Здравје и убавина

Важно за овој период при удар на сончаница, што да направите

Објавено пред

7 години

на

јули 14, 2018

Од

Порта.мк

Сончаницата претставува оштетување на кожата, односно изгореници како резултат на прекумерно изложување на УВ-зрачењето. Поради високите температури во лето, лесно може да добиете сончаница. Во опасност се оние што подолго време од денот се на плажа, а не се заштитуваат со чадор за сонце или со капа. Последиците се чувствуваат откако ќе се скриете од сонцето, во текот на наредните 12-24 часа. Стануваат посилни доколку оштетената кожа ја изложите повторно на сонце.

Честото прекумерно горење на кожата може да биде причина за низа кожни болести. Најопасен е ракот на кожата.

Сличен на сончаницата е топлотниот удар, но тие две работи сепак се разликуваат по своите симптоми.

Симптоми

Некогаш е тешко да препознаете дали станува збор за сончаница, за настинка или за нешто трето. При сончаница се јавуваат следниве симптоми: вртоглавица, недостаток на енергија, гадење, потење, ментална конфузија, потемна урина и ретко мокрење, дамки под очите, ѕвонење во ушите и црвена кожа. При изгореници од сонце, кожата е премногу осетлива на допир и се карактеризира со висока температура.

При сончаница мора да внимаватe како се бањате. При бањање користете сапун кој не ја суши кожата, не користете сунѓер и сол за капење, употребете млака вода. По бањање полека со тапкање поминете со крпа по телото за да ја избришете водата. За да не ја влошите состојбата, не изложувајте се на сонце и на високи температури. Не се препорачува да се користи мраз, завој или мачкање со кисело млеко, како што многумина прават „по народски“.

Бурни реакции кај децата

Кај децата, вжештување на телото може да се случи многу бргу, особено ако детето е активно на сонце. Практиката покажува дека почеста е т.н. доцна сончаница, која се случува неколку часа по престој на топло – пред спиење или во текот на првиот сон.

Раната реакција е многу бурна: детето одеднаш снемува сила, чувствува вртоглавица и мачнина, неретко повраќа и станува сонливо. Поголемите деца можат да бидат и вознемирени, а главоболката е речиси секогаш присутна. Детето е оросено со пот, рацете и нозете се прво топли, а ако се засолни од сонцето, стануваат студени и треперат. Телесната температура може да биде нормална, но обично е зголемена. Колку што детето е помало и симптомите се поизразени, а опасноста од компликации е поголема. Кога многу ќе се претера со сончањето, може да дојде и до губење на свеста, што почесто се случува кај адолесцентите.

Кога се случува „доцна сончаница“, симптомите побавно настапуваат, помалку се изразени, но подолго траат. Децата се топли, црвени, иако не се на сонце. Изгледаат како да ги нападнал вирус, може да повратат, па мајките и татковците често се збунуваат мислејќи дека е во прашање инфекција. Малите деца се со променливо расположение и имаат несоница. Телесната температура по правило е зголемена.

Tоплотен удар

Топлотниот удар настанува нагло и без најава, со ненадеен колапс и пад на крвниот притисок. Ова е акутно тешко нарушување на организмот и е неопходна интервенција од лекар.

Голем дел од симптомите се како и на сончаница, но не мора да биде последица од директно изложување на сонце. Топлотен удар може да добијат работници што работат покрај печки со висока температура, кај возачи што се во прегреан автомобил, кампери што спијат во лош опремен шатор или морнари што се покрај прегреан бродски мотор. Тој настанува како резултат на нагло и прекумерно зголемување на телесната температура и неможност на организмот да ја одржи температурата во нормални граници. Обично се јавува кога има зголемена влажност во воздухот. Тоа го отежнува потењето, поради што температурата на телото постојано расте и достигнува до 40 Целзиусови степени. Вака високата температура доведува до дисфунксција на централниот нервен систем, до делириум или до кома. Доколку оваа состојба потрае, моќно е да предизвика трајни оштетувања и невролошки нарушувања.

Симптоми на топлотен удар се: малаксаност, грчеви, вртоглавица, слабост, жед, главоболка, слаб но забрзан пулс, намалено потење, сува и црвена кожа.

Како да дадете прва помош

– лицето со сончаница однесете го под сенка или импровизирајте мал шатор;

– лицето треба да лежи на земја со поткрената глава;

– ставајте ладни облоги на лицето, пазувите и вратот;

– лицето треба да пие вода или електролитен пијалак (за да не дехидрира);

– нежно масирајте го по телото за да ја подобрите циркулацијата на крвта;

– мерете ја температурата на лицето на секои 10 минути;

– доколку нема подобрувања, обратете се во најблиската медицинска служба.

Кој е под ризик

Ризикот од сончаница е поголем кај:

– деца под 2 години;

– повозрасни лица;

– лица со проблеми со бубрезите, срцето или циркулацијата на крвта;

– лица со дијабетес;

– лица што консумираат голема количина алкохол.

Тагови:

Следно

Лоша практика: Еве зошто не се кршат апчиња пред пиење

Не пропуштај

Пиете по 4 кафиња дневно? Имаме добри вести за вас!

Здравје и убавина

За поздраво срце, најдобро е да вежбате подоцна наутро

Објавено пред

20 часа

на

март 3, 2025

Од

Порта.мк

Вежбањето помеѓу 8 и 11 часот е поврзано со најмал ризик од срцеви заболувања и мозочен удар, покажа новото истражување на повеќе од 86.000 учесници.

Во споредба со поединците кои биле поактивни во средината на денот, оние кои биле најактивни наутро помеѓу 8 и 11 часот имале 11 до 16 отсто помал ризик од развој на коронарна срцева болест. Кај жените ризикот е намален за 22 до 24 отсто, пренесува порталот Medical News Today.

За 17 отсто помал ризик од развој на мозочен удар бил забележан кај утринските вежбачи, а кај жените овој процент бил 35 отсто.

Резултатите беа објавени во European Journal of Preventive Cardiology.

„Добро е познато дека вежбањето е добро за срцето, а нашата студија покажува дека утринската активност е најкорисна за ова“, вели еден од авторите на студијата, Гали Албалак од Медицинскиот универзитетски центар во Лајден, Холандија.

„Резултатите се особено изразени кај жените, а се однесуваат и на ранобудниците и ноќните птици.

Сите учесници во студијата, 86.000 од нив, биле на возраст меѓу 42 и 78 години. Просекот бил 62 години. На почетокот на истражувањето тие не боледувале од кардиоваскуларни заболувања, но во просек биле дебели.

Нивната физичка активност била следена секој ден од февруари 2013 до 2015 година со помош на монитори за зглобови.

Научниците потоа ги следеле шест до осум години, до нивниот прв прием во болница или смрт поврзана со срцеви заболувања или мозочен удар.

Во тој период речиси 3.000 од нив развиле коронарна артериска болест, а речиси 800 од нив доживеале мозочен удар. Испитаниците кои биле физички активни помеѓу 8 и 11 часот имале најмал ризик од двете состојби, покажа студијата.

„Ова е набљудувачка студија, па не можеме да објасниме зошто врската е поизразена кај жените“, рече Албалак.

„Резултатите од нашето истражување се дополнителен доказ за здравствените придобивки од физичката активност и укажуваат дека утринската активност, особено доцните утрински активности, е најкорисна.

Лекарите препорачуваат возрасните да вежбаат умерено од 150 до 300 минути неделно, или 75 до 150 минути ако го прават тоа поенергично.

Прочитај повеќе...

Здравје и убавина

Овој напиток го нормализира шеќерот во крвта, еве за што станува збор

Објавено пред

1 недела

на

февруари 23, 2025

Од

Порта.мк

Дијабетесот не е само смртна закана за сите оболени, туку предизвикува и многубројни тешкотии. За човек да продолжи да функционира нормално, по развивањето на оваа пеколна болест, важно е да го одржува шеќерот во нормала.

Тоа е можно да се изведе со редовна и здрава храна, лекови како и традиционалната медицина која многу помага и ги олеснува непријатните симптоми.

За овој лек ви се потребни само две состојки.

Состојки:

300 гр корен од целер

6 лимони

Подготовка:

Изрендајте го исчистениот корен од целерот и ставете го во емајлирано тенџере кое не смее да биде оштетено. Во тенџерето додадете и свеж цеден сок од лимон. Затворете го добро тенџерето и ставете го во друго, поголемо тенџере со вода. Варете додека водата во долното тенџере да зоврие.

Кога ќе зоврие намалете ја температурата и на многу мала температура варете 2 часа. По варењето тргнете ги садовите од огнот и не го отворајте тенџерете додека целосно не се олади, па потоа сипете го лекот во тегла. Теглата добро затворете ја и ставете ја во фрижидер.

Употреба: Пијте по една лажица наутро на празен стомак, 30 минути пред појадокот.

Оваа количина е доволна за два месеци, по кои на многумина им се нормализира шеќерот во крвта.

Прочитај повеќе...

Здравје и убавина

Со овие намирници ќе ја подобрите меморијата на мозокот со здрав начин на исхрана

Објавено пред

1 недела

на

февруари 23, 2025

Од

Порта.мк

Иако често мислиме дека нема да почнеме да ја губиме меморијата додека не наполниме 70 или 80 години, но тоа и докторски е едноставно не точно. Сигурно не треба да паничиме, бидејќи голем дел од нашето когнитивно здравје го одредуваат исхраната и животните навики.

Можеме да ја подобриме и меморијата на мозокот со здрав начин на живот кој вклучува редовно вежбање, доволно квалитетен сон, намалување на стресот и здрава исхрана, а овие намирници се најдобри кога станува збор за подобрување на здравјето на мозокот, како и на когнитивните способности.

Цвекло
Цвеклото е одлична намирница за подобрување на помнењето на луѓето постари од 40 години. Оваа храна е многу богата со состојки кои помагаат во спречување на предвремено стареење на мозокот и губење на меморијата со тоа што го штитат од оксидативен стрес и воспаление.

Цвеклото може да го зголеми и протокот на крв во мозокот, а подобрата циркулација на крвта значи и подобро функционирање, односно подобра меморија и подобри когнитивни способности.

Риба
Мозокот користи омега-3 масти за да изгради мозочни и нервни клетки, кои се неопходни за учење и меморија. Од таа причина, видовите риби кои се полни со омега-3 масти како лососот, пастрмката и туната се на врвот на листата на намирници корисни за функционирањето и здравјето на мозокот.

Ленено семе
Ленените семиња не само што се одличен извор на протеини и влакна, туку се одлични и за подобрување на меморијата. Лененото семе е богато со посебна омега-3 масна киселина: алфа-линоленска киселина (АЛА). Овие масни киселини во телото се претвораат во EPA и DHA: две многу важни омега-3 за здравјето на мозокот.

За да постигнете најголеми здравствени придобивки за организмот, сомелете ги семките кои потоа можете да ги користите за пр. тесто за здрави палачинки, колачи, смути…

Бадеми
Експертите истакнуваат дека здравите масти од јаткастите плодови и семките се клучот за зачувување на здравјето на мозокот и подобрување на меморијата. Бадемите се многу богати со мононезаситени масти, кои не само што помагаат во намалување на холестеролот, туку можат да ги подобрат и когнитивните функции.

Претходно, една студија во која учествуваа 480 жени покажа дека оние кои консумирале повеќе мононезаситени масти во текот на 3 години имале помал когнитивен пад.

Брокула
Брокулата е многу корисна за здравјето на мозокот и когнитивните способности, богата е со сулфорафан, кој е антиоксиданс и помага во борбата против воспалението, а откриено е дека хроничното воспаление доведува до губење на меморијата и намалување на здравјето на мозокот. Покрај тоа, брокулата е полна со влакна, што е многу важно за намалување на ризикот од одредени видови на рак, како и за одржување на здрава тежина.

Маслиново масло
Наместо путер или растително масло, посегнете по маслиново масло за зајакнување на когнитивните способности и подобрување на здравјето на мозокот. Маслиновото масло е богато со здрави масти и антиоксиданси наречени полифеноли, кои помагаат во заштитата на нашите мозочни клетки од оксидативен стрес и оштетување.

Обидете се да го користите колку што е можно кога готвите зеленчук или месо или додадете го во салата. Изненадувачки, можете да користите и маслиново масло за да подготвите фини десерти како колачи со лимон.

ФОТО: Mehran B / pexels
Извор: vesti-online.com

Прочитај повеќе...