Кралскиот клуб оствари убедлива победа против Џирона на домашен терен со 2:0, додека со таа победа се израмни на врвот со Барселона. Македонскиот „ас“ Бојан Миовски влезе за Мигел Гутиерез во финишот на мечот, каде одигра 15 минути.

Најмногу акцент фудбалскиот свет фрли на мега спектакуларниот гол од над 25 метри на хрватскиот интернационалец Лука Модриќ пред завршеток на првото полувреме, и со тоа упати според нас една јасна порака дека „Годините се само бројка“, така што – Браво мајсторе!

Голот погледнете го продолжение:

🚨🇪🇸 GOAL | Real Madrid 2-0 Girona | Vinicius Jr

VINICIUS JR DOUBLES THE LEAD FOR REAL MADRID !!!!!!!!!!!pic.twitter.com/nuI20x624C

— Tekkers Foot (@tekkersfoot) February 23, 2025

Спортски викенд, спортска недела. Во рамки на денешниот ден нашиот тим „ФК Кичево“ генерација 2014/2015 и генерација 2011 одиграа два пријателски меча. Помладата генерација гостуваше во Битола каде одигра супер натпревар против одличните момчиња од „ФК Талент 2010“, кои ни приредија соодветен пречек благодарение на г-дин Златко Цветаноски од битолската екипа, додека генерација 2011 речиси во истата временска рамка одиграа пријателски меч на домашен терен против екипата на „Јанг Тим“ од Струга.

Од она што може да се забележи, не чека возбудлива пролет со нашите момци!

Во прилог ви презентираме фотографии преку нашиот објектив од Битола:

Фудбалската федерација на Македонија праќа информација дека закажаното Собрание за 19.02.2025 година на ОФС Охрид не е закажано во согласност со Статутот на ОФС Охрид во кој е утврден рок од 30 дена од денот на закажување до денот на одржување на Собранието.

Имено, Управниот одбор на ОФС Охрид на седница одржана на 27.01.2025 година го закажува своето Собрание за 19.02.2025 година.

Како што велат во интегралното соопштение на Фудбалската федерација, одлуката на Управниот одбор на ФФМ донесена на 27.12.2024 година не е променета, а тоа значи дека Фудбалската федерација на Македонија нема да има претставник на Собрание кое е закажано спротивно на одредбите од Статутот на Општинскиот фудбалски сојуз – Охрид.

Извор: ФФМ