Следете не

Здравје и убавина

Важно за овој период при удар на сончаница, што да направите

Објавено пред

на

Сончаницата претставува оштетување на кожата, односно изгореници како резултат на прекумерно изложување на УВ-зрачењето. Поради високите температури во лето, лесно може да добиете сончаница. Во опасност се оние што подолго време од денот се на плажа, а не се заштитуваат со чадор за сонце или со капа. Последиците се чувствуваат откако ќе се скриете од сонцето, во текот на наредните 12-24 часа. Стануваат посилни доколку оштетената кожа ја изложите повторно на сонце.

Честото прекумерно горење на кожата може да биде причина за низа кожни болести. Најопасен е ракот на кожата.

Сличен на сончаницата е топлотниот удар, но тие две работи сепак се разликуваат по своите симптоми.

Симптоми

Некогаш е тешко да препознаете дали станува збор за сончаница, за настинка или за нешто трето. При сончаница се јавуваат следниве симптоми: вртоглавица, недостаток на енергија, гадење, потење, ментална конфузија, потемна урина и ретко мокрење, дамки под очите, ѕвонење во ушите и црвена кожа. При изгореници од сонце, кожата е премногу осетлива на допир и се карактеризира со висока температура.

При сончаница мора да внимаватe како се бањате. При бањање користете сапун кој не ја суши кожата, не користете сунѓер и сол за капење, употребете млака вода. По бањање полека со тапкање поминете со крпа по телото за да ја избришете водата. За да не ја влошите состојбата, не изложувајте се на сонце и на високи температури. Не се препорачува да се користи мраз, завој или мачкање со кисело млеко, како што многумина прават „по народски“.

 Бурни реакции кај децата

Кај децата, вжештување на телото може да се случи многу бргу, особено ако детето е активно на сонце. Практиката покажува дека почеста е т.н. доцна сончаница, која се случува неколку часа по престој на топло – пред спиење или во текот на првиот сон.

Раната реакција е многу бурна: детето одеднаш снемува сила, чувствува вртоглавица и мачнина, неретко повраќа и станува сонливо. Поголемите деца можат да бидат и вознемирени, а главоболката е речиси секогаш присутна. Детето е оросено со пот, рацете и нозете се прво топли, а ако се засолни од сонцето, стануваат студени и треперат. Телесната температура може да биде нормална, но обично е зголемена. Колку што детето е помало и симптомите се поизразени, а опасноста од компликации е поголема. Кога многу ќе се претера со сончањето, може да дојде и до губење на свеста, што почесто се случува кај адолесцентите.

Кога се случува „доцна сончаница“, симптомите побавно настапуваат, помалку се изразени, но подолго траат. Децата се топли, црвени, иако не се на сонце. Изгледаат како да ги нападнал вирус, може да повратат, па мајките и татковците често се збунуваат мислејќи дека е во прашање инфекција. Малите деца се со променливо расположение и имаат несоница. Телесната температура по правило е зголемена.

Tоплотен удар

Топлотниот удар настанува нагло и без најава, со ненадеен колапс и пад на крвниот притисок. Ова е акутно тешко нарушување на организмот и е неопходна интервенција од лекар.

Голем дел од симптомите се како и на сончаница, но не мора да биде последица од директно изложување на сонце. Топлотен удар може да добијат работници што работат покрај печки со висока температура, кај возачи што се во прегреан автомобил, кампери што спијат во лош опремен шатор или морнари што се покрај прегреан бродски мотор. Тој настанува како резултат на нагло и прекумерно зголемување на телесната температура и неможност на организмот да ја одржи температурата во нормални граници. Обично се јавува кога има зголемена влажност во воздухот. Тоа го отежнува потењето, поради што температурата на телото постојано расте и достигнува до 40 Целзиусови степени. Вака високата температура доведува до дисфунксција на централниот нервен систем, до делириум или до кома. Доколку оваа состојба потрае, моќно е да предизвика трајни оштетувања и невролошки нарушувања.

Симптоми на топлотен удар се: малаксаност, грчеви, вртоглавица, слабост, жед, главоболка, слаб но забрзан пулс, намалено потење, сува и црвена кожа.

Како да дадете прва помош

– лицето со сончаница однесете го под сенка или импровизирајте мал шатор;

– лицето треба да лежи на земја со поткрената глава;

– ставајте ладни облоги на лицето, пазувите и вратот;

– лицето треба да пие вода или електролитен пијалак (за да не дехидрира);

– нежно масирајте го по телото за да ја подобрите циркулацијата на крвта;

– мерете ја температурата на лицето на секои 10 минути;

– доколку нема подобрувања, обратете се во најблиската медицинска служба.

Кој е под ризик

Ризикот од сончаница е поголем кај:

– деца под 2 години;

– повозрасни лица;

– лица со проблеми со бубрезите, срцето или циркулацијата на крвта;

– лица со дијабетес;

– лица што консумираат голема количина алкохол.

Здравје и убавина

Дали луѓето со висок крвен притисок можат да пијат кафе?

Објавено пред

на

Фото: Unsplash

Иако нашироко се верува дека кафето го зголемува крвниот притисок, не постои истражување кое потврдува дека тоа е вистина.

Експертите од Германското здружение за срце велат дека можете без страв да пиете најмалку четири шолји дневно, дури и ако страдате од висок крвен притисок. Тие истакнуваат дека не постојат научни докази дека кофеинот е лош за хипертензија.

Кафето може да го подигне крвниот притисок за кратко време бидејќи кофеинот го стимулира кардиоваскуларниот систем и го забрзува пулсот, но тоа обично се случува доколку не сте навикнати на кофеин.

Покачувањето на крвниот притисок е помало кај луѓето кои редовно пијат кафе. Овој ефект се јавува по редовно пиење кафе една до две недели, се вели во соопштението на Германското здружение за срце.

Тоа важи и за зелениот и црниот чај, со оглед на тоа дека и тие се стимуланси.

Сепак, треба да пробате ограничено пиење, што е максимум 400 милиграми кофеин дневно доколку размислувате за здравјето на срцето, велат од ова здружение.

Тоа е сигурно повеќе отколку што повеќето луѓе веројатно ќе пијат – околу четири до пет шолји филтер кафе на ден.

Ако планирате да го измерите крвниот притисок, направете го тоа пред да конзумирате кафе или околу 30 минути потоа, за да бидете сигурни дека тоа нема да влијае на мерењето.

Во меѓувреме, обидете се да ги избегнувате таблетите со кофеин, советуваат од оваа асоцијација, бидејќи тие можат негативно да влијаат на крвниот притисок.

/n1info.com/

Прочитај повеќе...

Здравје и убавина

Овој рецепт за само три дена ги чисти вашите бели дробови

Објавено пред

на

Никој од нас нема време да ги примени комплицираните режими на исхрана кои се неопходни за чистење на организмот. Затоа ви го претставуваме методот кој ќе ви помогне да ги исчистите белите дробови за само три дена.

Многу луѓе никогаш во животот не запалиле цигара а имаат проблем со белите дробови, додека други се пушачи и по 30-40 години, а ги немаат тие проблеми.

Изгледа дека се е индивидуално, но цигарите сепак допринесуваат за лошата состојба на белите дробови. Овој метод им е повеќе потребен на пушачите, но без разлика дали сте пушач или непушач, сигурно ќе ви годи да ги исчистите белите дробови од токсини.

Еве како да го направите тоа за само три дена.

Два дена пред овој процес би требало да престанете да конзумирате млечни производи, а вечерта пред првиот ден од режимот, испијте шолја билен чај пред спиење.

Тоа ќе помогне за вашите црева да се ослободат од токсините, што е значајно за белите дробови да не бидат преоптоварени во текот на процесот на детоксикација.

Постапка:

Исцедете два лимони во 300 милилитри вода и испијте ја пред појадок.

Испијте 300 милилитри сок од грејпфрут или ананас. Овие сокови содржат природни антиоксиданси кои се важни за здравјето на белите дробови.

Меѓу појадокот и ручекот испијте 300 милилитри чист сок од моркови. Тоа ќе помогне за да се зголеми алкалноста на крвта.

Во текот на ручекот треба да испиете 400 милилитри сок богат со калиум. Калиумот е клучен елемент за чистење на белите дробови. Рецептот за овој сок следува во продолжение.

Рецепт:

Во соковник исцедете 350 грама пашканат, 350 грама зелени пиперки, 200 грама поточарка и 350 грама краставици. Тоа би требало да биде мерката за околу 400 милилитри сок.

На крајот, пред спиење треба да испиете 400 милилитри сок од брусница.

Покрај овие сокови, треба да водите сметка и да вежбате во текот на тие денови, доволно да спиете, а можете да направите и топла купка барем 20 минути дневно за да ја зголемите детоксикацијата.

Овој режим можеби е малку напорен, но за само три дена ќе почувствувате неверојатни резултати.

/denar.mk

Прочитај повеќе...

Здравје и убавина

Дали ни требаат три оброци на ден?

Објавено пред

на

Нутриционистите се посветени на пет оброци, но повеќето имаат три оброци на ден. Имено, модерниот живот е концентриран на овој начин на исхрана – појадокот е најважниот оброк во денот, паузата на работа се користи за ручек, а потоа општествениот и семејниот живот се врти околу вечерните оброци.

Сепак, дали е ова најздравиот начин на исхрана?

Научниците го разгледуваат прашањето за исхраната на повеќе нивоа, а еден од најважните аспекти е прашањето за ограничување на оброците на период од осум часа. Имено, истражувањата се повеќе одат во насока на теоријата дека на човечките тела му требаат најмалку 12 часа на ден без храна за да го одмори дигестивниот систем.

Повремен пост

Розалин Андерсон, вонреден професор на Факултетот за медицина, изјави за Би-Би-Си дека секојдневен пост секогаш носи одредени придобивки.

„Постот го доведува телото до состојба дека е поподготвен, поотпорен на многу болести. „На телото му треба одмор за да може да складира енергија“, објаснува Андерсон.

Еден оброк на ден не е за дијабетичари

Од друга страна, некои стручњаци тврдат дека е најдобро да се има еден оброк дневно, меѓу кои и Дејвид Левицки, професор на Универзитетот во Њујорк.

„Има многу податоци кои покажуваат дека ако ви покажам храна или слики од храна, веројатно ќе јадете, а колку почесто храната е пред вас, толку повеќе ќе јадете тој ден. „Низ историјата конзумиравме по еден оброк на ден, вклучително и старите Римјани кои јадеа по еден оброк напладне“, објаснува Левицки, истакнувајќи дека чувството на глад воопшто не треба да ве мачи бидејќи тоа е психолошка сензација. Тој наведува и дека препораката за еден оброк дневно не е за луѓето кои боледуваат од дијабетес.

Најважно е конзистентноста

Сепак, истражувачите сугерираат дека најдобрата опција е два до три оброци на ден – со најголем дел од калориите внесени порано во текот на денот и појадок еден час или два по будењето. На тој начин телото има време да ја преработи храната и да ја направи ваша животна енергија, а проблемите со срцето најверојатно ќе ве заобиколат. Без оглед на промените што ги правите, истражувачите се согласуваат дека доследноста е клучна.

„Телото работи по шаблони. А повремениот пост е само наметнување на шаблони, што е многу пожелно за организмот. Исто така, денес луѓето не се консумираат како пред сто години, па ни требаат помалку калории, оброците треба да бидат полесни“, наведува Андерсон.

/politika/

Прочитај повеќе...

Facebook

Последни објави

Хороскоп4 часа

Хороскоп за понеделник (15 август)

ОВЕН Постојат информации што ви се потребни и нема да ги добиете лесно, затоа имајте на ум дека ништо нема...

Македонија4 часа

„Се лета“ Тетово-Гостивар, дури 13 возачи движеле над 70 км/ч од дозволеното!

Полициски службеници на СВР Тетово денеска (14 август) од 14 до 20 часот, спроведоа акциска контрола во која се изречени...

Спорт7 часа

Академија Пандев со „петарда“ на гости, Силекс ја изненади Шкендија, додека стружани победија во Штип

Академија Пандев го декласира Работнички на арената „Тодор Проески“ со 0-5. Домашната одбрана беше очајна, посебно во првиот дел, а...

Мобилни уреди8 часа

(ФОТО) Стигна првиот мобилен телефон со 200 мегапиксели камера, во Кина закажана деби презентацијата

Телефонот кој е украсен со споменатиот сензор е Motorola X30 Pro, а сензорот е Samsung ISOCELL HP1. Сензорот од 200...

Кичево14 часа

ОВР Кичево: Ноќеска 10 пијани возачи и 1 одземен нерегистриран мотор

Во текот на изминатата вечер (13/14.08.2022) во рамки на Оперативниот план „Безбедно лето 2022“, во периодот од 22.00 до 04.00...

Lifestyle1 ден

(ВИДЕО) Лозано: Дома си е дома, „Ја излези Ѓурѓо“ од многу грла во еден глас ❤️ Кичево!

Нашиот Лозано е секогаш добро решение за ноќниот живот во Кичево, баш како и што доликува, резервирано до последно место...

Хороскоп1 ден

Дневен Хороскоп (14 август) – недела

ОВЕН Поволен ден за комуникација со надредените како и за нови разговори за работа. Може да се надевате на убава...

Спорт1 ден

Милан со победа ја почна новата сезона во одбрана на титулата, победа оствари и Аталанта

Фудбалерите на Милан со победа ја започнаа одбраната на титулата во Серија А, кои денеска славеа против Удинезе со 4:2....

Македонија2 дена

СВР Охрид со активности на г.п. Ќафасан – „На пат секогаш тргнувај одморен“

Под мотото „На пат секогаш тргнувај одморен“, Одделението за превенција при СВР Охрид и РСБСП ја спроведуваат превентивната кампања „Безбедно лето...

Временска прогноза2 дена

Поизразено невреме проследено со интензивен пороен дожд – ова се најновите метео информации

За време на овој викенд бидете КРАЈНО ПРЕТПАЗЛИВИ и тоа поради очекуваната нестабилност на повеќе места низ Македонија. Истата ќе...

НАЈЧИТАНИ