Група на ученици преку социјалните мрежи упатуваат покана до сите свои врсници од кичевското средно општинско училиште „Мирко Милески“ но и останатите, во знак на почит за прерано починатите лица во страшната несреќа во Кочани, утре 18-ти март (вторник) со почеток од 12:00ч со збирно место во кругот на гимназијата ќе реализираат мирен собир.

Како што дојдовме до дополнителна информација, станува збор за мирен собир, односно марш, крајна цел ќе биде градскиот плоштад, каде ќе се полага свежо цвеќе и палење свеќи. За таа цел, настанот бил најавен во релевантните локални органи и институции.

НУЦК „Кочо Рацин“ во интегрално соопштение преку социјалните мрежи и нашиот медиум ги информира сите кои купиле карти за „stand up“ шоуто закажано за вечерва со комичарите Тино Костадиновски и Атанас Атанасовски се откажува поради огромната трагедија во Кочани која ја потресе целата држава.

Купените билети ќе бидат рефундирани на купувачите, во догледно време шоуто ќе биде повторно закажано.

Сочувство до семејствата на загинатите и побрзо закрепнување на повредените од страшната трагедија во кочанската дискотека – упатува управата и вработените од НУЦК „Кочо Рацин“ – Кичево.

Утре 11-ти март (вторник) со почеток од 09:00 до 14:00ч на градскиот плоштад во Кичево по повод „светската недела на Глаукомот“ ќе се реализира Бесплатен преглед на очен притисок, како и оддавање на инструкции во случаеви за понатамошно лекување.

Настанот во соработка со општината е во организација на Универзитетската клиника за очни болести – Скопје и Општата Болница – Кичево, со своите претставници Д-р Дарко Дабески и Д-р Анита Божиноска.

Имено, брзото и навременото дијагностицирање на Глаукомот, како и третман е неопходно за најдобар исход при лекувањето.

Единствениот начин да проверите дали имате глауком е да одите на редовни очни прегледи. Настанот на утрешниот ден е токму таков преглед.

Бидете дел!