Кичево

Нашиот манастир „Св.Богородица – Пречиста“ денес од раните утрински часови масовно посетен од верници речиси од сите краеви на земјава

Објавено пред

4 години

на

август 28, 2020

Од

Порта.мк

Манастирот Пресвета Богородица Кичевска за денот Успение на Пресвета Богородица, традиционално е масовно посетен од верници од речиси сите градови во земјава.Така денес од раните утрински часови колони автомобили со верници од сите градови се упатија кон манастирот, каде запалија свеќи,се помолија за здравје и наполнија од светата вода, дури имаше и верници кои на своите најмлади потомци им правеа крштевка на овој голем ден.

Монашкото сестринство во манастирот беше целосно посветено, за да им излезат во пресрет на верниците и сите добронамерници кои денес го посетија ова светилиште, се за да протекне без проблеми, а ги замолуваа посетителите кога влегуваат во манастирската црква , да бидат облечени пристојно и задолжително да носат заштитни маски, во склад со протоколите за заштита од ковид 19.

– Празнувањето на Успение на Пресвета Богородица е празнување на почитта, разбирањето и љубовта на своите најблиски. Манастирот Пресвета Богородица Пречиста не е само локално светилиште, како што може денес да забележите,тој е посетен од верници од сите градови од земјава, кои го посетуваат манастирот од рано изутрина до доцна навечер – вели сестра Пелагија, една од членките на монашкото сестринство во манастирот.

Голем дел верници во повеќе наврати престојуваат тука и како што самите велат, со секоја наредна посета манастирот е се попривлечен и поубав за престој.

– Секогаш кога ќе го посетиме манастирот се враќаме дома се поисполнети и со чусвство дека од година во година тој е се попривлечен. Впечатоците се неизбришливи, задоволството комплетно, и затоа за овие празници редовно сме тука со верниците од целата земја – рекоа постари верници од Битола, кои беа најбројни помеѓу верниците.

Инаку традиционално секоја година се бира кум на манастирот, кој во следните 12 месеци ќе му служи на ова светилиште со повеќе верници доброволци, како и со монашкото сестринство, кое во текот на годината произведува првокласен мед и сирење.

Текст: г-дин Зоран Антоски

Следно

Денес уште потопло, утре и задутре до 36°C, од вторник драстични промени и по свежо

Не пропуштај

Ковид-19: Денес 159 нови случаи, 45-Скопје, 26-Куманово, 1-Кичево и 5 починати пациенти од кој еден е од Кичево

Кичево

Управните служби во Кичево и останатите добиваат ново работно време

Објавено пред

4 дена

на

февруари 18, 2025

Од

Порта.мк

Министерството за внатрешни работи ја информира јавноста дека започнувајќи од денеска (18.02.) Отсеците за управни работи при Одделот за граѓански работи на МВР ќе работат согласно нова работна сатница.

Така, Одделение за управни работи Скопје и Отсек за управни работи Тетово, од понеделник до петок ќе имаат двосменско работење, односно работно време од 07.30 часот до 19.30 часот.

Исто така, и Отсеците за управни работи – Битола, Велес, Куманово, Охрид, Струмица и Штип, од понеделник до петок ќе имаат работното време со почеток од 08.00 часот па до 18.00 часот, а истото работна време ќе важи и за: ОУР Битола за Прилеп, ОУР Велес за Кавадарци, ОУР Охрид за Кичево и Струга, ОУР Тетово за Гостивар и ОУР Штип за Кочани.

Во останатите пак подрачни единици – ОУР Охрид за Дебар; ОУР Битола за Крушево, за Демир Хисар, за Ресен и за Македонски Брод; ОУР Штип за Пробиштип, за Свети Николе, за Виница, за Делчево и за Берово; ОУР Велес за Неготино; ОУР Куманово за Кратово и за Крива Паланка; ОУР Струмица за Гевгелија, за Радовиш и за Валандово, работното време ќе трае од 08.00 часот до 16.00 часот.

Прочитај повеќе...

Кичево

ОВР Кичево изврши контрола на житниот пазар, пронајде нерегуларни продукти на јавна површина

Објавено пред

5 дена

на

февруари 17, 2025

Од

Порта.мк

На 15.02.2025 на подрачјето на Кичево, полициски службеници од ОВР Кичево извршија контроли на лица кои вршат продажба на производи на јавна површина. Притоа, на две тезги на житниот пазар, затекнати се М.Д.(60) од Скопје и А.Џ.(66) од Кичево, кои за продажба изложиле повеќе парализатори и метални палки на преклоп и други предмети.

Врз основа на членот 80 од Законот за оружје, предметите се одземени, а против двете лица ќе бидат поднесени соодветни поднесоци, за медиумите и јавноста известува портпаролот на СВР Охрид, Стефан Димоски.

Прочитај повеќе...

Кичево

(ФОТО) Момчињата од „ФК Кичево“ денес одиграа два контролни меча со одличната екипа на „ФК Гостивар“ на гостински терен

Објавено пред

7 дена

на

февруари 15, 2025

Од

Порта.мк

Во рамки на денешниот ден нашата екипа од „ФК Кичево“ генерација 2011 и 2014 година одиграа два контролни меча со соодветна екипа на „ФК Гостивар“. Преку нашиот медиум, управата и тренерите упатуваат голема благодарност до домаќинот екипата на „ФК Гостивар“ и нивниот координатор г-дин Менсур Јакупи за одличниот прием и можноста да нашите момчиња стекнат нови пријателства и искуства.

Галерија од денешните натпревари, „ФК Кичево“ ген. 2011: