Во рамките на Програмата Еrasmus+, ОСУ ,,Мирко Милески”- Kичево оваа учебна година ќе продолжи да учествува со уште еден нов проект. Имено од 01.09.2020 година училиштето е партнер во меѓународниот проект: ,,Wake up your school – become an active citizen” преку програмата Erasmus+ . Стратешкото партнерство е формирано помеѓу средни училишта од: Полска(главен координатор на проектот), Италија, Република Македонија и Бугарија. Проектот ќе трае две години, односно до 31.08.2020 година и истиот ќе се одвива на англиски јазик.

-,,Станува збор за мултидимензионален проект преку кој наша интенција е да развиеме цивилни компентанции кај учениците, ширење на активно учество на учениците во цивилниoт живот, поддршка на учениците да станат активни и одговорни eвропски граѓани. Активностите планираме да бидат организирани околу следниве теми: Европски вредности и права, демократски процедури, улогата на Младинското тело во училиштата, волонтирање и интеракција меѓу младите луѓе, локалната заедница и невладините организации.

Реализацијата очекуваме да има силен импакт врз учениците, родителите, наставниците, менаџментот на училиштето како и врз локалната самуправа. Учесници во проектот и наши соработници се: Локалниот младински совет, невладини организации, претаставници од МОН и БРО и други иницијативи.

Во интерес на остварување на целите на проектот очекуваме голема поддршка и соработка со локалната самоуправа, младинскиот општински совет како и масовна вклученост на нашите ученици” изјави Каролина Јовеска, координатор на проектот од ОСУ,,Мирко Милески”-Кичево.