Случувања
На патот Гостивар-Кичево возач со Ауди А6 усмрти коњ во несекојдневна сообраќајка
Во несекојдневна сообраќајна несреќа на магистралниот пат Гостивар-Кичево едно лице е повредено и бил усмртен еден коњ.
Според СВР Тетово, вчера околу 19 часот и 20 минути, на делницата од наплатната станица Гостивар до Здуњска крстосница, патничко возило „ауди А6“ со австриски регистарски ознаки, управувано од Ј.В.(44) од гостиварско Беловиште, удрило коњ кој неконтролирано и без надзор се движел по коловозот.
Од ударот, коњот бил усмртен на самото место, а взачот Ј.В. со друго возило пренесен е во гостиварската болница за укажување на лекарска помош. Увид извршила екипа од Полициската станица Гостивар.
Извор: MakPress.mk
Македонија
Стружанец заработи кривична пријава поради предизвикување пожар
Надворешната канцеларија за криминалистички работи Струга поднесе кривична пријава против А.М.(43) од Струга поради постоење основи на сомнение за сторено кривично дело „предизвикување општа опасност“. На 08.09.2024, пријавениот на земјен пат во с.Мислешево запалил сува трева и ѓубриште и заминал од местото, а огнот се проширил и на друг плац во кој имало барака, сопственост на М.К, известуваат од МВР.
Кичево
(ФОТО) Вандализам во Кичево, непотребно оштетени сообраќајните знаци
На 16.09.2024 во 15:40 часот во ОВР Кичево е пријавено оштетување со спреј во боја на 11 сообраќајни знаци кои се поставени покрај коловозната лента од улицата „Магистрален пат“ до „Битолска крстосница“ во близина на кичевското село Другово.
– Според членот 190 од Законот за безбедност во сообраќајот на патиштата „на сообраќајниот знак и на столбот на кој е поставен знакот, забрането е да се става нешто што не е во врска со значењето на сообраќајниот знак и забрането е неовластено поставување, преместување, отстранување и оштетување на сообраќајните знаци и на опремата на патот или измена на значењето на сообраќајните знаци“.
ОВР Кичево презема мерки за расчистување на настанот, по што ќе биде поднесена соодветна пријава, информира портпаролот на СВР Охрид, Стефан Димоски.
Кичево
Покана и распоред за главната Манастирска слава на Свештената Пречистанска Обител
Во пресрет на главната манастирска слава на Свештената Пречистанска Обител, во спомен на раѓањето на Богомајката, нашата застапничка пред Бога, ја имаме честа да ве поканиме:
петок, 20ти септември
18:00ч. – празнична Вечерна богослужба, на која ќе началствува Неговото Високопреосвештенство Митрополитот Дебарско-кичевски г. Тимотеј, а ќе претстојат Митрополитот Повардарски г.Агатангел и секако нашиот највозљубен Старец и Епископ Антаниски – г.Партениј.
Во текот на богослужбата, една искушеничка( Душица) од нашето сестринство ќе биде вброена кон рамноангелскиот монашки чин.
сабота, 21 септември
7:00ч. – утрена богослужба.
8:45ч. – пречек на Архиереите: Митрополитот Дебарско-кичевски г. Тимотеј, Митрополитот Повардарски г. Агатангел, Митрополит г.Илија од Финска и Старецот и Епископ Антаниски г. Партениј.
9:00ч. – Света архиерејска Златоустова Литургија.
Потпирајќи се со цврста вера на Онаа Која е поширока од Небесата и Која Го роди Спасителот наш, ве очекуваме со голема радост заеднички да го прославиме роденденот на Мајката Божја и Мајката наша! Воедно, ќе учествуваме заеднички и во молитвите при чинот на монашкиот потстриг на нашата сестра. А за сето тоа да биде целосно исполнето со најубавото источно православно пеење, ќе помогнат нашите најдраги пријатели од Света Гора: архимандритите о. Матеј, о. Антипа, о. Херувим, монаси, псалти и други гости.
Преку нашиот медиум, ве посакуваме да го понесете со себе благословот од средбата со Чудотворната икона Богородица Крнинска, Пречистанските Светии Евнувиј, Пајсиј, Аверкиј, чесните мошти на Света Параскева и повторно да доживееме духовно и телесно исцеление и обновување!
-
Кичево2 дена
(ФОТО) Вандализам во Кичево, непотребно оштетени сообраќајните знаци
-
Кичево2 дена
Утре овие кичевски села поради работа на ЕВН ќе бидат без електрична енергија
-
Хороскоп1 ден
Хороскоп за среда (18 септември)
-
Кичево2 дена
Покана и распоред за главната Манастирска слава на Свештената Пречистанска Обител
-
Хороскоп4 часа
Хороскоп за четврток (19 септември)
-
Мобилни уреди1 ден
Пристигна „iOS 18“, до сега најголемата надградба во историјата на „iPhone“, овие уреди ќе ги добијат новостите кои ги носи новиот систем
-
Магазин2 дена
Австралија ја затвора 3G мрежата
-
Магазин14 часа
Дали користите инкогнито? Може да ви се случи оваа чудна ситуација