Од ноќта кон понеделкник, како и во понеделник (17 февруари) влажен и ладен бран од север ќе ја зафати територијата на Република Македонија кој ќе услови повремени врнежи, кои на пониските места (градовите) ќе бидат од дожд и особено во северозападните и во северните предели повремено ќе преминуваат во врнежи од снег. На повисоките населени места, планините, како и на Скијачките центри врнежите ќе бидат само од снег, каде снежната покривка ќе се прошири и зголеми.

Сето ова ќе биде проследено со умерен, повремено засилен ветер од северен правец.

Во Скопје и околината со овој бран ќе има повремени врнежи од дожд, додека на околните планини ќе врне снег, а повремено врнежи од дожд и снег, или влажен снег ќе има  и во повисоките делови од котлината, проследени со повремено засилен ветер од северен правец.

Што се однесува до температурите, во понеделник (17 февруари) наутро ќе се спуштаат во интервалот од -1 до 6 степени, додека во текот на денот тие ќе бидат значително пониски за разлика од оние кои ги имаме викендов, и тие ќе се искачуваат во интервалот од 1 до 7 степени.

Во Скопје во понеделник (17 февруари) температурата ќе се искачи до околу 5 степени, пишува Славчо Попоски

Во следните часови насекаде во нашата Република Македонија ќе имаме релативно ладно време, а повремено ќе дува и ветер од југоисточен правец со слаб до умерен интензитет. Времето насекаде низ државава ќе биде претежно облачно, а во југозападните и во западните предели ќе започнат послаби врнежи кои ќе бидат од дожд и од снег во градовите, додека во повисоките населени места, планините, и секако на Скијачките центри врнежите ќе бидат само од снег.

На поланините  и на Скијачките центри снежната покривка малку ќе се зголеми.

И во Скопје  и околината ќе имаме претежно облачно време со слаб до умерен ветер од југоисточен правец. Има послаби услови за слаб дожд или дожд и снег, особено на околните планини, каде ќе има услови за слабо провејување на снег.

Што се однесува до температурите, тие денес (12.2.2025 среда) ќе се искачуваат во интервалот од 1 до 7 степени, само во југоисточните предели тие ќе се искачат до близу 10 степени, а во Скопје  и околината таа ќе се искачи до околу 5/6 степени.

Услови за послаби локални врнежи од дожд и од снег и претежно облачно време ќе имаме  и утре (13.2.2025 четврток), а ќе продолжи релативно ладното време, информира Славчо Попоски

Барем според од она што можам во моментов да го изјавам за јавноста, е тоа дека кон средината на следната седмица од запад и од северозапад територијата на нашата Република Македонија ќе биде зафатена од влажен воздушен бран, кој со судирот на ладниот воздух кој е присутен кај нас и се спушта од истокот и од североистокот на Европскиот Континент ќе услови врнежи претежно од снег, а само локално во пониските места ќе врне дожд и снег, особено во Повардарието и во југоисточните предели од нашата Македонија.

На картата можеме да забележиме дека особено во западната половина од Македонија ќе се формира снежна покривка  и во повеќето пониски места (градовите), иако истата ќе биде помала, а поголема снежна покривка ќе се формира на планинските места, а на Скијачките центри таа ќе се зголеми.

Во следните мои метео објави следува најнова детална анализа токму околу ова, вели Славчо Попоски