Пациент на возраст од 79 години од Дебар, почина на Инфективната клиника утрово. Пред една недела добил резултати дека е позитивен на коронавирусот, а два дена потоа на 25-ти март по влошување на состојбата е хоспитализиран. Бројот на смртни случаи кои претходно заболеле од Ковид-19 се искачи на 7 лица. Паралелно, расте и бројот на новозаразени, денеска се регистриарни нови 26 случаи, соопшти министерството за здравство.

Меѓу заболените има и петмина полицајци Двајца од нив се вработени во станицата во Петровец.

„МВР Во текот на вчерашниот ден кај дел од униформираните полициски службеници вработени во Мобилната единица за безбедност на патниот сообраќај направени се тестирања,по што кај двајца од полициските службеници е утврдено дека се позитивни на тестот за вирусот Ковид 19. Преземени се и соодветни мерки за полициските службеници кои биле во контакт со нив, односни, тие се во самоизолација. Извршена е и дезинфекција на работните простории.“

Полициските синдикати уште пред десетина дена алармираа да се набави заштитна опрема и средства за сите службеници кои се постојано на терен и во контакт со голем број на луѓе со што се изложуваат на директна опасност од ширење на вирусот.

Вкупниот број на заболени до денеска е 285 луѓе. Дванаесетмина се излекувани, а инфективната клиника во Скопје ја напуштиле деветмина пациенти, кои по два контролни теста биле негативни на коронавирусот. Осуммина од нив се од Дебар, а еден од Скопје.

Извор: 24вести