Социјални мрежи
Еве колку луѓе „шпионира“ Фејсбук и колку чини „да се знае сè за еден корисник“

Огромната регулатива за заштита на податоци во Европската унија ќе стапи на сила на 25 мај и ќе ги претстави острите рестрикции кога се во прашање корисничките податоци и чувањето на лични податоци од луѓето на интернет.
Ова во голема мера ќе влијае на технолошките компании во ЕУ, бидејќи веќе нема да можат толку слободно и ефективно да ги користат личните податоци од нивните корисници.
А една од тие компании, секако, е и Фејсбук, која во целот ќе мора да го смени својот пристап кон личните податоци, барем кога станува збор за нивните европски корисници. До овој заклучок беше дојдено при истражувањето на Универзитетот Карлос III од Мадрид.
Резултатите од истражувањето покажаа дек Фејсбук ги бележи интересите на корисниците поврзани со чувствителни лични податоци во 73 насто од посетителите од ЕУ, што отприлика претставуваат 40 насто од целокупната популација на Европската унија.
Со други зборови, социјалната платформа ги чува личните податоци за околу 205 милиони Европјани, кои можат да бидат искористени од трета страна со цел да се утврди нивниот идентитет и на тој начин да ја загрозат нивната безбедност.
Кога на сила ќе стапат новите правила, Фејсбук ќе мора да бара согласност од секој негов корисник од ЕУ за да ги користи неговите лични податоци.
Притоа, истражувачите тврдат дека личните податоци од некое лице преку Фејсбук можат да се откријат и добијат со плаќање од трета страна и тоа чини само 0,015 евра по корисник.
Социјални мрежи
ТикТок наскоро повторно ќе биде активна за „Андроид“ корисниците ширум Америка

Платформата TikTok најави дека ќе им овозможи на американските корисници на Android да ја преземаат и користат апликацијата преку пакети достапни на нејзината официјална веб-страница, заобиколувајќи ги ограничувањата наметнати во земјата.
Апликацијата не беше вратена во продавниците на Google и Apple откако на 19 јануари стапи на сила американскиот закон со кој се бара нејзиниот кинески сопственик, ByteDance, да го продаде TikTok или ќе се соочи со забрана поради национална безбедност, објави Ројтерс.
Американскиот претседател Доналд Трамп, кој ја презеде функцијата ден по стапувањето на сила на законот, потпиша извршна наредба со која забраната се одложува за 75 дена.
Трамп рече дека е во разговори со неколку заинтересирани страни за продажба на TikTok и дека ќе донесе одлука за иднината на платформата овој месец.
Инаку, TikTok моментално има околу 170 милиони корисници во САД. Претходно оваа недела, Трамп потпиша извршна наредба со која се наредува создавање на суверен богат фонд во текот на следната година, што укажува дека фондот би можел да биде потенцијален купувач на апликацијата.
Американските власти предупредуваат дека додека TikTok е под контрола на ByteDance, може да има злоупотреба на податоците на американските корисници.
Сепак, TikTok тврди дека тврдењата за нејзините врски со Кина се лажни, пренесува Танјуг.
Социјални мрежи
„WhatsApp“ воведува нова функција која ќе ги воодушеви корисниците, ова корисниците ги нервира со години

WhatsApp работи на нова функција која им овозможува на корисниците да додаваат и управуваат со повеќе сметки во една апликација. Функцијата, откриена во најновата бета верзија на WhatsApp за iOS 25.2.10.70, сè уште е во развој.
Тоа треба да го олесни користењето на популарната апликација за оние кои користат WhatsApp со повеќе од еден телефонски број за лична и професионална употреба. Можноста за користење на повеќе сметки првпат беше воведена во бета верзијата на апликацијата Android, наменета за тестери, а сега истата функција се проширува и на корисниците на iOS.
Главната цел на неговото воведување е да се елиминира потребата од користење на повеќе уреди или паралелни апликации за ракување со различни сметки на WhatsApp. И кога конечно ќе се имплементира, ќе им овозможи на корисниците да додаваат сметки директно преку поставките на апликацијата, без никакви заобиколувања.
Корисниците ќе можат да ги чуваат сите свои разговори организирани во една апликација, додека нивните сметки ќе бидат одвоени. Известувањата, разговорите, резервните копии и поставките ќе останат посебни за секоја сметка и ќе работат независно во апликацијата, пренесува SmartLife
Социјални мрежи
Нов тренд по интернет, ТикТок се забранува во САД, се појавија низа огласи каде што најскап мобилен уред со веќе постоечка апликација се продава за 75.000 долари

Додека Apple и Google одбиваат да го вратат TikTok во нивните е-продавници за апликации додека не го купи американска компанија, препродавачите на eBay се обидуваат да ја искористат ситуацијата нудејќи им на iPhone уреди со инсталирана апликација по огромни цени. Ова доаѓа откако TikTok беше привремено забранет во САД, пред претседателот Доналд Трамп да потпише извршна наредба за заштита на апликацијата во следните 75 дена.
Apple зазеде цврст став дека нема да го врати TikTok во App Store додека апликацијата не ја купи американска компанија, а Google го стори истото со својата Play Store. Оваа одлука на двата технолошки гиганти дополнително ја искомплицира ситуацијата околу популарната апликација за споделување кратко видео.
Во меѓувреме, на eBay се појави нов тренд. Најскап меѓу рекламите е iPhone 15 Pro Max со 256 GB меморија, за кој бараат неверојатни 75.000 долари, додека повеќето други реклами ја задржуваат цената околу 50.000 долари.
Еден од продавачите, кој има 100% позитивни критики на eBay, во огласот наведува дека телефонот е во сосема нова состојба и цело време бил заштитен со квалитетна футрола. Сепак, она што привлекува внимание не е состојбата на телефонот, туку фактот што ја работи апликацијата TikTok.
Дури и ако некој реши да издвои огромна сума пари за ваков телефон, самата апликација најверојатно ќе биде неупотреблива поради забрана на системот. Во моментов нема информации дека телефони се продадени по овие цени, а се очекува продавачите наскоро да ги тргнат своите огласи, пренесува telegraf.rs
-
Хороскоп1 ден
Хороскоп за сабота (22 февруари)
-
Македонија1 ден
Кај Демир Капија – Смоквица до крај на месец мај ќе има измена на сообраќај, односно целосно затворање на „Тунел Т2“
-
Временска прогноза8 часа
Студот ќе попушти, ќе имаме магла и услови за слаби врнежи од дожд и од снег следната седмица!
-
Хороскоп3 часа
Хороскоп за недела (23 февруари)
-
Македонија11 часа
Во водите на охридско езеро минувачи забележале неексплодирана бомба
-
Мобилни уреди8 часа
Крај на една ера, „Apple“ ја прекина една од најпрепознатливите функции на „iPhone“ по 18 години
-
Автомобили1 ден
Dacia подготвува електричен автомобил поевтин од новото Twingo
-
Магазин1 ден
Како да ја зачувате батеријата на телефонот: Четири клучни совети