Македонија

Балканските музички ѕвезди ќе пеат во чест на Тоше

Објавено пред

6 години

на

октомври 29, 2018

Од

Порта.мк

Голем број балкански и домашни ѕвезди ќе пеат песни на Тоше Проески на концертот што во негова чест ќе се одржи на 2 ноември во СРЦ „Борис Трајковски“ во Скопје.
На концертот ќе биде промовиран и албумот „Secret place“, со досега необјавени песни на англиски јазик, снимени во студиото на Енди Рајт во Скопје, а една песна ќе отпее и неговиот внук Кристијан Ристески, кој студира соло-пеење на факултетот ЕСРА. Станува збор за „We are blood“, со која тој ќе зачекори на македонската музичка сцена. Песната е снимена во студиото на Енди Рајт во Лондон, кој заедно со Кристијан е автор на текстот посветен на Тоше. За темата е реализиран и спот, а во улога на режисер се појавува Александар Пауновски.

Албумот „Secret place“ содржи вкупно 10 песни, од кои три се преработени хитови на Тоше, со нови аранжмани, а за две од нив се снимени и спотови, што ќе бидат премиерно прикажани.

Инаку, музичарите на сцената ќе ги придружува бендот на Тоше, а пробите се веќе во тек. Гости на овој голем концерт ќе бидат пејачи што на некој начин се поврзани со кариерата на Тоше, соработувале со него или биле блиски пријатели од целиот Балкан – велат од фондацијата „Тодор Проески“.

В петок ќе ги слушнеме Антониа Гиговска и Александар Тарабунов, кои беа дел од мјузиклот „Тајно моја“, кој беше поставен во МОБ по повод десетгодишнината од неговото заминување. Меѓу учесниците се и: Тијана Дапчевиќ, Тамара, Каролина Гочева, Наум Петрески, „Фрајле“, Бојан Маровиќ, Ања Рупел, Владо Калембер, Борис Новковиќ, Сергеј Четковиќ, Јелена Томашевиќ, а до петок на оваа листа можеби ќе биде додадено уште некое познато музичко име.

Концертот ќе почне во 20 часот, а билетите, по цена од 250 до 300 денари, се веќе во продажба во „Југотон“.

Гости на концертот што ќе се одржи на 2 ноември, во СРЦ „Борис Трајковски“, ќе бидат пејачи од Македонија и од целиот Балкан што на некој начин се поврзани со кариерата на Тоше, соработувале со него или биле блиски пријатели, велат од фондацијата „Тодор Проески“

Нова Македонија

Тагови:

Следно

Ноември ни носи вистински летни температури дури и до околу 30°C

Не пропуштај

Од ноќеска големо намалување на горивата, ова се новите цени!

Македонија

Од ноќеска значителен пад на цената на бензинот и дизелот

Објавено пред

23 часа

на

април 9, 2025

Од

Порта.мк

Малопродажните цени на бензинот ЕУРОСУПЕР БС-95, на ЕУРОДИЗЕЛ (Д-Е V) и на Екстра лесното масло за домаќинство на (ЕЛ-1) се намалуваат за 2,00 ден/лит, во однос на малопродажните цени на нафтените деривати утврдени со одлуката за утврдување на највисоки малопродажни цени на нафтените деривати и горива за транспорт од 08.04.2025 година и со тоа малопродажната цена на ЕУРОСУПЕР БС-95 изнесува 74,00 ден/лит, малопродажната цена на малопродажната цена на ЕУРОДИЗЕЛ (Д-Е V) изнесува 66,50 ден/лит и малопродажната цена на Екстра лесното масло за домаќинство на (ЕЛ-1) изнесува 66,50 ден/лит.

Малопродажната цена на бензинот ЕУРОСУПЕР БС-98, се намалува за 2,50 ден/лит, во однос на малопродажната цена на нафтениот дериват утврдена со одлуката за утврдување на највисоки малопродажни цени на нафтените деривати и горива за транспорт од 08.04.2025 година и со тоа малопродажната цена на ЕУРОСУПЕР БС-98 изнесува 76,00 ден/лит, известува РКЕ.

Прочитај повеќе...

Македонија

Мало намалување на цената на нафтените деривати од ноќеска

Објавено пред

3 дена

на

април 7, 2025

Од

Порта.мк

Малопродажните цени на бензините ЕУРОСУПЕР БС-95 и ЕУРОСУПЕР БС-98, на ЕУРОДИЗЕЛ (Д-Е V) и на Екстра лесното масло за домаќинство на (ЕЛ-1), се намалуваат за 0,50 ден/лит, во однос на малопродажните цени утврдени со одлуката за утврдување на највисоки малопродажни цени на нафтените деривати и горива за транспорт од 01.04.2025 година и со тоа, малопродажната цена на ЕУРОСУПЕР БС-95 изнесува 76,00 ден/лит, малопродажната цена на ЕУРОСУПЕР БС-98 изнесува 78,50 ден/лит, малопродажната цена на малопродажната цена на ЕУРОДИЗЕЛ (Д-Е V) изнесува 68,50 ден/лит и малопродажната цена на Екстра лесното масло за домаќинство на (ЕЛ-1) изнесува 68,50 ден/лит.

Прочитај повеќе...

Македонија

Воведена забрана за тешки товарни возила за Стража, Маврово-Дебар

Објавено пред

4 дена

на

април 6, 2025

Од

Порта.мк

Забрани за сообраќај за тешки товарни возила од 15.25 часот се воведени на патните правци Гостивар – Кичево преку планинскиот превој Стража, на патниот правец крак Маврово – Дебар и од 16.20 часот на патниот правец Битола – Ресен преку планинскиот превој Ѓавато.

На одредени патни правци кои поминуват низ клисури и усеци можна е појава на поситни одрони.

ЈП Македонијапат апелира на внимателно управување со возилата, почитување на поставената сообраќајна сигнализација како и прилагодување на брзината спрема условите на патот.

Дежурните екипи на ЈП МАКЕДОНИЈАПАТ се постојано на терен и ги одржуваат сите патни правци проодни.

Сите подетални информации учесниците во сообраќајот можат да ги добијат на нашиот дежурен телефон 02 25 61 502.

Извор: ЈП Македонија Пат

Прочитај повеќе...