Мобилни уреди

Ова е првиот Huawei со 8 гигабајти RAM (ФОТО)

Објавено пред

6 години

на

јули 5, 2018

Од

Порта.мк

Кинеската компанија „Huawei“ го прикажа својот прв паметен телефон со 8 гигабајти RAM меморија – „Honor 10 GT“, чиј претходник „Honor 10“, кој пристигнува во верзии со 4 или 6GB RAM, oд мај е достапен на светскиот пазар.

Покрај поголемата RAM меморија, „Honor 10 GT“ има речиси идентични карактеристики како и основниот модел.

Уредот има екран со дијагонала од 5,8 инчи, резолуција 2280 x 1080. На диплејот се наоѓа и сензор за отпечаток на прстот.

„Honor 10 GT“ ќе го користи процесорот „Kirin 970“, како и батерија од 3.400 mAh. На задната страна на уредот се наоѓаат две камери со сензори од 16 и 24 мегапиксели.

Новиот „Honor 10 GT“ официјално ќе биде претставен на 24-ти јули, прво во Кина, а потоа и на останатите светски пазари.

Цената на уредот се уште не е објавена, но со оглед на цената на основниот „Honor 10“, се претпоставува дека „Honor 10 GT“ би можел да чини околу 390 долари.

Credits: Denar.mk

Тагови:

Следно

Македонија 68-ма во светот според брзината на интернет, пад за 9 места од 2017 година

Не пропуштај

Instagram преминa на прагот од една милијарда корисници

Магазин

Huawei го симна Apple од тронот на пазарот за носечки уреди

Објавено пред

2 часа

на

декември 22, 2024

Од

Порта.мк

Иако Apple долго време доминираше на пазарот за носечки уреди благодарение на успехот на Apple Watch, новите податоци покажуваат дека ситуацијата се промени.

Во првите три квартали од годината, Huawei испорача 23,6 милиони носечки уреди, заземајќи го водечкото место со пазарен удел од 16,9%, што претставува раст од 44% во споредба со истиот период минатата година. Apple, кој забележа пад од 10% во испораките, сега има пазарен удел од 16,2%, со испорачани 22,5 милиони уреди. Xiaomi го зазеде третото место со 20,5 милиони испораки и раст од 25%, додека Samsung е на четвртото место со 11,5 милиони испораки.

Вкупно, во првите три квартали годинава се испорачани 139 милиони уреди за носење, што е мало намалување од минатогодишните 140,5 милиони. Кина продолжува да биде најголем пазар, со над 45 милиони испорачани уреди и раст од 20%. Од овој број, 33 милиони се паметни часовници, што претставува раст од 23,3%.

Успехот на Huawei се припишува на новите модели како Watch GT 5, GT 5 Pro и Watch D2, како и на проширувањето во различни региони, особено во Азија и Блискиот Исток. Дополнително, силната позиција на кинескиот пазар значително придонесе за нивниот раст.

Сепак, важно е да се истакне дека Apple сè уште го задржува првото место кога станува збор исклучиво за паметни часовници, без да се земат предвид другите уреди за носење, како фитнес лентите.
Извор: Telegraf

Прочитај повеќе...

Магазин

Сакате да го спречите iPhone-от да ја менува осветленоста автоматски? Еве како

Објавено пред

2 часа

на

декември 22, 2024

Од

Порта.мк

Дали ви пречи кога осветленоста на екранот на вашиот iPhone автоматски се менува? Ова може да биде резултат на автоматските поставки за осветленост и True Tone, но добрата вест е дека можете да ги исклучите. Еве ги чекорите што треба да ги следите:

Исклучете го автоматското осветлување

Оваа функција автоматски ја прилагодува осветленоста според околното осветлување. Ако сакате повеќе контрола:

Settings > Accessibility > Display & Text Size
Скролувајте до дното и исклучете ја опцијата Auto-Brightness.

Напомена: Оваа поставка не е во „Display & Brightness“, па може да остане активирана без да сте свесни.

Исклучете го True Tone

True Tone ја мери температурата на бојата и осветленоста во околината и автоматски го прилагодува екранот. За да го исклучите:

Settings > Display & Brightness
Исклучете ја опцијата True Tone во делот за осветлување.

Со исклучување на Auto-Brightness и True Tone, екранот повеќе нема автоматски да ја менува осветленоста.

Дополнителен совет: Внимавајте на прегревање

Дури и со исклучени Auto-Brightness и True Tone, iPhone може да ја намали осветленоста за да спречи прегревање. Еве неколку совети:

Користете го iPhone на температури помеѓу 0 и 35 °C, а чувајте го помеѓу -20 и 45 °C.
Проверете ја состојбата на батеријата:
Settings > Battery > Battery Health.
Ажурирајте го софтверот:
Settings > General > Software Update.

Со овие прилагодувања, ќе можете целосно да го контролирате осветлувањето на вашиот iPhone.

Извор: Cnet

Прочитај повеќе...

Магазин

Еве колку ќе чинат Redmi Note 14 телефоните во Европа

Објавено пред

4 дена

на

декември 18, 2024

Од

Порта.мк

Серијата Redmi Note 14 веќе е достапна на пазарите во Кина и Индија, а наскоро ќе пристигне и во Европа. Протекоа детали за цените на различните модели кои ќе бидат понудени на европските пазари.

Цени и модели

Redmi Note 14 4G: Очекуваната цена е околу 240 евра за варијантата со 8GB RAM и 256GB простор за складирање, што е за 10 евра помалку од претходниот модел со истите спецификации. Ќе биде достапен во бои:
- Midnight Black
- Lime Green
- Ocean Blue
Redmi Note 14 5G: Цена од околу 300 евра за варијантата со 8GB RAM и 256GB простор за складирање. Ќе биде достапен во:
- Coral Green
- Midnight Black
- Lavender Purple
Redmi Note 14 Pro 4G: Цената ќе биде околу 312 евра.
Redmi Note 14 Pro 5G: Ќе чини околу 398 евра.
Redmi Note 14 Pro+: Цената ќе биде околу 498 евра.