Во период кога секоја милисекунда е важна во отворањето на веб-страниците, оптимизацијата е сѐ поважна. MegaOptim е WordPress плагин за оптимизација на слики изработен од Дарко Ѓорѓијоски.

Плагинот ги оптимизира сликите со минимална потрошувачка на серверот, а сите пресметки се прават преки API во облакот, нашиот портал ПОРТА веќе го користи ова исклучително корисно би рекле чудо на Дарко и генерално сме задоволни од својата функција.

За MegaOptim плагинот зборувавме со неговиот креатор, Дарко Ѓорѓијоски.

Колкава е потребата од ваква алатка?

Има доста голема побарувачка од тоа што го анализирав поготово за сајтови кои користат WordPress, но и друг вид на сајтови каде што се поставуваат огромен број слики. На пример самиот Facebook користи сличен сервис кој ги компресира/оптимизира самите слики кога корисникот ги става со цел побрзо вчитување и слично. MegaOptim нуди готов плагин за WordPress, но и неколку алатки за повеќе јазици како што се Python, Node.JS, PHP и др кои ќе му помогнат на програмерот да го интегрира во своите проекти со цел автоматски да се оптимизираат поставените слики. Покрај алатките, секако постои и документација која може да се користи за интеграција.

Дали си анализирал колку оптимизацијата на слики го подобрува вчитувањето на веб-страните?

Од мои анализи, оптимизацијата го подобрува вчитувањето и тоа многу и во зависност од тоа колку крајните слики се намалени. Најмногу ме инспирираше тоа што со години гледав дека сликите неправилно се поставуваат на веб сајтовите, особено тие сајтови што добиваат голем трафик. Има случаи каде што корисниците не се доволно информирани дека сликите треба да се компресираат, се ставаат слики и по неколку мегабајти и тоа се треба да се сервира на крајни корисници и на крај резултатот е најчесто многу бавен сајт, низок pagespeed резултат и други негативни импликации.

Колку влијае на SЕО?

На SЕО влијае во одредена мера. Ако не се сликите оптимизирани го уништува pagespeed резултатот што Google го користи како метрика која има удел во крајното ранкирање. Самата алатка pagespeed на Google веќе алармира доколку постојат слики што треба да се оптимизираат/компресираат и може да се провери на https://gtmetrix.com и https://developers.google.com/speed/pagespeed/insights/

Кои технологии ги користеше за развој?

За развој користев во главно Lumen (микро фрејмворк од истите креатори на Laravel и 90% е сличен на Laravel само што намената му е за веб сервиси наместо веб апликации) за REST API сервисите. Потоа Laravel за веб апликацијата каде што може да се купуваат токени и слично.

API сервисите користат queues/wokers за да може да се процесираат повеќе слики истовремено. WordPress плагинот е напишан во PHP.

Кој модел ќе го користиш за монетизација?

Самиот сервис се заснова на SaaS( software as a service ). За да може да се користи сервисот потребни се токени ( 1 токен е 1 слика ). Корисниците имаат два начина да дојдат до токени покрај иницијалните 200/месечно што се бесплатни за секој корисник, а тоа се со one-time плаќање ( се купуваат токени едновремено по потреба ) и subscription ( секој месец се кредитира акаунтот во зависност од претплатата со одреден број на токени )

Секоја чест!

Текст и Интервју: IT.mk