Случувања
Facebook денес слави 15 години од своето постоење, среќен да е!

На денешен ден, 4 февруари, 2004 година, во студентската соба од студентскиот кампус на Харвард, Марк Закерберг ја создаде социјалната платформа „Фејсбук“, која од обична вмрежена поврзаност на студентите од Харвард прерасна во глобален медиумски гигант со импресивно влијание од тривијални, преку културни, па до политички сфери и со која засекогаш се промени начинот на интернет комуникацијата, „онлајн“ маркетингот и глобалната поврзаност.
Денес, 15 години подоцна, оваа социјална мрежа со сите нејзини можности и капацитети, од најразлични побуди и причини, ја користат над 2,3 милијарди корисници.
Минатата година „Фејсбук“ беше вплеткан во низа скандали во врска со заштитата на податоци и нарушувањето на приватноста на корисниците, со што се потенцираше дека од овој медиумско-технолошки гигант повеќе не се фокусирани на заштита на приватноста на корисниците, туку на растот и ширењето по секоја цена.
Само дигиталниот гигант „Гугл“ има повеќе приходи од „Фејсбук“ од рекламирање на интернет. „Фејсбук“ е сопственик и на апликациите „Инстаграм“, „Месинџер“ и „ВатсАп“ и сите тие имаат по повеќе од милијарда корисници. Закерберг и понатаму го брани својот деловен модел и тврди дека „Фејсбук“ не продавал податоци за своите корисници и дека може да му се верува.
Ланската заработка на Фејсбук достигна рекордна сума од 22 милијарди долари.
Еве како пред 15 години, лично Марк Закерберг, на тогашна негова 19-годишна возраст, на CNBS го објаснуваше концептот за новата платформа и идеја тогаш наречена „The Facebook“. Тоа „the“ беше исфрлено веќе во 2005 година.
Кичево
Во сабота на кичевското „Китино Кале“ ќе се одржи забавна и едукативна сликарска сесија за деца и тинејџери, кои ќе истражуваат како ноќното небо ја инспирира уметноста низ историјата

Меѓународната вселенска алијанса (ISA) во партнерство со Организацијата за безбедност и соработка во Европа (OSCE) доби грант за проектот „Interstellar Expressions: Fostering Cultural Unity through Celestial Arts”. Овој проект има за цел да ги обедини младите од различни етнички и културни заедници во Кичево преку активности поврзани со уметноста и науката за вселената.
Проектот опфаќа 4 работилници, од кои едната веќе беше реализирана (тука можеш да видиш повеќе информации https://fb.me/e/9u4QXdzsS).
Втората ќе се одржи оваа сабота итоа во два термини, има уште многу малку места, на база на „прв дојден – прв услужен“ регистрирајте се навремено на линкот подоле:
https://docs.google.com/forms/d/e/1FAIpQLScLhJgOvuDYrC0kZ878C035T8-oP0RXYWv9DpniJ-EajP-Ifg/viewform?usp=sharing
Ова е Фејсбук Настанот: https://www.facebook.com/share/164Kja16UU/
Сликање на ѕвездите – Уметност инспирирана од ноќното небо!
Овој уникатен настан им овозможува на децата и тинејџерите да ја истражат врската помеѓу астрономијата и уметноста. Преку водена сликарска сесија, учесниците ќе научат како ноќното небо ги инспирирало уметниците низ историјата и ќе создадат сопствени уметнички ремек-дела инспирирани од ѕвездите.
Што ќе правиме?
Истражување на ноќното небо како уметничка инспирација
Креирање на сопствена галактичка уметност
Запознавање со познати уметнички дела инспирирани од ѕвездите
Забавно и интерактивно учење за врската меѓу науката и уметноста
Датум: 5 април
Сесија 1: 11:00 – 13:00 (возраст 8-12 години)
Сесија 2: 14:00 – 16:00 (возраст 13-18 години)
Локација: Китино Кале
Ограничен број места! Пријавете се сега за да ја резервирате вашата уметничка авантура!
Хроника
ОВР Крива Паланка приведе три лица, се сомничат за убиство на 84 годишен старец, најден закопан во близина на живеалиште

На 01.04.2025 во 18.25 часот, полициски службеници од ОВР Крива Паланка ги лишиле од слобода З.Ф. (24), С. Ф. (19) и С.Ф.(44) од село Луке, кривопаланечко . Тие се сомничат дека го убиле Љ.С. (84) од село Луке, кој на 29.03.2025 бил пријавен за исчезнат.
Телото на Љ.С. било пронајдено закопано во непосредна близина на неговата куќа во с. Луке, а увид извршила екипа од СВР Куманово.
По насока на јавен обвинител, телото е предадено за обдукција, а по целосно расчистување и документирање на случајот ќе биде поднесена соодветна пријава, информираше МВР.
Македонија
Сообраќајно инфо: Намалена видливост поради магла на превој „Стража“

Патна информација до сите кои патуваат преку планинскиот превој „Стража“, особено да внимаваат затоа што има намалена видливост поради појава на магла – 50-80м, додека сообраќајот се одвива непречено, по влажни коловози.
Патувајте безбедно, почитувајќи ја поставената патна сигнализација и прилагодување на возилата према условите на патот.
Пријатен пат!
-
Временска прогноза1 ден
Попоски: Влегуваме во период на температури во минус, студ и снег, невообичаено за месец април – ова се информациите
-
Хороскоп1 ден
Хороскоп за среда (2 април)
-
Македонија2 дена
МВР: Кривична пријава против 10 полициски службеници од Единицата за брзо распоредување за злоупотреба на службена положба и овластување
-
Македонија2 дена
Поскапуваат дизелот и бензинот, ова е новата цена од вечерва
-
Кичево7 часа
Во сабота на кичевското „Китино Кале“ ќе се одржи забавна и едукативна сликарска сесија за деца и тинејџери, кои ќе истражуваат како ноќното небо ја инспирира уметноста низ историјата
-
Хороскоп5 часа
Хороскоп за четврток (3 април)
-
Македонија2 дена
(ФОТО+ВИДЕО) Во Манастирот Рајчица одекна новиот „Благовесник“
-
Хроника17 часа
ОВР Крива Паланка приведе три лица, се сомничат за убиство на 84 годишен старец, најден закопан во близина на живеалиште