Следете не

Спорт

Австралиската држава Викторија ја отфрли можноста невакцинираните тенисери да играат на АО

Објавено пред

на

Австралиската држава Викторија, чиј главен град Мелбурн е домаќин на тенискиот грен слем турнир Австралија Опен, денеска ја отфрли можноста да им се дозволи на невакцинираните играчи да учествуваат на турнирот.

„Забрануваме невакцинирани луѓе да влегуваат во пабови, кафулиња, ресторани и на главниот стадион за крикет. Нема да бараме исклучок од оваа одлука. Значи, прашањето е суштински решено“, рече викторијанскиот премиер Ден Ендрјус.

Оваа најава на локалните власти доаѓа неколку месеци пред почетокот на Австралија Опен, традиционално првиот Грен слем во годината (17-30 јануари).

Австралискиот премиер Скот Морисон изјави претходно дека на невакцинираните играчи ќе им биде дозволено да влезат во земјата доколку добијат изземање, за што државата Викторија треба да ги пријави.

Одлуките за визите и влезот во земјата ги носи австралиската влада, но за време на пандемијата на корона вирус, самите држави одлучуваа за сопствените правила во врска со влезот, како што се карантин или задолжителна вакцинација.

Првиот тенисер во светот, Новак Ѓоковиќ, победникот на последните три турнири во Мелбурн и деветкратен шампион на тој Грен слем, претходно одби да одговори на прашањето дали е вакциниран против корона вирусот.

„Не знам дали ќе одам во Австралија, не знам што се случува. Ситуацијата не е добра во моментов“, изјави Ѓоковиќ на почетокот на овој месец.

Според АТП и ВТА организациите, вакцинирани се околу 65 отсто од тенисерите и повеќе од 60 отсто од тенисерките.

На овогодинешниот Австралија опен, тенисерите мораа да бидат во двонеделен хотелски карантин, а бројот на гледачи беше одреден на 30.000 гледачи дневно или 50 отсто од капацитетот.

Извор: Danas
Фото: Unsplash

Спорт

(ВИДЕО) Кичевчанецот Драган Силјаноски официјално го презеде кормилото на македонската фудбалска репрезентација до 21 година

Објавено пред

на

ФФМ

Кичевчанецот Драган Силјаноски, поранешниот македонски репрезентативец и официјално е назначен за директор на репрезентацијата на Македонија до 21 година.

Во својата долгогодишна кариера настапуваше за повеќе македонски фудбалски клубови (кичевски Напредок, Победа, Слога Југомагнат и Шкендија), а како интернационалец кариерата ја мина во белгиски Антверпен, каде што остана да работи и по завршувањето на играчката кариера.

По долгогодишната фудбалска работа во Белгија, Силјаноски сега ќе биде директор на младата селекција која веќе на 21. март ја очекува нов квалификациски меч во циклусот за ЕП против селекцијата на Гибралтар.

Навистина сум возбуден и почестен што се приклучувам на Фудбалската федерација на Македонија како нов спортски директор на репрезентацијата до 21 година. 

– Оваа селекција, според мене, ја има клучната улога во обликувањето на иднината на нашиот репрезентативен фудбал. Тоа го потврдува блиското минато и се разбира сегашноста, ако го гледаме составот на најдобрата македонска репрезентација.

– И како фудбалер, но и како човек од фудбалот, секогаш сум бил посветен на зајакнување на односите меѓу сите во тимот, се со цел да се искористи потенцијалот за да се направи добар резултат. Се надевам дека со моето искуство ќе донесам некоја нова динамична енергија и во репрезентацијата до 21 година. 

– Тесно ќе соработуваме со нашиот тренерски потенцијал, административниот тим и клучните луѓе во федерацијата за да се осигура дека фудбалерите ќе ја добијат поддршката и се што им е потребно за да напредуваат на теренот и надвор од него, за медиумите истакна Силјаноски

Прочитај повеќе...

Спорт

(ФОТО) Фудбалски викенд за „ФК Кичево“, многу надигрувања и возбудливи моменти

Објавено пред

на

©porta.mk

Во рамките на детската лига се одиграа два натпревари против екипата на „Ускана“ од Кичево. Во генерацијата 2012 „ФК Кичево“ беше поразен со резултат 4:2, додека генерација 2014 одиграа без победник, резултат 2:2.

Во генерацијата 2012 стрелци на головите за нашата екипа беа Китаноски Љубиша и Јовановски Кирил, исто така двата погодоци за генерација 2014 ги постигнаа Павел Петрески и Давид Мицески

Исто така овој ден беше искористен и за еден пријателски натпревар кај најмладите помеѓу „ФК Кичево“ и „ФК Ускана“ кој заврши со резултат 2:2. Таму стрелци на головите беа Јаков Данилоски и Мартин Билбиловски

Предмалку заврши и последниот првенствен натпревар во регионалната лига во генерација 2009 каде се сретнаа екипите на „ФК Кичево“ и „ФК Ускана“, истиот заврши со резултат од 1:1. Стрелец за нашата екипа беше Стефан Војчески од белата точка.

Игор Николаевски – тренер на „ФК Кичево“: Одличен фудбалски ден за нашите момчиња, одигравме неколку натпревари со нашите пријатели од „ФК Ускана“, честитки за сите фудбалерчиња кои покажаа фер плеј и престиж, несомнено во иднина ќе бидат големи фудбалски имиња.

Прочитај повеќе...

Спорт

Фудбалската репрезентација на Македонија до 15 години загуби минимално од Хрватска, додека Македонија до 18 години се сели на „Анталија Куп 2024“

Објавено пред

на

©ФФМ

Репрезентацијата на Македонија до 15 години загуби со минимални 1:0 од соодтветната селекција на Хрватска во рамките на вториот контролен натпревар одигран помеѓу овие две селекции.

Хрватите единствениот погодок на денешниот меч го постигнаа во 18. минута. Македонија најдобрата прилика ја имаше преку Стојковски на почетокот на второто полувреме, но неговиот удар со фантастична одбрана го скроти домашниот голман. Исламовиќ беше најзапазен и најопасен наш играч кој неколку пати успеа сериозно да се закани по голот на Хрватска.

Првиот контролен натпревар помеѓу овие селекции заврши со победа на Хрватска од 4:0.

Македонија: Антонио Атанасов, Бленди Љачка, Мартин Џангаровски, Матеја Масев, Фадиљ Исламовиќ, Јаков Стојковски, Андреј Цветковски, Матеј петков, Ердин Мамути, Сонер Ракипи, Лука Грчевски

Додека пак младата репрезентација на Македонија до 18 години во периодот од 18 до 27 март ќе биде учесник на силниот меѓународен турнир „Анталија Куп 2024″, кој ќе се одржи во Анталија, Турција.

На силниот меѓународен турнир, покрај нашата селекција учество ќе земат и младите репрезентации на Молдавија, Естонија и домаќинот Турција. Избраниците на селекторот Вујадин Станојковиќ во склоп на јакиот турнир ќе одиграат три  натпревари на кои ќе се темпира нашата форма.

Сите натпревари ќе бидат одиграни на тренинг центарот во склоп на хотелот „Bellis Deluxe”. Првиот меч го играме со Молдавија , на 20 март со почеток во 16. часот. Во вториот натпревар се среќаваме со селекцијата на Естонија, на 23 март во 18. часот. Три дена подоцна, на програмата е третиот  дуел против домаќинот Турција. Мечот е закажан за 18. часот.

Селекторот Вујадин Станојковиќ за претстојните предизвици се одлучи да ги повика следните фудбалери:

ГОЛМАНИ:

Славе Вргов   А.П. Брера

Амар Хаџибулиќ   Работнички

Спаско Ахтаров   Беласица

ОДБРАНА:

Нуман Ајетовиќ   Новаци

Габриел Крстевски   Пелистер

Бојан Ивчески   Победа

Андреј Љубевски   Работнички

Адриан Незир   Арминија Билефелд, Германија

СРЕДЕН РЕД:

Никола Манојлов   Работнички

Матеј Гаштаров   Црвена Звезда, Србија

Давид Ристовски   А.П. Брера

Милот Синани   Арау, Швајцарија

Максимилиан Димитријевски   Борусија Минхенгладбах, Германија

НАПАД:

Веби Ислами   Шкендија

Давид Матески   Силекс

Кристијан Ѓорѓиевски Македонија Ѓ.П.

Јован Постолов   А.П. Брера

Стефан Младеновски   Црвена Звезда, Србија

Андреј Силјаноски   Пелистер

Тарик Демишкоски   Македонија Ѓ.П.

Давор Лефковски   Вардар

Алтин Алији   Македонија Ѓ.П.

На списокот ги нема Анес Мелиќи, Андреј Велков и Мухамед Елмас. Сите тројца се повикани во репрезентација на Македонија до 19 години која ќе биде домаќин на мини турнирот во рамките на Елитната рунда квалификации за пласман на Европско првенство.

Исто така и младата репрезентација на Македонија до 16 години во следниот период ја очекуваат два контролни натпревари против соодветната селекција на Австрија.

Контролните средби ќе бидат одиграни на 20 и 23 март во Бад Тацмансдорф, Австрија.

Селекторот на младата репрезентација на Македонија до 16 години, Раде Каранфилоски за овие дуели се одлучи да ги повика следните фудбалери:

ГОЛМАНИ:

Антониј Трајковски   Работнички

Александар Трајков   А.П. Брера

ОДБРАНА:

Мартин Талевски   Олимпија

Мартин Џангаровски   А.П. Брера

Ристе Стоилов   А.П. Брера

Матео Кесиќ   А.п. Брера

Лука Варошаноски  А.П. Брера

Дени Османовски   Малме, Шведска

Оливер Марковски   Хелсинборг, Шведска

Бленди Ганиу, Шкупи

СРЕДЕН РЕД:

Лорен Џаку   Воска

Давид Ангелевски   Пелистер

Блерон Бајрами   Вардар

Александар Грашески   Њу Старс

Душан Бојовиќ Заев   Вардар

Габриел Талески   А.П. Брера

Ненад Дамјановски   Домжале, Словенија

НАПАД:

Флорент Османи   Шкендија

Дамјан Буцевски   Вардар

Стефан Бранковски   Марибор, Словенија

Матеј Сејменов   А.П. Брера

Петар Крстевски   Виенер Спорт, Австрија

Прочитај повеќе...

Facebook

Последни објави

Магазин46 минути

Хакери тврдат дека украле податоци од корисниците на Viber

Хандала Хак, пропалестинска хакерска група, тврди дека го хакирала Viber и бара компензација. Хакерите на нивниот канал Telegram објавија дека...

Магазин52 минути

Nvidia го објави својот најмоќен чип со вештачка интелигенција досега: „Ни требаат поголеми графички процесори“

Nvidia има за цел да ја зацврсти својата позиција како главен снабдувач на компаниите кои се занимаваат со вештачка интелигенција...

Култура54 минути

Netflix ја враќа Black Mirror во 2025 година

Седмата сезона на Black Mirror е на пат. Netflix потврди дека научно-фантастичната антологија на Чарли Брукер ќе се врати во...

Хороскоп13 часа

Хороскоп за вторник (19 март)

ОВЕН Овен, имате за што да бидете благодарни. Зошто не го прославите тоа вечерва со пријателите? Заборавете на проблемите со...

Кичево14 часа

(ГАЛЕРИЈА) По повод светскиот ден на „Рециклирањето“ вечерва најмилите од ЈОУДГ „Олга Мицеска“ – Кичево со голема радост реализираа „Модна ревија“

Предмалку во НУЦК „Кочо Рацин“ – Кичево заврши гламурозната модна ревија со рециклирани материјали насловена како „Eco Fashion Show“, благодарение...

Магазин1 ден

Новото истражување покажа невообичаени последици од борбата против пиратеријата

Заканувачките пораки против дигиталната пиратерија може да имаат необични резултати, нагласувајќи ја потребата од приспособени пристапи, покажа новото истражување. Една...

Магазин1 ден

Најавена е соработка на два гиганти: вештачката интелигенција на Google наскоро ќе се најде и на iPhone

Акциите на Alphabet пораснаа за 2,7% во почетокот на тргувањето во понеделникот, по веста дека технолошкиот гигант Apple преговара за...

Магазин1 ден

Италија инвестира 1 милијарда евра во вештачка интелигенција

Италија планира да формира инвестициски фонд со почетна инвестиција од 1 милијарда евра. Италија сака да промовира проекти за вештачка...

Магазин1 ден

Google Wallet наскоро ќе поддржува Apple Pass

Поддршката за пропусници со формат „pkpass“ на Apple за паричниците на Google Wallet наскоро би можела да стане поедноставна, што...

Магазин1 ден

Претплатите на Google Play Pass пораснаа за 120% во текот на изминатата година

Google Play Points има над 220 милиони членови на 35 пазари пред лансирањето во Бразил што се очекува оваа година....

НАЈЧИТАНИ