Мобилни уреди

Три нешта што треба да ги знаете за бришењето пораки на „Месинџер“

Објавено пред

6 години

на

ноември 17, 2018

Од

Порта.мк

По една недела од најавата, новата корисна функција на „Месинџер“ стигна до првите корисници. Станува збор за бришењето на испратените пораки, што ќе им дојде многу добро на оние што пишуваат во афект.

Колку и да е слична на функцијата која веќе долго ја има на „Вацап“, на „Месинџер“ нештата сепак ќе бидат поинакви.

1. Само десет минути за бришење

Како прво, треба да имате на ум дека имате само 10 минути да ја избришете испратената порака, а тоа се прави така што го држите прстот на текстот додека не се појави „Избриши“ на дното од екранот.

Потоа, слично како и на „Вацап“, ќе мора уште еднаш да потврдите дека сакате да ја избришете пораката од сите уреди.

2. Може да ве пријават

Потоа ќе се појави известување дека трајно ја бришете пораката, па другата страна ќе види дека е избришана и ќе може да пријави во случај на проблематична содржина.

3. „Фејсбук“ се осигури

„Фејсбук“ ќе ја задржи уште некое време избришаната порака, во случај таа да е предмет на жалба.

Опцијата за бришење на пораката стигна во Полска, Боливија, Колумбија и во Литванија, а прашање на време е кога ќе стигне и во другите земји.

Оваа функција на „Вацап“ ја има од 2017 година, а таму за бришење на пораката имате дури еден час.

Fakulteti.mk

Тагови:

Следно

Galaxy S10 ќе ја покори конкуренцијата: Интензивно се работи на најмоќниот телефон на Самсунг

Не пропуштај

S10 Lite нема да биде покус со новиот Infinity O екран

Магазин

Huawei го симна Apple од тронот на пазарот за носечки уреди

Објавено пред

10 часа

на

декември 22, 2024

Од

Порта.мк

Иако Apple долго време доминираше на пазарот за носечки уреди благодарение на успехот на Apple Watch, новите податоци покажуваат дека ситуацијата се промени.

Во првите три квартали од годината, Huawei испорача 23,6 милиони носечки уреди, заземајќи го водечкото место со пазарен удел од 16,9%, што претставува раст од 44% во споредба со истиот период минатата година. Apple, кој забележа пад од 10% во испораките, сега има пазарен удел од 16,2%, со испорачани 22,5 милиони уреди. Xiaomi го зазеде третото место со 20,5 милиони испораки и раст од 25%, додека Samsung е на четвртото место со 11,5 милиони испораки.

Вкупно, во првите три квартали годинава се испорачани 139 милиони уреди за носење, што е мало намалување од минатогодишните 140,5 милиони. Кина продолжува да биде најголем пазар, со над 45 милиони испорачани уреди и раст од 20%. Од овој број, 33 милиони се паметни часовници, што претставува раст од 23,3%.

Успехот на Huawei се припишува на новите модели како Watch GT 5, GT 5 Pro и Watch D2, како и на проширувањето во различни региони, особено во Азија и Блискиот Исток. Дополнително, силната позиција на кинескиот пазар значително придонесе за нивниот раст.

Сепак, важно е да се истакне дека Apple сè уште го задржува првото место кога станува збор исклучиво за паметни часовници, без да се земат предвид другите уреди за носење, како фитнес лентите.
Извор: Telegraf

Прочитај повеќе...

Магазин

Сакате да го спречите iPhone-от да ја менува осветленоста автоматски? Еве како

Објавено пред

10 часа

на

декември 22, 2024

Од

Порта.мк

Дали ви пречи кога осветленоста на екранот на вашиот iPhone автоматски се менува? Ова може да биде резултат на автоматските поставки за осветленост и True Tone, но добрата вест е дека можете да ги исклучите. Еве ги чекорите што треба да ги следите:

Исклучете го автоматското осветлување

Оваа функција автоматски ја прилагодува осветленоста според околното осветлување. Ако сакате повеќе контрола:

Settings > Accessibility > Display & Text Size
Скролувајте до дното и исклучете ја опцијата Auto-Brightness.

Напомена: Оваа поставка не е во „Display & Brightness“, па може да остане активирана без да сте свесни.

Исклучете го True Tone

True Tone ја мери температурата на бојата и осветленоста во околината и автоматски го прилагодува екранот. За да го исклучите:

Settings > Display & Brightness
Исклучете ја опцијата True Tone во делот за осветлување.

Со исклучување на Auto-Brightness и True Tone, екранот повеќе нема автоматски да ја менува осветленоста.

Дополнителен совет: Внимавајте на прегревање

Дури и со исклучени Auto-Brightness и True Tone, iPhone може да ја намали осветленоста за да спречи прегревање. Еве неколку совети:

Користете го iPhone на температури помеѓу 0 и 35 °C, а чувајте го помеѓу -20 и 45 °C.
Проверете ја состојбата на батеријата:
Settings > Battery > Battery Health.
Ажурирајте го софтверот:
Settings > General > Software Update.

Со овие прилагодувања, ќе можете целосно да го контролирате осветлувањето на вашиот iPhone.

Извор: Cnet

Прочитај повеќе...

Магазин

Еве колку ќе чинат Redmi Note 14 телефоните во Европа

Објавено пред

4 дена

на

декември 18, 2024

Од

Порта.мк

Серијата Redmi Note 14 веќе е достапна на пазарите во Кина и Индија, а наскоро ќе пристигне и во Европа. Протекоа детали за цените на различните модели кои ќе бидат понудени на европските пазари.

Цени и модели

Redmi Note 14 4G: Очекуваната цена е околу 240 евра за варијантата со 8GB RAM и 256GB простор за складирање, што е за 10 евра помалку од претходниот модел со истите спецификации. Ќе биде достапен во бои:
- Midnight Black
- Lime Green
- Ocean Blue
Redmi Note 14 5G: Цена од околу 300 евра за варијантата со 8GB RAM и 256GB простор за складирање. Ќе биде достапен во:
- Coral Green
- Midnight Black
- Lavender Purple
Redmi Note 14 Pro 4G: Цената ќе биде околу 312 евра.
Redmi Note 14 Pro 5G: Ќе чини околу 398 евра.
Redmi Note 14 Pro+: Цената ќе биде околу 498 евра.