Мобилни уреди

Нови детали за новиот “Galaxy S10” и телефонот на преклопување (ФОТО)

Објавено пред

6 години

на

октомври 28, 2018

Од

Порта.мк

Јужнокорејски Самсунг идната година ќе претстави три “Galaxy S10” модели, како и долгоочекуваниот телефон со флексибилен екран на преклопување.

Според информациите кои што ги објави “Bloomberg”, повикувајќи се на аналитичарот Минг Чи Куо и јужнокорејските медиуми, новите “Galaxy S10 и S10 Plus” ќе имаат закривени ОЛЕД екрани со интегриран сензор за отпечатоци на прсти, три камери на задната страна и една селфи камера на предната страна која ќе биде поставена под самиот екран.

“Bloomberg” пренесува дека Самсунг работи и на прототип на “Galaxy S10” без 3,5 мм влез за аудио слушалки, но засега не може со сигурност да се каже дали компанијата ќе одлучи таквиот влез дефинитивно да биде отстранет.

Третиот модел на “Galaxy S10” ќе биде најевтината верзија со закривен екран и веројатно без сензор за отпечатоци на прсти, кој што според Куо ќе биде префрлен на задната страна од телефонот.

Покрај тоа, од Самсунг веќе преговарале со “Verizon” во САД за имплементација на 5G мрежата на новите модели на “Galaxy S10”.

Исто така се појавија и нови информации во врска со телефонот на преклопување на кој што Самсунг работи под кодното име “Winner”. Јужнокорејците наводно немале се уште одлучено дали телефонот ќе се склопува вертикално или хоризонтално, а познато било дека тој модел нема да има сензор за отпечатоци на прсти интегриран под екранот.

Екран од 4 инчи ќе се користи кога паметниот телефон ќе биде склопен, додека при отворањето ќе се користи многу поголем екран. Сличен концепт беше прикажан во 2014-та година.

Сепак, едно е сигурно – 2019-та година ќе биде исклучително важна година за јужнокорејски Самсунг, а според многумина, компанијата ќе ги претстави телефоните кои што ќе бидат убедливо најдобри на денешницата.

Тагови:

Следно

Највозбудливата нова функција на мобилните телефони

Не пропуштај

Не ви стигнуваат или ви доцнат пораките на Вибер? Еве како да го решите проблемот!

Магазин

Huawei го симна Apple од тронот на пазарот за носечки уреди

Објавено пред

3 часа

на

декември 22, 2024

Од

Порта.мк

Иако Apple долго време доминираше на пазарот за носечки уреди благодарение на успехот на Apple Watch, новите податоци покажуваат дека ситуацијата се промени.

Во првите три квартали од годината, Huawei испорача 23,6 милиони носечки уреди, заземајќи го водечкото место со пазарен удел од 16,9%, што претставува раст од 44% во споредба со истиот период минатата година. Apple, кој забележа пад од 10% во испораките, сега има пазарен удел од 16,2%, со испорачани 22,5 милиони уреди. Xiaomi го зазеде третото место со 20,5 милиони испораки и раст од 25%, додека Samsung е на четвртото место со 11,5 милиони испораки.

Вкупно, во првите три квартали годинава се испорачани 139 милиони уреди за носење, што е мало намалување од минатогодишните 140,5 милиони. Кина продолжува да биде најголем пазар, со над 45 милиони испорачани уреди и раст од 20%. Од овој број, 33 милиони се паметни часовници, што претставува раст од 23,3%.

Успехот на Huawei се припишува на новите модели како Watch GT 5, GT 5 Pro и Watch D2, како и на проширувањето во различни региони, особено во Азија и Блискиот Исток. Дополнително, силната позиција на кинескиот пазар значително придонесе за нивниот раст.

Сепак, важно е да се истакне дека Apple сè уште го задржува првото место кога станува збор исклучиво за паметни часовници, без да се земат предвид другите уреди за носење, како фитнес лентите.
Извор: Telegraf

Прочитај повеќе...

Магазин

Сакате да го спречите iPhone-от да ја менува осветленоста автоматски? Еве како

Објавено пред

3 часа

на

декември 22, 2024

Од

Порта.мк

Дали ви пречи кога осветленоста на екранот на вашиот iPhone автоматски се менува? Ова може да биде резултат на автоматските поставки за осветленост и True Tone, но добрата вест е дека можете да ги исклучите. Еве ги чекорите што треба да ги следите:

Исклучете го автоматското осветлување

Оваа функција автоматски ја прилагодува осветленоста според околното осветлување. Ако сакате повеќе контрола:

Settings > Accessibility > Display & Text Size
Скролувајте до дното и исклучете ја опцијата Auto-Brightness.

Напомена: Оваа поставка не е во „Display & Brightness“, па може да остане активирана без да сте свесни.

Исклучете го True Tone

True Tone ја мери температурата на бојата и осветленоста во околината и автоматски го прилагодува екранот. За да го исклучите:

Settings > Display & Brightness
Исклучете ја опцијата True Tone во делот за осветлување.

Со исклучување на Auto-Brightness и True Tone, екранот повеќе нема автоматски да ја менува осветленоста.

Дополнителен совет: Внимавајте на прегревање

Дури и со исклучени Auto-Brightness и True Tone, iPhone може да ја намали осветленоста за да спречи прегревање. Еве неколку совети:

Користете го iPhone на температури помеѓу 0 и 35 °C, а чувајте го помеѓу -20 и 45 °C.
Проверете ја состојбата на батеријата:
Settings > Battery > Battery Health.
Ажурирајте го софтверот:
Settings > General > Software Update.

Со овие прилагодувања, ќе можете целосно да го контролирате осветлувањето на вашиот iPhone.

Извор: Cnet

Прочитај повеќе...

Магазин

Еве колку ќе чинат Redmi Note 14 телефоните во Европа

Објавено пред

4 дена

на

декември 18, 2024

Од

Порта.мк

Серијата Redmi Note 14 веќе е достапна на пазарите во Кина и Индија, а наскоро ќе пристигне и во Европа. Протекоа детали за цените на различните модели кои ќе бидат понудени на европските пазари.

Цени и модели

Redmi Note 14 4G: Очекуваната цена е околу 240 евра за варијантата со 8GB RAM и 256GB простор за складирање, што е за 10 евра помалку од претходниот модел со истите спецификации. Ќе биде достапен во бои:
- Midnight Black
- Lime Green
- Ocean Blue
Redmi Note 14 5G: Цена од околу 300 евра за варијантата со 8GB RAM и 256GB простор за складирање. Ќе биде достапен во:
- Coral Green
- Midnight Black
- Lavender Purple
Redmi Note 14 Pro 4G: Цената ќе биде околу 312 евра.
Redmi Note 14 Pro 5G: Ќе чини околу 398 евра.
Redmi Note 14 Pro+: Цената ќе биде околу 498 евра.