Кичево

Колекцијата на скулптури во Кнежино ги одушевува посетителите

Објавено пред

6 години

на

декември 14, 2018

Од

Порта.мк

Целокупниот опус на скулптури што во изминатите 15 години го создадоа скулптори од целиот свет го красат предворјето од Куќата на уметноста во селото Кнежино. Во оваа колекција на отворен простор се наоѓаат скулптури од четири континенти. Како што велат од покровителот на Кичевската колонија, АД „Тајмиште“, оваа збирка на скулптури и понатаму ќе се збогатува и дополнува.

– Откако е отворена Куќата на уметноста во селото Кнежино, во 2003 година, поголемиот дел скулптури, претежно од метал, што се создадени од вајарите учесници на изминатите 15 ликовни колонии, се поставени во предворјето на Куќата на уметноста, околу 50 скулптури со разни форми и големини го красат овој простор. Во оваа поставка има скулптури од Роџер Томсон од Нов Зеланд, Весела Стаменова и Павел Василев од Бугарија, Весна Осојнички и нејзиниот колега од Хрватска, Никола Ненадиќ, нашите мајстори на скулптурата Васил Василев, Слободан Милошески и Андреј Минески, потоа Михаил Туарегу од Романија, Власта Вујошевиќ од Црна Гора и многу други. Овие скулптури се работени во халата на нашата компанија – вели Горан Донески, уметничкиот директор на колонијата, која годинава го прослави 25-годишниот јубилеј.

Посетителите на Куќата на уметноста со одушевување зборуваат за поставката во предворјето на овој објект, лоциран во недопрената природа во близината на селото Кнежино и манастирот „Свети Ѓорѓија Победоносец“.

– Секогаш кога сум тука се воодушевувам од глетката, од големиот број скулптури создадени од мајсторите на просторната уметност. Иако живеам надвор од земјава, сепак често во мислите се навраќам на овој простор и ова богатство во предворјето на Куќата на уметноста, каде што на едно место се споени природната убавина и убавината создадена од човечка рака – вели Цветан Ѓуроски, родум од овој крај, кој повеќе од шест децении живее во Белград.

Дури и некогашните жители на овој регион, кои денес живеат во Западна Европа или во Австралија, задолжително го посетуваат овој објект и прават фотографии како спомен што ќе го понесат од родната земја.

Инфо: Зоран Антоски

Тагови:

Следно

Снежна бајка рано утрово во с.Ехлоец – Кичево (ГАЛЕРИЈА)

Не пропуштај

1991 год Кичево: Тетратка со напишани угостителски објекти, кои функционирале (ФОТО)

Кичево

Управните служби во Кичево и останатите добиваат ново работно време

Објавено пред

6 дена

на

февруари 18, 2025

Од

Порта.мк

Министерството за внатрешни работи ја информира јавноста дека започнувајќи од денеска (18.02.) Отсеците за управни работи при Одделот за граѓански работи на МВР ќе работат согласно нова работна сатница.

Така, Одделение за управни работи Скопје и Отсек за управни работи Тетово, од понеделник до петок ќе имаат двосменско работење, односно работно време од 07.30 часот до 19.30 часот.

Исто така, и Отсеците за управни работи – Битола, Велес, Куманово, Охрид, Струмица и Штип, од понеделник до петок ќе имаат работното време со почеток од 08.00 часот па до 18.00 часот, а истото работна време ќе важи и за: ОУР Битола за Прилеп, ОУР Велес за Кавадарци, ОУР Охрид за Кичево и Струга, ОУР Тетово за Гостивар и ОУР Штип за Кочани.

Во останатите пак подрачни единици – ОУР Охрид за Дебар; ОУР Битола за Крушево, за Демир Хисар, за Ресен и за Македонски Брод; ОУР Штип за Пробиштип, за Свети Николе, за Виница, за Делчево и за Берово; ОУР Велес за Неготино; ОУР Куманово за Кратово и за Крива Паланка; ОУР Струмица за Гевгелија, за Радовиш и за Валандово, работното време ќе трае од 08.00 часот до 16.00 часот.

Прочитај повеќе...

Кичево

ОВР Кичево изврши контрола на житниот пазар, пронајде нерегуларни продукти на јавна површина

Објавено пред

6 дена

на

февруари 17, 2025

Од

Порта.мк

На 15.02.2025 на подрачјето на Кичево, полициски службеници од ОВР Кичево извршија контроли на лица кои вршат продажба на производи на јавна површина. Притоа, на две тезги на житниот пазар, затекнати се М.Д.(60) од Скопје и А.Џ.(66) од Кичево, кои за продажба изложиле повеќе парализатори и метални палки на преклоп и други предмети.

Врз основа на членот 80 од Законот за оружје, предметите се одземени, а против двете лица ќе бидат поднесени соодветни поднесоци, за медиумите и јавноста известува портпаролот на СВР Охрид, Стефан Димоски.

Прочитај повеќе...

Кичево

(ФОТО) Момчињата од „ФК Кичево“ денес одиграа два контролни меча со одличната екипа на „ФК Гостивар“ на гостински терен

Објавено пред

1 недела

на

февруари 15, 2025

Од

Порта.мк

Во рамки на денешниот ден нашата екипа од „ФК Кичево“ генерација 2011 и 2014 година одиграа два контролни меча со соодветна екипа на „ФК Гостивар“. Преку нашиот медиум, управата и тренерите упатуваат голема благодарност до домаќинот екипата на „ФК Гостивар“ и нивниот координатор г-дин Менсур Јакупи за одличниот прием и можноста да нашите момчиња стекнат нови пријателства и искуства.

Галерија од денешните натпревари, „ФК Кичево“ ген. 2011: