Поради продор на постудена воздушна маса од север низ земјава веќе започна да дува умерен, повремен засилен ветер од северен правец. Истиот најизразен е Долж Повардарието каде локално и повремено ќе достигнува брзина од над 60 км/час.

Облачноста која ја имаме до крајот на денов и во текот на ноќта ќе се намалува па така поради разведрувањето, до утре изутрина минималните температури речиси насекаде ќе се спуштаат под нулата, односно истите ќе се спуштаат во интервалот од -8 до 0 степени.

Утре ќе се задржи сончево време со максимални температури кој ќе се искачуваат во интервалот од 7 до 16 степени, додека во Скопје истата ќе се искачи до околу 13 степени. Потоа во понеделник во текот на денот облачноста ќе се зголемува и во вечерните часови, како и во вотрник ќе има повремен локален дожд, на планините повремен снег.

Барем одсега гледано ново заладување на времето проследено со ПОИНТЕНЗИВНИ врнежи од дожд и снег на повисоките места и на планините се очекува во среда.

Автор: Славчо Попоски

Денес времето кај нас ќе биде сончево и релативно топло. Ќе дува слаб до умерен ветер од променлив правец, додека максималната температура ќе се искачува во интервалот од 12 до 20 степени.

Во Скопје и околината времето ќе биде сончево и релативно топло. Ќе дува слаб ветер од југоисточен правец, температурата на воздухот пак ќе се искачи до околу 18 степени.

Потоа утре во текот на денот облачноста постепено ќе се зголемнува па за време на викендот ќе имаме променливо облачно време со услови за повремен локален слаб дожд, на планините ќе провејува слаб снег.

Во сабота, особено Долж Повардарието ќе дува умерен, повремено засилен ветер од северен правец и истиот ќе услови пад на температурите, особено во недела кога максималните дневни ќе се искачуваат во интервалот од 6 до 12 степени.

Променливото време со повремен локален дожд ќе се задржи и на почетокот од следната недела.

Извор: Славчо Попоски

До четврток времето во нашата држава ќе се задржи претежно сончево и топло преку ден со максимални дневни температури кој ќе се искачуваат во интервалот од 12 до 19 степени. Наутро ќе биде релативно студено со минимални температури кој ќе се спуштаат во интервалот од -5 до 2 степени.

Од петок облачноста полека ќе се зголемува, додека за време на викендот ќе има повремени локални врнежи од дожд кога ќе дува и умерен, Долж Повардарието повремено засилен ветер од северен правец и истиот ќе услови намалување на температурите на воздухот. На планините ќе има услови за провејување на снег.

Во Скопје и околината до четврток времето ќе биде претежно сончево, додека од петок облачноста полека ќе се зголемува.За време на викендот ќе има услови за повремен локален дожд кога ќе дува умерен, повремено засилен северен ветер.

Температурите на воздухот ќе се искачуваат во интервалот од 14 до 17 степени, додека за време на викендот истите ќе бележат тенденција на пад.

Автор: Славчо Попоски