Кичево
Прогласена најдобрата спортистка на Кичево за 2018
Младата и талентирана каратистка членка на карате клубот „Ускана“ од Кичево, Анастасија Мингоска е прогласена за најдобра спортистка на Кичево за 2018 година. Мингоска во текот на оваа календарска година на Државното првенство во шотокан карате за возраст до 12 години, го освои првото место во кати, а истиот резултат го потврди и на Балканскиот шампионат што во месец октомври се одржа во Белград.
Таа покрај годинешната титула државен првак и во претходните три години во својата возрасна категорија беше најдобра во земјава.
-Веќе 5,5 години се занимавам со карате и работам во клубот„ Ускана“ каде мои тренери се Неџми и Јетмире Дервиши. Три пати во неделата работам на своето усовршување и резултатите остварени на домашен и меѓународен план се најдобра потврда дека сум на вистинскиот пат. И наредните години ќе продолжам да се занимавам со карате и уште отсега можам да најавам нови титули и нови први места – вели спортистката Мингоска, ученичка од седмо одделение во ОУ „Христо Узунов“ во село Другово.
Нејзиниот тренер Неџми Дервиши е презадоволен од односот кон тренинзите и приодот во работата.
-Повеќе од 5 години Анастасија е дел од нашиот клуб и уште од првото доаѓање беше очигледно дека има желба за работа и голем талент. Со секоја наредна година нејзиниот прогрес беше видлив и како резултат на нејзините спортски карактеристики дојдоа и врвните остварувања како што се четирите титули Државен првак во кати и највредното остварување Балканска шампионка во кати за девојки до 12 години за 2018 година – истакна нејзиниот тренер Неџми Дервиши, кој веќе 12 години е тренер во овој карате клуб од Кичево.
Инфо: Зоран Антоски
Кичево
(ФОТО) Вандализам во Кичево, непотребно оштетени сообраќајните знаци
На 16.09.2024 во 15:40 часот во ОВР Кичево е пријавено оштетување со спреј во боја на 11 сообраќајни знаци кои се поставени покрај коловозната лента од улицата „Магистрален пат“ до „Битолска крстосница“ во близина на кичевското село Другово.
– Според членот 190 од Законот за безбедност во сообраќајот на патиштата „на сообраќајниот знак и на столбот на кој е поставен знакот, забрането е да се става нешто што не е во врска со значењето на сообраќајниот знак и забрането е неовластено поставување, преместување, отстранување и оштетување на сообраќајните знаци и на опремата на патот или измена на значењето на сообраќајните знаци“.
ОВР Кичево презема мерки за расчистување на настанот, по што ќе биде поднесена соодветна пријава, информира портпаролот на СВР Охрид, Стефан Димоски.
Кичево
Покана и распоред за главната Манастирска слава на Свештената Пречистанска Обител
Во пресрет на главната манастирска слава на Свештената Пречистанска Обител, во спомен на раѓањето на Богомајката, нашата застапничка пред Бога, ја имаме честа да ве поканиме:
петок, 20ти септември
18:00ч. – празнична Вечерна богослужба, на која ќе началствува Неговото Високопреосвештенство Митрополитот Дебарско-кичевски г. Тимотеј, а ќе претстојат Митрополитот Повардарски г.Агатангел и секако нашиот највозљубен Старец и Епископ Антаниски – г.Партениј.
Во текот на богослужбата, една искушеничка( Душица) од нашето сестринство ќе биде вброена кон рамноангелскиот монашки чин.
сабота, 21 септември
7:00ч. – утрена богослужба.
8:45ч. – пречек на Архиереите: Митрополитот Дебарско-кичевски г. Тимотеј, Митрополитот Повардарски г. Агатангел, Митрополит г.Илија од Финска и Старецот и Епископ Антаниски г. Партениј.
9:00ч. – Света архиерејска Златоустова Литургија.
Потпирајќи се со цврста вера на Онаа Која е поширока од Небесата и Која Го роди Спасителот наш, ве очекуваме со голема радост заеднички да го прославиме роденденот на Мајката Божја и Мајката наша! Воедно, ќе учествуваме заеднички и во молитвите при чинот на монашкиот потстриг на нашата сестра. А за сето тоа да биде целосно исполнето со најубавото источно православно пеење, ќе помогнат нашите најдраги пријатели од Света Гора: архимандритите о. Матеј, о. Антипа, о. Херувим, монаси, псалти и други гости.
Преку нашиот медиум, ве посакуваме да го понесете со себе благословот од средбата со Чудотворната икона Богородица Крнинска, Пречистанските Светии Евнувиј, Пајсиј, Аверкиј, чесните мошти на Света Параскева и повторно да доживееме духовно и телесно исцеление и обновување!
Кичево
Утре овие кичевски села поради работа на ЕВН ќе бидат без електрична енергија
Како што информираат од ЕВН за нашиот медиум, поради зафати на електродистрибутивната мрежа утре на ден 18.09 – среда, ЕВН КЕЦ Кичево ќе работи на терен, така што прекини во снабдување на електрична енергија ќе имаат домаќинствата на следните кичевски села:
* с.Извор, с.Кленоец, с.Попоец, с.Малкоец, с.Иванчишта, с.Душегубица, Луис Гемстон, Трансмет и ХПП Ехлоец (Од 08:30 до 15:00ч)
- Напомена: Времетраењето „од-до“ може да зависи од ефикасноста на работата.
-
Кичево2 дена
(ФОТО) Вандализам во Кичево, непотребно оштетени сообраќајните знаци
-
Кичево2 дена
Утре овие кичевски села поради работа на ЕВН ќе бидат без електрична енергија
-
Хороскоп1 ден
Хороскоп за среда (18 септември)
-
Кичево2 дена
Покана и распоред за главната Манастирска слава на Свештената Пречистанска Обител
-
Хороскоп4 часа
Хороскоп за четврток (19 септември)
-
Мобилни уреди1 ден
Пристигна „iOS 18“, до сега најголемата надградба во историјата на „iPhone“, овие уреди ќе ги добијат новостите кои ги носи новиот систем
-
Магазин2 дена
Австралија ја затвора 3G мрежата
-
Магазин14 часа
Дали користите инкогнито? Може да ви се случи оваа чудна ситуација