Фудбалската федерација на Македонија најостро го осудува кукавичкиот и срамен напад врз претседателот Муамед Сејдини, кој синоќа физички беше нападнат на паркингот од скопски ресторан.

Овој чин на насилство е неприфатлив и претставува директен удар врз вредностите на фудбалот, спортот и демократијата, воопшто.

Јасно и недвосмислено истакнуваме дека Фудбалската федерација на Македонија нема да дозволи насилството да стане средство за влијание или решавање на кој било предизвик. Изборот на раководни лица во ФФМ се одвива исклучиво преку легални и демократски процедури, со гласови на делегатите, а не со закани и насилство. Оние што се обидуваат да го нарушат овој процес преку сила треба да бидат свесни дека нивните постапки се веќе идентификувани и дека соработуваме со институциите на правдата за целосно расветлување на овој инцидент.

Го повикуваме Министерството за внатрешни работи, како и сите надлежни органи, да преземат итни мерки и да го истражат случајот до крај, со цел сторителите да бидат изведени пред лицето на правдата.

За овој инцидент го информиравме и раководството на УЕФА и ФИФА.

Претседателот на ФФМ останува непоколеблив пред ваквите закани и притисоци. Тие не ја ослабнуваат неговата решителност, туку напротив ја зајакнуваат неговата посветеност кон интегритетот и транспарентноста во спортот.

Муамед Сејдини на оваа позиција е избран на легален начин, преку гласовите на делегатите и само на ист начин ќе го заврши или продолжи својот мандат. Насилството никогаш нема да биде средство кое ќе го одреди неговото присуство или заминување.

Фудбалската федерација на Македонија останува цврсто посветена на промовирање на спортските вредности, фер игра и почитување на институциите, се вели во соопштението на Фудбалска федерација на Македонија

Повторно земјотрес здрма во Македонија, овој пат според ЕМСЦ истиот е рестриран со јачина од 2.9 според Рихтер, лоциран 24км источно од Скопје.

🔔#Earthquake (#земјотрес) M2.9 occurred 24 km E of #Skopje (Republic of North Macedonia) 3 min ago (local time 21:46:39). More info at:
📱https://t.co/QMSpuj6Z2H
🌐https://t.co/SS4tTnW4CM
🖥https://t.co/UMXKTnY0XC pic.twitter.com/KF8NywR2tJ

— EMSC (@LastQuake) September 24, 2024

На 23.09.2024 во 19.15 часот полициски службеници од СВР Куманово го лишиле од слобода П.Ј.(56) од Куманово поради сомнение дека на своја нива во с.Никуљане, кумановско, запалил стрниште, по што пожарот се проширил и зафатил сува трева надвор од неговиот имот. Повредени лица нема, а пожарот бил изгаснат.

Екипа од СВР Куманово извршила увид и по целосно документирање на случајот, против П.Ј. ќе биде поднесена соодветна пријава, велат од МВР