Ладната “Ла Ниња” веќе го донесе првиот озбилен снег во регионот и во Македонија, засега во Македонија најмногу снег има на планинските и на Скијачките места, а во делови од регионот снежната покривка надминува  и половина метар, а на планините  снежната покривка достигнува до метар и половина.

Сепак, според она што го следам, уште поголема зима ни се заканува во јануари и во февруари, односно особено во втората половина од истата.

Големи се условите во следните два месеци за ново големо снежно невреме на Балканот, како и во Македонија. Според она што може во моментов да го кажам може да очекуваме многу поладно време од она кое го имаме сега. Со оглед на тоа дека млазната струја е доста активна оваа зима, често ќе имаме многу ладни продори од север, со тоа големи се шансите да се соочиме  и со поекстремно ниски температури на воздухот.

Веќе Балканот ја чувствува зимата како кога зимите биле како во минатото, односно во далечните деведесетти години, вели Славчо Попоски

ДОПОЛНИТЕЛНО НАПОМЕНА: Полека се остварува мојата сезонска прогноза околу оваа зима која ја објавив, а во нејзе гласеше дека големи се шансите да имаме снежно невреме на Балканот, а  тоа веќе се случи во многу делови од регионот и во Македонија, кај нас особено на повисоките и планинските места, каде обилните снежни врнежи создадоа многу проблеми.

Денешниот ден (среда) донесе снег во повеќето градови низ Македонија, а на Скијачките центри снежната покривка е до околу, па и над половина метар. Во Маврово имаме највисока снежна покривка од речиси 60 сантиметри, околу 50 сантиметри снежна покривка имаме на Попова Шапка, од градовите највисока снежна покривка денес беше измерена во Крушево 22 сантиметри, во Тетово 10 сантиметри, 4 сантиметри во Прилеп, 3 сантиметри во Битола, и 2 сантиметри во Претор и во Крива Паланка.

Понатаму, односно во следните часови, и секако како што претходно најавивме, до петок во Македонија ќе имаме поовремени локални врнежи од снег, додека во југоисточните предели и во Повардарието врнежите ќе бидат претежно од дожд. Ќе има понатамошно зголемување на снежната покривка. Сето ова ќе биде проследено со повремено засилен ветер од северен правец (повремено и локално со брзина од над 60 км/час).

Во Скопје  и околината исто така ќе има повремени послаби врнежи од дожд и снег, а снег особено се очекува во повисоките предели од котлината, како и на околните планини. И во Скопскиот региот повремено ќе дува засилен ветер од северен правец (во делови од котлината повремено со брзина од над 60 км/час).

Што се однесува до температурите, тие наутро речиси насекаде ќе бидат под нулата, а дневните температури на многу места ќе бидат за неколку степени над нулата, а во некои градови, особено оние повисоките тие ќе се движат околу нулата, а на планинските  места и на Скијачките центри тие постојано ќе бидат под нулата, информира Славчо Попоски

Нов продор на ладен воздух и формирање циклон во областа на северен Јадран. Овој атмосферски систем со низок притисок, циклонска циркулација во текот на денешниот ден понеделник брзо ќе се поместува кон централен Јадран и Јонско Море влијаејки на времето во регионот.

Првиот влажен бран ќе се почувствува во утрово, односно во утринските часови во западните и северозападни делови од Македонија каде со очекуваат нови врнежи од снег а во пониските предели од дожд. Инаку скоро цела територија на Република Македонија ќе биде под снег до крајот на новата работна недела, се вели во соопштението.

Во попладневните часови врнежите ќе интензивираат (особено во Охридско-Преспанскиот регион и Пелагонија) така да не се исклучува и појавата на снег во одделни пониски места, предмалку за јавноста извести Славчо Попоски.