Македонија

Денешниот ден ќе биде старт на студот и снегот

Објавено пред

7 години

на

февруари 25, 2018

Од

Порта.мк

Северниот ветер од сабота навечер е само предзнак за „навлекувањето“ на студен воздух кон нашите краишта. Ова северно струење во приземниот атмосферски слој во комбинација со југозападното струење на висина на 3000 метри, кое што ќе ја обезбеди потребната количина навлажен воздух, ќе биде „идеалната рецептура“ за позначајна количина на снег во нашите краишта.

Снегот ќе започне да врне во текот на претпладнето од недела во западниот регион, со тоа што околу пладне врнежите ќе се прошират кон источниот крај.
Гевгелискиот и дојранскиот крај очекуваат врнежи од дожд околу пладне, но за релативно кратко време овие врнежи ќе преминат во снежни, особено доцна попладне и навечер.
Интензивирање на врнежите, со нагло зголемување на снежната покривка се очекува во ноќта кон понеделник. Снежната покривка во понеделник наутро би била околу 15-20 сантиметри во пониските населени места во западниот крај, а во источниот околу 10-20 сантиметри. Нормално, на повисоките населени места покривката би била поголема.
Ќе дува слаб, локално умерен северен ветер.
Минималната температура низ котлините ќе има вредност генерално помеѓу -2°С и 1°С, а на повисоките места околу -4°С.

Максималната вредност на температурата ќе биде речиси иста како и минималната, односно помеѓу 0°С и 1°С во котлините од северниот и западниот регион, а во југоисточниот крај 3°С.
Скопската котлина очекува облачно време со врнежи од снег кои ќе започнат доцна претпладне, а ќе се интензивираат во текот на вечерта. Ќе дува умерен северен ветер.
До понеделник наутро се очекува формирање на снежна покривка околу 10 до 15 сантиметри, во централниот дел на котлината, а во повисоките населби на падините на Водно и Скопска Црна Гора околу 15 до 20 сантиметри.
Температурата ќе има минимална вредност околу -1°С, а максимална вредност околу 0.
Доколку во текот на недела се решите да поминете време на некоја од македонските планини, очекувајте неповолни временски услови со врнежи од снег и значително намалена видливост. На севено експонираните страни на планините очекувајте формирање на снежни навеви, најавуваат од meteopro.mk.

Тагови:

Следно

Петмина повредени во сообраќајка на патот Прилеп – Кичево

Не пропуштај

Хрватска затрупана во 3 метри снег, ќе не изненади ли и нас невремето?! (ВИДЕО-ФОТО)

Македонија

Од ноќеска цената на сите нафтени деривати се намалува, ова е новата цена

Објавено пред

16 часа

на

март 3, 2025

Од

Порта.мк

Малопродажните цени на бензините ЕУРОСУПЕР БС-95 и ЕУРОСУПЕР БС-98, на ЕУРОДИЗЕЛ (Д-ЕV) и на Екстра лесното масло за домаќинство на (ЕЛ-1), се намалуваат за 1,50 ден/лит, во однос на малопродажните цени утврдени со одлуката за утврдување на највисоки малопродажни цени на нафтените деривати и горива за транспорт од 24.02.2025 година и со тоа, малопродажната цена на ЕУРОСУПЕР БС-95 изнесува 77,50 ден/лит, малопродажната цена на ЕУРОСУПЕР БС-98 изнесува 79,50 ден/лит.

Малопродажната цена на ЕУРОДИЗЕЛ (Д-Е V) изнесува 72,00 ден/лит, додека малопродажната цена на Екстра лесното масло за домаќинство на (ЕЛ-1) изнесува 71,50 ден/лит.

Прочитај повеќе...

Македонија

Фрапантни податоци на сообраќајни прекршоци за месец февруари

Објавено пред

18 часа

на

март 3, 2025

Од

Порта.мк

Во текот на минатиот месец (февруари 2025), како резултат на планските континуирани сообраќајни контроли низ патиштата во земјава, од сообраќај вкупно беа отстранети 2.059 возачи што управувале возила без возачка дозвола, 617 возачи кои возеле под дејство на алкохол, додека пак дури 7.473 возачи добиле прекршочни казни заради возење со поголема брзина од дозволената.

Од вкупниот број издадени платни налози, а тој за февруари месец изнесува 23.844, 1.508 платни налози се однесуваат на некористење сигурносен појас, 766 за користење на мобилен телефон при возење, а санкционирани се и 475 пешаци. Најголем број од прекршочните пријави се за неправилното паркирање 5.746 прекршоци.

Инаку, во рамки на засилените контроли за деновите од изминатиот викенд (01/02.03.), според статистичките показатели, полициските службеници во сите сектори за внатрешни работи при БЈБ на МВР изрекле вкупно 1.278 платни налози и притоа без возачка дозвола биле затекнати 126 возачи, а пак 144 возачи возеле под дејство на алкохол.

Исто така, евидентирани се и 238 прекршоци по основ на пребрзо возење, 79 лица не користеле сигурносен појас, 37 возачи користеле мобилен телефон, 14 минале на црвено светло, а прекршочно биле санкционирани и петмина пешаци, информира МВР.

Прочитај повеќе...