Македонската најдобра машка ракометна репрезентација успешно ги започна квалификациите за пласман на Европското првенство 2020 година, откако вечерва пред полните трибини во салата „Боро Чурлевски” во Битола ја совлада селекцијата на Турција со 31:27 (17:13).

Во првите напади на турската селекција, но веднаш возвративме со првите одбрани Ристовски, а тоа се круниса со првите два голови од страна на пикерот Стоилов и од контра брзиот Манасков за 2:0, а гостите првиот погодок го реализираа преку Демирезен.

Следуваше мал пад во играта на нашата репрезентација, со погрешни додавања и нереализирани напади преку Стоилов и Талески, тоа противникот го казнуваше и водеше рамноправна битка во првите 10. минути од мечот, но и тој грешеше, па при 4:4 не успеа да го запре плејмејкерот Прибак кој игра за Бешикташ и во соло акција стрелаше за 5:4.

Точно во 10. минута за прв пат во листата на стрелците се запиша и капитенот К. Лазаров после асистенцијата на Георгиевски, се дојде до 6:4, а свој придонес за оваа позитива имаше и голманот Ристовски кој нанижа неколку одбрани.

Не се даваа така лесно Турците, не дозволувајќи ни да се одлепиме над 2 гола разлика, Стоилов во 16. минута дојде и до вториот погодок како пикер за 9:7 на семафорот. После една грешка во нападот на Турција, во контранапад Манасков додаде до Георгиевски кој рутински погоди, а предноста од 10:7 ја задржа Томовски со одбранет пенал.

Најголемата предност ја стекнавме после 20. минути игра кога од седмерец прецизен беше К. Лазаров за „плус четири” (12:8). Уште повеќе се зацврстија дефанзивните редови на Гонзалез, тоа делуваше кај ривалот кој почна се почесто да греши, а на истекот на 23. минута непогрешливиот Георгиевски дојде и до својот четврти гол и за највисоки пет разлика што го принудија турскиот селектор Шентурк да побара тајм-аут. Противникот успеа да намали нешто од својата негатива, па после првите 30. минути Македонија водеше со 17:13.

Се продолжи успешно и во вториот дел каде што се одржуваше разликата од 4-5 голови разлика, иако во одредени моменти имавме и повисока предност, Стоилов се погрижи за својот четврти погодок (26:21).
Прекрасна атмосфера во салата „Боро Чурлевски” како што и се најавуваше и пред самиот старт на мечот, поддршка од првата до 60. минута за нашите најдобри ракометари, дефинитивно публиката заслужи чиста „десетка”.

Имавме проблеми со реализацијата во нападите, а одбраната попушташе, додаден проблем беше и нивниот голман Ѓунај кој се разбрани. Едноставно како да застанавме, Пешевски не реализираше чист „зицер”, шутираше нвисоко над голот. Но, згрешија и Турците од преголема желба, па К. Лазаров донесе радост со одличен потег за негов осми гол (27:23).

Игравме нешто подлабока зона во одбраната, кога беше најпотребно одбрани Томовски, но се правеа несфатливи грешки во нападите, со осцилации. Ф. Лазаров асистираше до крилото на Веспрем, Манасков кој дојде и до петтиот погодок на пет минути до крајот на средбата, а крилото со нови погодоци го најавуваше првиот триумф во овој квалификациски циклус (30:25).

МАКЕДОНИЈА-ТУРЦИЈА 31:27 (17:13)
Сала „Боро Чурлевски” – Битола

Македонија: Ристовски (10 одб.), Томовски (3 одб., 1 сед.), Георгиевски 4, Кузмановски, Ф. Лазаров, К. Лазаров 8, Манасков 6, Н. Маркоски, В. Маркоски, Ојлески, Пешевски 2, Поповски, Прибак 3, Стоилов 4, Талески 4, Велковски.

Квалификации за ЕП 2020
1. коло, резултати

Исланд-Грција 35:21
Македонија-Турција 31:27

Група 3

Табела:
1. Исланд 2 бодови
2.Македонија 2
3.Турција 0
4.Грција 0

Наредно, 2. коло (двојки):
28. октомври

16:00 ч. Турција-Исланд
17:00 ч. Грција-Македонија

Второто и решавачко полувреме можете да го погледнете на нашата официјална фејсбук страница, уживајте!

Фото: Петр Стојановски
Инфо: Спортмедиа.мк