Денес во голем број по шести пат оваа година дечињата учествуваа во бадниковата поворка во Кичево, пеејќи ја „Вечниот Бог“ на чело со Витлеемската пештера каде е претставено Рождеството Христово маршираа со своите врсници.

Поворката се движеше тргнувајќи од кичевскиот храм Св.Петар и Павле, улицата „Рудничка“, „Булевар Ослободување“ за на крај да завршат на гратскиот плоштад каде е поставен големиот украс на Витлеемска пештера за прв пат во нашиот град.

Традиционално и оваа година, во речиси исто време, Бадникови поворки на радоста се одржаа во уште 39 градови и населени места во Македонија, „Вечниот Бог“ се пееше и низ улиците на Битола, Охрид, Струга, Прилеп, Дебар, Велес, Штип, Крушево, Куманово, Струмица, Богданци, Виница, Ростуше, Луково, Велгошти, Кривогаштани, Гевгелија, Валандово, Свети Николе, Тетово, Гостивар, Ресен, Могила, Демир Капија, Кавадарци, Пробиштип, Радовиш, Неготино, Кочани, Делчево, Македонска Каменица, Дојран, Вратница, Брвеница, Старо село, Беловиште, Рогачево и Теарце, каде распеаните коледарчиња ги стоплија срцата на сите верници, каде беа дочекани и дарувани со најголема љубов, почит и пригодни пакетчиња.

Во пресрет на Рождеството Христово, вечерва со почеток од 17:00 часот во нашиот кичевски храм ќе се отслужи Вечерна Богослужба со која ќе чиноначалствува Неговото Високо Преосвештенство Митрополит Дебарско Кичевски г-дин Тимотеј.
На вечерната Богослужба ќе бидат осветени Бадниковите гранчиња по што ќе бидат поделени на верниот народ присутен во нашата градска црква св. Петар и Павле, повелете сите!

Во име на целата организација и г-дин Бошко Сарафилоски упатуваме благодарност до сите родители кои се потрудија нивните најмили да бидат редовни на истакнатите проби, нивните баби, дедовци, сите гости, МВР – ПС Кичево за безбедно движење по улиците, Радио АКОРД, училишниот хор на д-р „Владимир Полежиноски“ предводен од проф. Кристина Цветаноска и останатите..

А ние, вашиот медиум, се потрудивме да ја направиме најубавата галерија во 5 страни од денешниот настан преку нашиот објектив, пропратена со најубавиот видео запис кој во рекордно време го изработивме со нашиот тим само за големата радост на нашите кичевчанчиња.

[Best_Wordpress_Gallery id=”5″ gal_title=”Бадникови Поворки 2020 Кичево”]