Кичево

Седма Специјална Олимпијада за деца со посебни потреби во Кичево (ФОТО)

Објавено пред

6 години

на

мај 10, 2019

Од

Порта.мк

По седми пат во Кичево денеска се одржа Специјалната Олимпијада за деца со посебни потреби. Домаќин на децата од сите градови во земјава беше „Лајонс клубот“ од Кичево, кој беше домаќин и на сите претходни шест Олимпијади. Специјалната Олимпијада за отворена ја прогласи претседателот на „Лајонс клуб“ Кичево, Бобан Димитријоски.

– Почитувани гости добредојдовте на седмата Специјална Олимпијада за деца со посебни потреби. Денес нашата основна цел е да се дружиме, да се запознаеме. Сите што се дел од оваа Олимпијада се победници на истата. „Лајонс клубот“ од Кичево е член на најголемото и најактивно семејство на сервисни клубови во светот со повеќе од 45 000 клубови и 1 300 000 членови и чии почетоци датираат од 1917 година како заслуга на Мелвин Џонс, на кого сите ние кои се препознаваме во мисијата на „Лајонсот“ како движење, неизмерно сме му благодарни – рече претседателот на „Лајонс-клубот“ Кичево, Бобан Димитријоски.

Инаку на денешната Специјална Олимпијада учествуваа над 100 деца со посебни потреби од Скoпје, Битола, Прилеп, Велес, Крушево, Кичево и други градови во земјава, кои ќе се натпреваруваат во повеќе дисциплини прилагодени на нивните здравствени карактеристики.

– „Лајонс клубот“ од Кичево заедно со целиот Дистрикт-132, денес организираат Специјална Олимпијада за деца со посебни потреби. Ова е седма Олимпијада што се одржува во Кичево. Нашата цел е Специјалната Олимпијада, за разлика од претходните, да биде што помасовна и да земат учество деца од целиот дистрик. Денес имаме над 100 учесници на Специјалната Олимпијада кои ќе се натпреваруваат во повеќе дисциплини, каде резултатите се во втор план, а дружењето и запознавањето е прв приоритет – истакна Соња Бојаџиева, гувернер на „Дистриктот-132“.

На Специјалната Олимпијада лицата со посебни потреби ќе се натпреваруваат во фудбал, кошарка и други спортски дисциплини прилагодени за нив.

Фото и текст: Зоран Антоски

Тагови:Porta.mk Деца со посебни потреби Кичево Олимпијада

Следно

Неделно кафе во „Check In“ со бренд производите на „Avon“ + Лотарија и изненадувања

Не пропуштај

Снегот повторно се враќа на Балканот?! – Детали за временската прогноза…

Кичево

Управните служби во Кичево и останатите добиваат ново работно време

Објавено пред

5 дена

на

февруари 18, 2025

Од

Порта.мк

Министерството за внатрешни работи ја информира јавноста дека започнувајќи од денеска (18.02.) Отсеците за управни работи при Одделот за граѓански работи на МВР ќе работат согласно нова работна сатница.

Така, Одделение за управни работи Скопје и Отсек за управни работи Тетово, од понеделник до петок ќе имаат двосменско работење, односно работно време од 07.30 часот до 19.30 часот.

Исто така, и Отсеците за управни работи – Битола, Велес, Куманово, Охрид, Струмица и Штип, од понеделник до петок ќе имаат работното време со почеток од 08.00 часот па до 18.00 часот, а истото работна време ќе важи и за: ОУР Битола за Прилеп, ОУР Велес за Кавадарци, ОУР Охрид за Кичево и Струга, ОУР Тетово за Гостивар и ОУР Штип за Кочани.

Во останатите пак подрачни единици – ОУР Охрид за Дебар; ОУР Битола за Крушево, за Демир Хисар, за Ресен и за Македонски Брод; ОУР Штип за Пробиштип, за Свети Николе, за Виница, за Делчево и за Берово; ОУР Велес за Неготино; ОУР Куманово за Кратово и за Крива Паланка; ОУР Струмица за Гевгелија, за Радовиш и за Валандово, работното време ќе трае од 08.00 часот до 16.00 часот.

Прочитај повеќе...

Кичево

ОВР Кичево изврши контрола на житниот пазар, пронајде нерегуларни продукти на јавна површина

Објавено пред

5 дена

на

февруари 17, 2025

Од

Порта.мк

На 15.02.2025 на подрачјето на Кичево, полициски службеници од ОВР Кичево извршија контроли на лица кои вршат продажба на производи на јавна површина. Притоа, на две тезги на житниот пазар, затекнати се М.Д.(60) од Скопје и А.Џ.(66) од Кичево, кои за продажба изложиле повеќе парализатори и метални палки на преклоп и други предмети.

Врз основа на членот 80 од Законот за оружје, предметите се одземени, а против двете лица ќе бидат поднесени соодветни поднесоци, за медиумите и јавноста известува портпаролот на СВР Охрид, Стефан Димоски.

Прочитај повеќе...

Кичево

(ФОТО) Момчињата од „ФК Кичево“ денес одиграа два контролни меча со одличната екипа на „ФК Гостивар“ на гостински терен

Објавено пред

1 недела

на

февруари 15, 2025

Од

Порта.мк

Во рамки на денешниот ден нашата екипа од „ФК Кичево“ генерација 2011 и 2014 година одиграа два контролни меча со соодветна екипа на „ФК Гостивар“. Преку нашиот медиум, управата и тренерите упатуваат голема благодарност до домаќинот екипата на „ФК Гостивар“ и нивниот координатор г-дин Менсур Јакупи за одличниот прием и можноста да нашите момчиња стекнат нови пријателства и искуства.

Галерија од денешните натпревари, „ФК Кичево“ ген. 2011: