Светскиот рекет број четири, Американецот Тејлор Фриц се пласираше во осминафиналето на Мајами опен откако вечерва го совлада Канаѓанецот Денис Шаповалов со 7:5, 6:3 во директни сетови. Победата над 28. играч на АТП листата ја оствари по час и 21 минута.

Во осминафиналето Фриц ќе игра против Австралиецот Адам Волтон. Пласман во осминафиналето обезбеди и Чехот Јакуб Меншик кој по два сета го совлада Русинот Роман Сафиулин со 6:4, 6:4.

Меншик, кој се наоѓа на 54. место во светот, по час и 14 минути го победи 71. играч на АТП листата. Тој во осминафиналето ќе игра против сонародникот Томаш Махач.

Од денес премиерно во етер започна специјализираниот спортски подкаст „Пресинг“, проект на спортската редакција „Екипа.мк“, наменет за навраќање на спомените од минатото, анализа на актуелните состојби во мак-спортот, како и размена на предлози и визии за негов развој во иднина. И сето тоа, директно, отворено, па ако е неопходно и контроверзно!

Во првата емисија на „Пресинг“ улогата на ко-водител, покрај новинарот на Екипа, Горан Бошев, ја има легендата Дарко Панчев, најдобриот македонски фудбалер на сите времиња, додека премиерно гостин е селекторот на фудбалската репрезентација на Македонија, Благоја Милевски.

Еден час муабет, еден час фудбал во вистински рамки на зборот, погледнете и дадете поддршка на спортската редакција „Екипа“, заследете го нивниот јутјуб канал како и новиот „Пресинг“, со тоа што ќе ги следите сите новости кои се предвидени во овој спортски поткаст со најдобри гости.

Им посакуваме успешна работа и успешен проект на колегите од „Екипа“, во продолжение проследете го целиот поткаст:

Коментаторот на РТС1 г-дин Александар Стојановиќ неможеше да ги скрие емоциите и солзите по нагласувањето на жртвите пред едноминутното молчење пред мечот Србија – Австрија.

Фудбалерите, судиите, стручниот штаб, публиката оддадоа почит према загинатите во Македонија, Кочани, како и на екс-фудбалерите Андрија Делибашиќ и Радиша Илиќ, на Душан Маравиќ и на момчето Вукашин Црнчевиќ, кој за жал беше шеснаесетта жртва од уривањето на кобната настрешница во Нови Сад.

Aleksandar Stojanović nije uspeo da zadrži emocije kada je bio minut ćutanja na meču Srbija – Austrija pic.twitter.com/I2eo4INKWm

— sportsscandals (@sportsscandals1) March 23, 2025