Македонската футсал репрезентација на 7 и 12 март ќе одигра два натпревари од квалификациите за Европското првенство. Дома во С.Ц. „Јане Сандански“ ќе ја пречека селекцијата на Холандија (7. март, 19:00 часот), а пет дена подоцна гостува во Андора против домашната футсал репрезентација.

Селекторот Васко Скендеровски за двете квалификациски пресметки ќе смета на следните играчи:

ГОЛМАНИ:ПЕТРОВСКИ Антонио (КМФ Проект), СТОЈАНОВСКИ Иван (КМФ Форца), СПАСОВСКИ Никола (КМФ Осогово)

ОДБРАНА: ЛЕВЕСКИ Зоран (КМФ Форца), БЛАГОЈЕВСКИ Марио (КМФ Проект), ЗИБЕРИ Садат (Порде Ноне, Италија), ПЕТРОВИЌ Драган (КМФ Форца), ДИМКОВ Виктор (КМФ Осогово)

НАПАД: ИСМАИЛИ Таулант (КМФ Форца), ЈАНЕВ Бојан (КМФ Проект), РАМАДАНИ Јакуп (ФЦ Приштина, Косово), РАМАДАНИ Берат (КМФ Форца), ТОДОРОВСКИ Мартин (КМФ Осогово), СЕФЕРИ Еркан (ФЦ Приштина, Косово), ПЕЕВ Лазар (КМФ Бутел)

ПИКЕРИ: КРСТЕВСКИ Иван (КМФ Форца)

Во квалификациската група 7 за пласман на Европското првенство, Македонија има освоено бод од четирите натпревари. На домашен терен одигравме 1:1 против Андора. Португалија има максимални 12 бодови по четири меча, Холандија е на второто место со победа и нерешен резултат. Андора е на третото место со три нерешени меча, за јавноста истакна Фудбалската федерација на Македонија

ФФМ предмалку истакна официјално соопштение до медиумите, кое гласи вака:

– Во однос на последно објавеното соопштение на ФК Силекс, Фудбалската федерација на Македонија (ФФМ) и Одборот на судии во рамки на ФФМ на чело со претседателот Александар Ставрев, најостро ги осудуваат непрофесионалните, неетичките, неоснованите и злонамерни напади насочени кон претседателот на ФФМ, Масар Омерагиќ и комесарот Јосип Бартон, како претседавач со Комисијата за делегирање на судии. Овие обиди за дискредитација претставуваат неприфатлив притисок врз стручните тела во ФФМ што работат исклучиво во интерес на македонскиот фудбал.

Како водечка институција во македонскиот фудбал, ФФМ ќе продолжи со професионално и одговорно управување, без да подлегне на надворешни притисоци или било какви други влијанија, а ќе ги искористиме сите расположливи механизми за заштита на интегритетот и нема да дозволиме било каков обид за манипулација и нарушување на угледот на ФФМ и нејзините официјални претставници.

Впрочем, за контрадикторноста и злонамерата во испратеното соопштение е токму фактот што претседателот на ФФМ многу децидно, уште по преземањето на функцијата, јасно кажа дека прв и основен приоритет на ФФМ е воведувањето на ВАР технологијата за што и се започнати активности. Притоа, неколкупати посочи дека дејствувањето и работата на Судиската организација е оставена на стручните лица, членови на истата и во ниту еден сегмент ниту некој може да влијае, ниту обидите за влијание на било кој член на судиската организација ќе минат без последици.

Соопштението на ФФМ во целост проследете го на официјалниот линк ТУКА

На денешните мечеви од ¼ финалната фаза од натпреварувањето, фудбалерите на Вардар на Националната арена „Тодор Проески“ го совладаа Силекс со 1:0. Пласманот меѓу четирите најдобри екипи, нашиот најтрофеен клуб го обезбеди со голот на Данел Донгмо во второто полувреме.

Екипата на Струга Трим Љум ја искористи предноста на домашниот терен и во дербито од оваа фаза од Купот на Македонија славеше над Гостивар со 1:0. Кехинде го постигна погодокот за победа на актуелниот првак.

Шкендија ја оправда фаворитската улога на гостувањето во Радовиш кај Детонит Плачковица. Шала во 23. минута беше човек на одлука за триумф на тетовчани. Адеми не искористи пенал за 2:0.

Фудбалерите на Брера А.П. подобро шутираа пенали од Арсими и со 4:3 славеа во четвртфиналниот дуел. Струмичани поведоа во првиот дел со голот на Нзенгуе, меѓутоа Арсими израмни преку Таипи и се изборија за пенали. Брера А.П. имаа повеќе концентрација, промашија само еден удар од 11 метри наспроти двата на Арсими и ќе играат полуфинале, пишуваат од Фудбалската федерација на Македонија.