ носи вистинска свежина во кошарката. Имено, по првично комплетирање на тимот, започнува со официјални тренинзни по термини, и тоа, вторник и четврток од 19:30ч и сабота од 12:00ч.

Не заборавајте, уписите за момчиња и девојчиња на возраст од 10 до 17 години, се уште траат, истите можат да се извршат и за време на тренинзите во горенаведените термини во спортската сала на ОСУ „Мирко Милески“. Ова е вистинска и идеална можност секој млад спортист да ги направи своите први чекори на кошаркарскиот терен.

Зошто да станеш дел од КК Баскет Кичево?

Ќе тренираш со лиценцирани и искусни тренери кои ќе ти помогнат да го извлечеш најдоброто од себе.
Ќе имаш можност да стекнеш нови пријателства и да бидеш дел од тим што се поддржува и напредува заедно.
Секој тренинг е чекор напред – ќе учиш, ќе се надградуваш и ќе растеш и како кошаркар и како личност.
📞 За уписи и повеќе информации, контактирајте ги тренери:
- 075/525-774 – Војне Савески
- 078/424-238 – Александар Димитров
🚀 Не ја пропуштај шансата! Приклучи се и стани дел од КК „Баскет Кичево“ – клубот каде што талентот расте, а соништата допрва стануваат реалност!

Прочитај повеќе...

Кичево

Предмалку се случила тешка сообраќајна несреќа на магистралниот пат кај с. Трапчин Дол кичевско

Објавено пред

19 часа

на

декември 1, 2025

Од

Порта.мк

Предмалку се случила тешка сообраќајна несреќа на магистралниот пат кај с. Трапчин Дол кичевско. Немаме подетални информации за учесниците на сообраќајката и нивното здравје.

Апелираме за внимание доколку поминувате преку овој патен правец.

Наскоро очекуваме детали од овој настан. Од она што го знаеме како информација од случајни минувачи, учесници се и жители од Косово.

На интервенција се веќе екипи на Итна помош при Општата болница Кичево и Полициски екипи.

Прочитај повеќе...

Кичево

(ФОТО) Вчера во Кичево во преполна сала и одличен амбиент се одржа првиот хуманитарен концерт на „Македонски Завет“ и „Патриотско Друштво“

Објавено пред

2 дена

на

ноември 30, 2025

Од

Порта.мк

ФОТО: ©porta.mk

Во рамки на вчерашниот ден Патриотско Здружение „Македонски Завет“ од Кичево и Патриотското Друштво во НУЦК „Кочо Рацин“ – Кичево организираа хуманитарен концерт наречен „Чување на традицијата и негување на Културното наследство“, во соработка со „Црвен Крст“, Кичево

Концертот беше збогатен со многу музика, оро и родољубиви песни, а настапуваа културно-уметничките друштва од Кичево и естрадните уменици, додека бендот кој беше задолжен за комплетната програма беше група „ЕТНУМ“.

Да ги позравиме уште еднаш учесниците: КУД Бисер Кичево, КУД Нико Пусоски Кичево, КУД Младост Кичево, КУД Кочо Рацин Кичево, Христијан Трајаноски, Дарко Стојаноски, Методија Столески, Софија Пуровска, Анастасиа Митровска, Мирослав Мирчески, Михајло Данилоски, Лука Лазарески, Христијан Тришоски

Да потсетиме, средствата од концертот, ќе бидат донирани на социјални и ранливи семејства во соработка со „Црвен Крст“ Кичево, во предновогодишниот период. Мотото и целта на овој проект беше реализација на Патриотско Здружение „Македонски Завет“ – Кичево е да помогне на тие на кои сме им најпотребни и да им ги удостоиме новогодишните и Божикни празници, со хумана донација. Патриотски е да бидеме хумани.

Благодарни што сме дел од овој хуман настан, ние и понатаму ќе продолжиме да даваме максимална поддршка за хуманитарните настани било каде во државата, па и Кичево.

Преку нашиот објектив, Ви го пренесуваме настанот во целост: