Занимливости
Крвниот притисок е највисок во 8 часот наутро, еве и за другите часови
![](https://porta.mk/wp-content/uploads/2018/01/1-vrskata-pomegju-chasovite-vo-denot-i-vasheto-zdravje-krvniot-pritisok-e-najvisok-vo-8-chasot-nautro.jpg)
Експертите тврдат дека периодите во денот имаат големо влијание на нашето здравје. Со изминувањето на секој час, холестеролот, крвниот притисок, телесната температура и хормоните постигнуваат различни нивоа, а секој од тие фактори различно влијае на нашата емоционална, психичка и физичка состојба. Научете како функционира вашиот внатрешен часовник за да знаете што би требало да правите во одреден период од денот, а што да одбегнувате…
6 часот
Според научниците од Универзитетот Раш во Чикаго, најголеми шанси за удар од каков било вид (срцев, мозочен) има во периодот помеѓу 6 часот наутро и пладне.
7 часот
Одбранбениот систем на нашето тело е најранлив во текот на првиот час по будењето. Нивото на антителата кои се наоѓаат во првите редови на нашиот имун систем е најниско во тој период. Освен тоа, нивото на кортизолот, стрес хормон кој го намалува имунитетот, е покачено. Научниците советуваат дека луѓето би требало да одбегнуваат вежбање наутро, бидејќи напорните физички активности во раните утрински часови ја намалуваат отпорноста на вируси и бактерии. За да го зајакнете имунитетот, се препорачува да изедете здрав појадок наутро и да пиете многу течности. На тој начин ќе ја обновите функцијата на црниот дроб кој цела ноќ ги обработувал маснотиите.
8 часот
Шансите да се доживее срцев удар во периодот помеѓу 7 и 9 часот се 70% поголеми во споредба со другите периоди од денот. Тогаш крвниот притисок е највисок, што исто така го зголемува ризикот од срцев удар. Научниците многу прецизно го одредиле најризичниот момент, а тоа е 8 часот и 24 минути.
9 часот
Доколку сакате да забремените, најдобро е да водите љубов во овој период. Бројот на сперматозоидите е најголем наутро. Освен тоа, ова е најдобриот период за повторување на научениот материјал.
10 часот
Помеѓу 10 и 13 часот, нашиот мозок покажува најголема активност. Тогаш се зголемува и нивото на адреналин, па затоа овој период е идеален за извршување комплицирани задачи и донесување важни одлуки, додека, пак, проблемите најчесто се јавуваат помеѓу 15 и 17 часот.
12 часот
Лекарите препорачуваат дека луѓето кои страдаат од остеоартритис би требало да го испијат лекот околу пладне. Болката најмногу се чувствува во текот на попладневните часови и навечер, па затоа пладнето е идеалното време за земање лекови кои ќе почнат да делуваат точно во периодот кога болките ќе станат најсилни.
13 часот
Норвешките научници дознале дека мигрената најчесто се јавува во овој период од денот. Попладневниот пад на производството на хормони доведува и до пад на енергијата и концентрацијата.
14 часот
Нашата енергија е на најниско ниво во 14 часот и 16 минути. Внесувањето мала доза кофеин може да ви помогне полесно да го пребродите попладневниот умор.
15 часот
Луѓето кои се занимаваат со механичка работа што бара многу мала концентрација се најпродуктивни помеѓу 15 и 17 часот. Освен тоа, ова е одлично време за секс, бидејќи овулацијата го достигнува врвот во околу 15 часот.
16 часот
Не е случајност тоа што најголем број од атлетските рекорди се поставени доцна попладне. Тогаш температурата на телото е највисока, а едно 5-годишно истражување докажало дека во тој период белите дробови функционираат на највисоко ниво.
19 часот
Ако пиете лекови за снижување на нивото на холестерол, ова е најдоброто време за тоа, бидејќи во овој период се зголемува производството на холестерол. Идеално би било доколку го испиете лекот помеѓу 18 и 20 часот.
20 часот
Со заоѓањето на сонцето опаѓа и нивото на хормоните, па телото станува почувствително на алергени и на останатите иританти на имуниот систем. Во овој период се зголемени и нападите на астма, а нивната состојба се влошува уште повеќе околу полноќ. Дигестивниот систем се забавува, па затоа треба да одбегнувате тешка и мрсна храна.
21 часот
Мајките кои дојат во овој период произведуваат најхранливо млеко кое е богато со маснотии и му помага на детето, но и на мајката помирно да спијат.
Полноќ
Ризикот од мозочен и срцев удар е намал во периодот помеѓу полноќ и 6 часот наутро, бидејќи крвниот притисок се снижува додека спиеме. Ова е добро време за водење љубов, затоа што либидото е најголемо помеѓу 22 и 1 часот по полноќ.
Доколку сакате да дознаете повеќе за вашиот внатрешен часовник.
Занимливости
Во месец септември астероид ќе помине блиску до Земјата, истиот повторно ќе помине по 10 години
![](https://porta.mk/wp-content/uploads/2018/08/asteroid-800x445.jpg)
Жителите на северната хемисфера ќе можат да го видат астероидот 2024 „ON“ овој месец додека поминува покрај Земјата на астрономски блиско растојание, но безбедно. Астероидот е широк околу 220 метри, а за време на неговото поминување ќе биде оддалечен од Земјата нешто помалку од 100.000 километри, што е приближно 2,6 пати поголемо од растојанието помеѓу нашата планета и Месечината, објави платформата на проектот „Виртуелен телескоп“преку Јорк Пост.
Како што е наведено, овој астероид поминува покрај Земјата на ова растојание на секои 10 години.
Занимливости
(ВИДЕО) Уште еден доказ колку се битни безбедносните појаси во возилата во случај на сообраќајни несреќи
![](https://porta.mk/wp-content/uploads/2024/08/kaisi-scaled.jpg)
Уште еден доказ дека безбедносните појаси се исклучително важни во случај на сообраќајни незгоди и превртување е видеото од сообраќајната несреќа што е создадено благодарение на камерата во возилото.
На видеото се гледаат возачот (со појас) и сопатникот (неповрзан). Кога возилото се превртело, возачот останал да седи додека патникот на својата кожа ги почувствувал основните закони на физиката.
Accidente visto desde el interior pic.twitter.com/90zG2p4QR7
— Solo Accidentes (@Soloaccidentes_) September 1, 2023
/b92.net
Занимливости
(ВИДЕО) Багерист прави чуда со „корпата“, ова дефинитивно не го може секој!
![](https://porta.mk/wp-content/uploads/2024/08/bagerist.jpg)
Овој багерист дефинитивно не е од оваа планета…. Погледнете го видеото и проценете сами, а тие што се возачи на ваква машина знаат за колку тешка работа станува збор…
-
Хороскоп1 ден
Хороскоп за петок (6 септември)
-
Кичево2 дена
Жител на Кичево во с.Бигор Доленци се однесувал агресивно со Полицијата, бил лишен од слобода
-
Хороскоп12 часа
Хороскоп за сабота (7 септември)
-
Македонија21 час
Од ноќеска цената на бензинот се намалува, дизелот останува со иста цена
-
Балкан24 часа
(ВИДЕО) Силно невреме ноќеска ја погоди Хрватска, ветерот достигна брзина 80 км/ч
-
Временска прогноза1 ден
Од понеделник пад на температурите и на места врнежи од дожд
-
Спорт1 ден
Македонија до 21 година загуби од Холандија на гостински терен, следен предизвик за нашите момчиња е мечот против Гибралтар исто така на гостински терен
-
Спорт2 дена
Промена на термин за утакмици од втора македонска фудбалска лига и куп мечеви