Македонија
Мајки, татковци, наставници – Среќен почеток на вашите првачиња!

Прв училиштен ден, во многу семејства осамнат низ мала вознемиреност, помешана со радост и исчекување.
На влезната врата од училиштето со второ име Нашето Училиште, сѐ е подготвено за малите првачиња. Ќе ги пречека весела и малку збунета раздвиженост. Детски искрено и можеби срамежливо, ќе си подадат раце некои поранешни и многу нови другарства.
Заедно, како дел од развлечените колони кои првпат денес ќе се направат, ќе ја следат приредбата за добредојде. Потоа, училишното ѕвонче конечно ќе го означи почетокот на првиот час.
По некоја солза ќе светне во очите на мама, или некој друг, и големата авантура за првачиња деца и првачиња учители, ќе може да почне.
-како се викаат новите другарчиња;
-по кој пат се стигнува до училницата;
-кои се другите простории;
-што можат да прават на час, а што на одмор;
-како се позајмува, помага, соработува, споделува, учи…
Заедно со најмалите ученици ќе растат и нивните родители. Тоа растење не е секогаш едноставно, за толку пораснати првачиња. Учејќи ги своите деца и тие ќе учат:
-како да дадат безрезервна поддршка, а да не презаштитуваат;
-што можат и што не можат да очекуваат во Нашето Училиште;
-зошто секој ученик се натпреварува сам со себе и никој не е секогаш најдобар во сѐ;
-како да се справат со промените, во семејството со нова титула – семејство на прваче…
Прв училиштен ден во многу училишта. Ќе се обидеме нежно да ги внесеме во еден нов свет, нашите мали првачиња. Во него, како што деновите ќе минуваат, полека ќе почнат да го препознават своето второ семејство. Ќе бидат многу слични, но и различни, секој на свој единствен начин. Ајде така да ги видиме и така да ги разбереме, сите ние кои имаме одговорност и привилегија да бидеме тука за нив, додека растат.
Да им дадеме време и да бидеме трпеливи со одговорите.
Да им посакаме, лесно да се справуваат со предизвиците и лесно да го пронаоѓаат скриеното богатство на островот Нашето Училиште.
Да им помогнеме, да бидат успешни ученици, кои со радост ќе ги совладуваат задачите и секојдневно ќе ги откриваат убавините во другарувањето, знаењето, љубовта, играта…
Да им кажеме СРЕЌЕН ПОЧЕТОК на сите денешни првачиња – ученици, родители и учители!
Извадок од архива на Елизабета Петровиќ
Македонија
ЦУК преку УХМР објави хидролошка информација за водостоите на реките ширум Македонија

Од УХМР известуваат дека водостоите на реките низ земјава се во опаѓање. Водостојот на река Вардар исто така бележи намалување по целото течение на реката и тоа се очекува да продолжи до крајот на денот. Во доцните вечерни часови и за време на претстојната ноќ се очекуваат нови врнежи од дожд претежно во западните делови на земјата каде се прогнозираат количини на врнежи од 15-20 l/m2.
Земјата полека се заситува со влага од претходните врнежи изминативе денови така што можна е реакција на реките во западниот дел на земјата и извесно зголемување на нивниот водостојот. Зголемување на водостојот доцна во ноќта и утре изутрина може да има на река Треска, река Црна, на водотеците од горниот дел од сливот на река Вардар, како и на реките кои доаѓаат од планинскиот масив Солунска Глава.
Според прогнозите можни се и краткотрајни врнежи со умерен интензитет кои што можат да доведат до брзо зголемување на водостојот на помалите реки и суводолици во западниот дел на земјата, односно на малите реки и суводолиците кои доаѓаат од Шар Планина и од планината Јакупица (масивот Солунска Глава).
Пообилни врнежи можни се и во делови од градските средини како Тетово и западниот дел на Скопје каде што предупредуваме на внимание. Во источниот дел на земјата во текот на денешниот ден не се очекуваат поголеми зголемувања на водостоите.
Предупредуваме на внимателно движење покрај реките и суводолиците во текот на вечерните часови и ноќта, известува Центарот за управување со кризи, преку УХМР.
Извор: ЦУК
Македонија
Сообраќајно инфо: Намалена видливост поради магла на превој „Стража“

Патна информација до сите кои патуваат преку планинскиот превој „Стража“, особено да внимаваат затоа што има намалена видливост поради појава на магла – 50-80м, додека сообраќајот се одвива непречено, по влажни коловози.
Патувајте безбедно, почитувајќи ја поставената патна сигнализација и прилагодување на возилата према условите на патот.
Пријатен пат!
Македонија
МВР: Кривична пријава против 10 полициски службеници од Единицата за брзо распоредување за злоупотреба на службена положба и овластување

Одделот за внатрешна контрола, криминалистички истраги и професионални стандарди при Министерството за внатрешни работи, до Основното јавно обвинителство за гонење на организиран криминал и корупција – Специјализирано оддделение за гонење на кривични дела сторени од лица со полициски овластувања и припадници на затворската полиција, поднесе кривична пријава против полициските службеници К.Ѓ., Г.Д., Н.С., И.Г., Д.Д., Д.Д., Н.М., С.С., З.Т. и Д.Т., сите вработени во Единицата за брзо распоредување, поради постоење основи на сомнение дека извршиле кривично дело „злоупотреба на службената положба и овластување’’ казниво по член 353 од Кривичниот законик.
Пријавените, со намера за себе да прибават противправна имотна корист, искористувајќи го стекнатото право за надомест на патни трошоци, поради тоа што по лична карта се воделе со место на живеење надвор од Скопје, ја злоупотребиле службената положба на начин што примале парични средства од Министерството за внатрешни работи за денови во кои не патувале од своето место на живеење до работното место во Скопје и обратно, со што во периодот 01.12.2023 до 17.09.2024 го оштетиле буџетот на Министерството за внатрешни работи во вкупен износ од 1.098.120 денари.
Одделот за внатрешна контрола, криминалистички истраги и професионални стандарди за пријавените полициски службеници ќе поднесе и предлог за поведување на постапка за утврдување на дисциплинска одговорност, предмалку информира МВР.
-
Хороскоп1 ден
Хороскоп за четврток (3 април)
-
Временска прогноза12 часа
Ново ажурирање: Доаѓа екстремно ладно време за април, силен северен ветер и снег, невообичаено за овој период од годината
-
Хороскоп9 часа
Хороскоп за петок (4 април)
-
Кичево1 ден
Во сабота на кичевското „Китино Кале“ ќе се одржи забавна и едукативна сликарска сесија за деца и тинејџери, кои ќе истражуваат како ноќното небо ја инспирира уметноста низ историјата
-
Хроника2 дена
ОВР Крива Паланка приведе три лица, се сомничат за убиство на 84 годишен старец, најден закопан во близина на живеалиште
-
Автомобили2 дена
„Шкода“ го претстави својот освежен и подобрен модел на „Ениак“
-
Магазин2 дена
Nintendo е подготвен да ја претстави конзолата Switch 2
-
Магазин2 дена
Nvidia GTC 2025: Најновите иновации во вештачката интелигенција