Денес во организација на Offroad Клубот – Кичево се реализираше „Џип-Турнеа“ на падините на Бистра планина. Кичевчани не пропуштија неделата да ја поминат уживајќи во глетката на супер-модифицираните џипови чии сопственици никого не оставија рамнодушен.

– Преку вашиот медиум ја користам оваа прилика да им се заблагодарам на сите кои денес беа тука, гостите кои го поминаа денот со нас а беа присутни во голем број, сите наши спонзори, помагатели, со нивното залагање само се покажува дека кичевчани од секогаш знаат да уживаат во екстремните спортови, како што можеше да видиме некои покрај адреналин денот го искористија за ладен пијалок и скара што дополнително дава посебен шмек на целиот настан – за нашиот портал додаде еден од главните организатори Лавдрим инаку сопственик на позната месара во градот Кичево.

„Џип-Турнеата“ беше распоредена во 3 етапни категории за натпреварувања и тоа: „soft class“, „hard class“ и последната и највозбудлива категорија „Hard Trophy“.

1. место „soft“ – Славе Блажоски бр. 039 со извозено време о1:11:87
2. место „soft“ – Нијази Даути бр. 112 со извозено време 01:19:44
3. место „soft“ – Арди Х. бр. 088 со извозено време 01:19:46

Во втората категорија „hard class“ наградени беа следните:

1. место „hard“ – Кујтим Шаини бр. 106 со извозено време 01:34:40
2. место „hard“ – Дрилон Идризи бр. 107 со извозено време 01:41:43
3. место „hard“ – Џавит Адили бр. 118 со извозено време 01:54:88

И последната категорија која најповеќе привлече внимание кај присутните беше секако најтешката според трасата „Hard Trophy“ каде имаше само 3 натпреварувачи и заврши вака:

1. место „hard trophy“ – Владимир Милошевски бр. 306 со извозено време 03:06:97
2. место „hard trophy“ – Игор Трајкоски бр. 308 со извозено време 03:08:60
3. место „hard trophy“ – Пеце Трајкоски бр. 307 со извозено време 04:50:78

Карактеристично на овој настан е тоа што имаме и најмлади шофери кои се разбира еден ден ќе ги гледаме и на официјалните списоци и ранг листи, нашиот член од „Car Club – Кичево“ со своето „Cherokee“ – Петар Стојкоски (кој го има во галеријата подолу) и другарчињата Андреј Илиоски и Арбенит Тика кои добија диплома и награди

Андреј Илиоски (лево) Арбенит Тика (десно)

Ви ја презентираме официјалната галерија преку нашиот објектив, како и Full HD видео запис од самиот настан. Уживајте и читајте го вашиот портал Порта.мк