Мобилни уреди

„Старата“ Nokia 8000 во сосема ново 4G издание! (ФОТО)

Објавено пред

4 години

на

ноември 12, 2020

Од

Порта.мк

Телефонот изгледа како што изгледаа премиум мобилните телефони пред „да станат паметни“

Се чини дека полека почнуваат да пристигнуваат неодамна најавените модерни верзии на култните модели на телефони на Nokia.

Судејќи според првата фотографија што се појави на социјалните мрежи, првиот што ќе ја види светлината на денот ќе биде моделот 8000 4G, заедно со техничките детали за уредот.

А, телефонот изгледа како што изгледаа мобилните телефони од премиум-класа пред да „станат паметни“. Има стандардна „физичка“ нумеричка тастатура и заоблени рабови, а ќе доаѓа во верзии со единечна и двојна SIM картичка.

#Nokia8000 4G
Snapdragon 210
1500mAh Battery
2MP rear Camera
512MB + 4GB flash memory
KaiOS #TFNews pic.twitter.com/5xfSYWgzlV

— RafeeShaik (@TechFactsRafee) November 10, 2020

Уредот, напојуван од чип Snapdragon 210, е опремен со 512 MB RAM и 4 GB внатрешна меморија, што може да се прошири со microSD картички. Телефонот се напојува со заменлива батерија од 1500mAh, која се полни преку microUSB порт, според GSM Arena.

Nokia 8000 4G има 2.8-инчен (240 x 320p) LCD-екран и е опремен со 2MP камера.

Уредот го користи оперативниот систем KaiOS, на кој е додадена поддршка за WhatsApp и Facebook апликациите. Исто така, сигналот 4G може да се сподели со други уреди преку Wi-Fi hotspot.

Тагови:Nokia 8000 Porta.mk

Следно

Дали екранот на iPhone 12 станува „зеленикав“? Жалбите на сметката на новиот уред не запираат (ФОТО)

Не пропуштај

„WhatsApp“ со новата опција ги израдува своите корисници, пратените пораки ќе се бришат и по седум дена

Магазин

Huawei го симна Apple од тронот на пазарот за носечки уреди

Објавено пред

1 ден

на

декември 22, 2024

Од

Порта.мк

Иако Apple долго време доминираше на пазарот за носечки уреди благодарение на успехот на Apple Watch, новите податоци покажуваат дека ситуацијата се промени.

Во првите три квартали од годината, Huawei испорача 23,6 милиони носечки уреди, заземајќи го водечкото место со пазарен удел од 16,9%, што претставува раст од 44% во споредба со истиот период минатата година. Apple, кој забележа пад од 10% во испораките, сега има пазарен удел од 16,2%, со испорачани 22,5 милиони уреди. Xiaomi го зазеде третото место со 20,5 милиони испораки и раст од 25%, додека Samsung е на четвртото место со 11,5 милиони испораки.

Вкупно, во првите три квартали годинава се испорачани 139 милиони уреди за носење, што е мало намалување од минатогодишните 140,5 милиони. Кина продолжува да биде најголем пазар, со над 45 милиони испорачани уреди и раст од 20%. Од овој број, 33 милиони се паметни часовници, што претставува раст од 23,3%.

Успехот на Huawei се припишува на новите модели како Watch GT 5, GT 5 Pro и Watch D2, како и на проширувањето во различни региони, особено во Азија и Блискиот Исток. Дополнително, силната позиција на кинескиот пазар значително придонесе за нивниот раст.

Сепак, важно е да се истакне дека Apple сè уште го задржува првото место кога станува збор исклучиво за паметни часовници, без да се земат предвид другите уреди за носење, како фитнес лентите.
Извор: Telegraf

Прочитај повеќе...

Магазин

Сакате да го спречите iPhone-от да ја менува осветленоста автоматски? Еве како

Објавено пред

1 ден

на

декември 22, 2024

Од

Порта.мк

Дали ви пречи кога осветленоста на екранот на вашиот iPhone автоматски се менува? Ова може да биде резултат на автоматските поставки за осветленост и True Tone, но добрата вест е дека можете да ги исклучите. Еве ги чекорите што треба да ги следите:

Исклучете го автоматското осветлување

Оваа функција автоматски ја прилагодува осветленоста според околното осветлување. Ако сакате повеќе контрола:

Settings > Accessibility > Display & Text Size
Скролувајте до дното и исклучете ја опцијата Auto-Brightness.

Напомена: Оваа поставка не е во „Display & Brightness“, па може да остане активирана без да сте свесни.

Исклучете го True Tone

True Tone ја мери температурата на бојата и осветленоста во околината и автоматски го прилагодува екранот. За да го исклучите:

Settings > Display & Brightness
Исклучете ја опцијата True Tone во делот за осветлување.

Со исклучување на Auto-Brightness и True Tone, екранот повеќе нема автоматски да ја менува осветленоста.

Дополнителен совет: Внимавајте на прегревање

Дури и со исклучени Auto-Brightness и True Tone, iPhone може да ја намали осветленоста за да спречи прегревање. Еве неколку совети:

Користете го iPhone на температури помеѓу 0 и 35 °C, а чувајте го помеѓу -20 и 45 °C.
Проверете ја состојбата на батеријата:
Settings > Battery > Battery Health.
Ажурирајте го софтверот:
Settings > General > Software Update.

Со овие прилагодувања, ќе можете целосно да го контролирате осветлувањето на вашиот iPhone.

Извор: Cnet

Прочитај повеќе...

Магазин

Еве колку ќе чинат Redmi Note 14 телефоните во Европа

Објавено пред

5 дена

на

декември 18, 2024

Од

Порта.мк

Серијата Redmi Note 14 веќе е достапна на пазарите во Кина и Индија, а наскоро ќе пристигне и во Европа. Протекоа детали за цените на различните модели кои ќе бидат понудени на европските пазари.

Цени и модели

Redmi Note 14 4G: Очекуваната цена е околу 240 евра за варијантата со 8GB RAM и 256GB простор за складирање, што е за 10 евра помалку од претходниот модел со истите спецификации. Ќе биде достапен во бои:
- Midnight Black
- Lime Green
- Ocean Blue
Redmi Note 14 5G: Цена од околу 300 евра за варијантата со 8GB RAM и 256GB простор за складирање. Ќе биде достапен во:
- Coral Green
- Midnight Black
- Lavender Purple
Redmi Note 14 Pro 4G: Цената ќе биде околу 312 евра.
Redmi Note 14 Pro 5G: Ќе чини околу 398 евра.
Redmi Note 14 Pro+: Цената ќе биде околу 498 евра.