Кичево

(ФОТО) Алармантна е состојбата со пожарите во Кичевско

Објавено пред

6 години

на

март 25, 2019

Од

Порта.мк

Состојбата со пожарите во кичевскиот регион е повеќе од загрижувачка и секојдневно се јавуваат нови огнени жаришта. Екипите задолжени за ваков вид елементарни непогоди се континуирано на терен, но поради раширеноста на опожарените површини тие имаат потешкотии да стигнат на сите локации.

– Најново огнено жариште во кичевскиот регион е големиот шумски пожар што се појави денес во 17 часот во населбата Зајас-Џума. Огнот со голема брзина се рашири на поголем простор, а огнената стихија ја зафати и боровата шума. Во близина на уште една населба во ова село, Зајас- Челиковци, исто така појавен е пожар, а на самото место се наоѓаат екипи задолжени за ваков вид непогоди и тоа од ТППЕ, ЕЛС Кичево, ДЗС, месното маселение и други. Загрижува фактот што овој пожар е на мало растојание од селските куќи, и ако навреме не се интервенира огнот може да се рашири и до самото село. Покрај овие пожари, активен е големиот шумски пожар помеѓу селата Жубрино и Поповјани, а ново огнено жариште се појави и во близина на село Јагол. Екипите задолжени за гасење на пожари се наоѓаат на терен и будно ја следат состојбата – истакна Леоне Станишоски од ПО на ДЗС Кичево.

Тој за утрешниот ден најави средба со првиот човек на општината, за да се скенира состојбата, да се лоцираат причините и што побргу да се реши овој проблем.

– Имајќи ја в предвид алармантната состојба со пожарите во нашиот регион, иницирав средба со градоначалникот Фатмир Дехари за утрешниот ден, каде ќе ги побараме причините за овие пожари и како тие да се надминат. Сме имале сушни периоди и порано, но до овој степен, толку активни пожари во исто време, никогаш сме немале. Нашите апели до месното население во руралните средини да не ги палат стрништата и други површини со грмушки и сува трева, за да не предизвикаат појава на нови пожари, засега како да не допираат до нив – додава Станишоски.

Текст и Фото: Зоран Антоски

Тагови:Porta.mk Кичево КИЧЕВСКО пожар Порта.мк

Следно

Во недела започнува летното сметање на времето

Не пропуштај

Четврток во Кичево: Презентација за соларна енергија, проект за сончеви покриви, под мотото „Сонцето нека ги плаќа нашите сметки“

Кичево

Управните служби во Кичево и останатите добиваат ново работно време

Објавено пред

4 дена

на

февруари 18, 2025

Од

Порта.мк

Министерството за внатрешни работи ја информира јавноста дека започнувајќи од денеска (18.02.) Отсеците за управни работи при Одделот за граѓански работи на МВР ќе работат согласно нова работна сатница.

Така, Одделение за управни работи Скопје и Отсек за управни работи Тетово, од понеделник до петок ќе имаат двосменско работење, односно работно време од 07.30 часот до 19.30 часот.

Исто така, и Отсеците за управни работи – Битола, Велес, Куманово, Охрид, Струмица и Штип, од понеделник до петок ќе имаат работното време со почеток од 08.00 часот па до 18.00 часот, а истото работна време ќе важи и за: ОУР Битола за Прилеп, ОУР Велес за Кавадарци, ОУР Охрид за Кичево и Струга, ОУР Тетово за Гостивар и ОУР Штип за Кочани.

Во останатите пак подрачни единици – ОУР Охрид за Дебар; ОУР Битола за Крушево, за Демир Хисар, за Ресен и за Македонски Брод; ОУР Штип за Пробиштип, за Свети Николе, за Виница, за Делчево и за Берово; ОУР Велес за Неготино; ОУР Куманово за Кратово и за Крива Паланка; ОУР Струмица за Гевгелија, за Радовиш и за Валандово, работното време ќе трае од 08.00 часот до 16.00 часот.

Прочитај повеќе...

Кичево

ОВР Кичево изврши контрола на житниот пазар, пронајде нерегуларни продукти на јавна површина

Објавено пред

5 дена

на

февруари 17, 2025

Од

Порта.мк

На 15.02.2025 на подрачјето на Кичево, полициски службеници од ОВР Кичево извршија контроли на лица кои вршат продажба на производи на јавна површина. Притоа, на две тезги на житниот пазар, затекнати се М.Д.(60) од Скопје и А.Џ.(66) од Кичево, кои за продажба изложиле повеќе парализатори и метални палки на преклоп и други предмети.

Врз основа на членот 80 од Законот за оружје, предметите се одземени, а против двете лица ќе бидат поднесени соодветни поднесоци, за медиумите и јавноста известува портпаролот на СВР Охрид, Стефан Димоски.

Прочитај повеќе...

Кичево

(ФОТО) Момчињата од „ФК Кичево“ денес одиграа два контролни меча со одличната екипа на „ФК Гостивар“ на гостински терен

Објавено пред

1 недела

на

февруари 15, 2025

Од

Порта.мк

Во рамки на денешниот ден нашата екипа од „ФК Кичево“ генерација 2011 и 2014 година одиграа два контролни меча со соодветна екипа на „ФК Гостивар“. Преку нашиот медиум, управата и тренерите упатуваат голема благодарност до домаќинот екипата на „ФК Гостивар“ и нивниот координатор г-дин Менсур Јакупи за одличниот прием и можноста да нашите момчиња стекнат нови пријателства и искуства.

Галерија од денешните натпревари, „ФК Кичево“ ген. 2011: