За почеток, грицкањето на ноктите може да ви донесе некој сериозно опасен вирус, бактерија или некоја друга болест, па затоа отстранете ја оваа навика. Исто така, оваа лоша навика ги зголемува шансите за инфекција на кожата околу ноктите.

Тогаш доаѓа до црвенило, се создаваат пликови и жаришта кои се одлична подлога за габички и бактерии, а целиот тој процес е многу болен.

Покрај тоа, ако имате брадавици на прстите, грицкањето на ноктите е еден од начините на кој тие можат да прошират на другите делови од рацете но и целото тело.

Раничките на ноктите и кожата околу нив можеби ќе успеете да ги излечите за две недели, но доколку предизвикате развој на габична или бактериска инфекција тоа може да ве мачи половина година, но и подолго.

Грицкањето на ноктите ги оштетува и забите, предизвикува нивно ронење. Со грицкањето ризикувате да дојде до поместување на забот или уништување на забната глеѓ. Пробајте да се одвикнете од оваа лоша навика, ако веќе нешто морате да правите со рацете, ставете прстен и вртете го постојано, или најдете некоја друга занимација…

Неколку трикови за да го одвикнете грицкањето на ноктите:

Специјални креми со горчлив вкус и неподнослив мирис

За овие препарати сигурно сте слушнале, но можеби не сте ги пробале. Овој трик често успева кај помалите деца, па ако можат помалите зошто да не и вие. Постојат и лакови за нокти, токму такви горчливи и лути од кои нема да можете да продолжите со грицкање. Вреди да се обидете, ние само ве мотивираме. Друга слична опција е во вашата крема за раце да додадете рибино масло кое нема да ви биде баш пријатно на мирис.

 Задолжете ги прстите со некоја обврска

Интересен метод против грицкање е гумено топче кое постојано ќе го држите во рацете и ќе го стискате и „шетате“ низ прстите. Оваа вежба подеднакво помага и во ослободување на стресот, а со тоа и намалување на потребата за грицкање. Меѓутоа не држете го топчето само со едната рака, за другата да не ви биде слободна. Играјте го со двете раце.

Фотографирајте ги своите нокти и гледајте ги почесто

Фотографирајте ги ноктите и споредете ги со нормални. Се почесто гледајте ги изгрицканите нокти и потсетувајте се како сите ви кажуваат да престанете и тоа дека вашите раце изгледаат грдо. Овие вербални сугестии навистина помагаат. Сигурно додека се излезени или сте во друштво на некој што не сакате да дознае дека имате таква навика и лоши нокти, ги криете раце, пробајте дланката да ви биде отворена за вашата свест да интензитет.