На денешните мечеви од ¼ финалната фаза од натпреварувањето, фудбалерите на Вардар на Националната арена „Тодор Проески“ го совладаа Силекс со 1:0. Пласманот меѓу четирите најдобри екипи, нашиот најтрофеен клуб го обезбеди со голот на Данел Донгмо во второто полувреме.

Екипата на Струга Трим Љум ја искористи предноста на домашниот терен и во дербито од оваа фаза од Купот на Македонија славеше над Гостивар со 1:0. Кехинде го постигна погодокот за победа на актуелниот првак.

Шкендија ја оправда фаворитската улога на гостувањето во Радовиш кај Детонит Плачковица. Шала во 23. минута беше човек на одлука за триумф на тетовчани. Адеми не искористи пенал за 2:0.

Фудбалерите на Брера А.П. подобро шутираа пенали од Арсими и со 4:3 славеа во четвртфиналниот дуел. Струмичани поведоа во првиот дел со голот на Нзенгуе, меѓутоа Арсими израмни преку Таипи и се изборија за пенали. Брера А.П. имаа повеќе концентрација, промашија само еден удар од 11 метри наспроти двата на Арсими и ќе играат полуфинале, пишуваат од Фудбалската федерација на Македонија.

На седница на Управниот одбор на Фудбалската федерација на Македонија (ФФМ) оддржана денесдд 25. февруари беа донесени следните одлуки:

– Управниот одбор на ФФМ го усвои дневниот ред за Редовното изборно Генерално Собрание на ФФМ кое ќе се оддржи на 15. март 2025 година во Скопје;

– Управниот одбор на ФФМ донесе одлука за започнување постапка за формирање на Арбитражен суд во рамки на Фудбалската федерација на Македонија. Целта на Арбитражниот суд е да обезбеди ефикасно и брзо решавање на споровите настанати помеѓу фудбалските чинители (клубови, фудбалери, тренери…итн.)

– Управниот одбор на ФФМ донесе одлука за спроведување на целосна реформа на организациската структура на ФФМ, како и да побара овластување од делегатите на претстојното Собрание за промена на системот на натпреварување во сите категории

– Управниот одбор на ФФМ донесе одлука да даде предлог на претстојното Собрание за отпочнување постапка за формирање на трговско друштво со цел комерцијализација / физичка продажба на официјални дресови, опрема и реквизити од Фудбалската федерација на Македонија

Извор: ФФМ

Фудбалската федерација на Македонија ги истакна официјалните лица за 1/4 финалните натпревари во Купот на Македонија кои ќе се одиграат утре (среда, 26.02.2025 г.), односно со почеток од 14:00ч. На градскиот стадион во Радовиш каде ќе се сретнат екипите на ФК Детонит Плачковица – ФК Шкендија, натпреварот ќе го судат кичевското трио, Александар Грујоски (главен судија), Куштрим Лика (1 помошнен судија), Зоран Јанкуловски (2 помошен судија), додека четврт судија ќе биде прилепчанецот Влатко Илиоски

Во продолжение и останатите главни судии кои ќе ја делат правдата на фудбалските терени во 1/4 куп натпреварите:

Стојанче Трпчевски – ФК Струга ТЛ – КФГ Гостивар

Стојанов Стојанче – ФК АП Брера Струмица – ФК Аресими 1973

Фуркан Идризи – ФК Вардар – ФК Силекс

„Фудбалските мечеви можат да се следат во живо преку јутјуб ТУКА, платформата на Фудбалската федерација на Македонија“