Автомобили

(ГАЛЕРИЈА) Македонци доминираа на „Night Car Meet 2k19“ во Врање, нашите „Car Club-Kicevo“ и останатите авто-клубови од Скопје и Охрид ги собраа пехарите!

Објавено пред

5 години

на

август 18, 2019

Од

Порта.мк

И оваа година после како што најавија бурните периоди од убави случувања популарните „Major Team“ од Врање ни приредија одличен собир на платото пред спортската сала и го реализираа второто Night Car Meet 2k19.

Покрај прекрасната храна, ладните пијалоци, одличниот прием, настанот беше посетен од многу љубители на модифицираните возила, олд тајмерите, дрифт-возилата и останатите под-категории кои беа вклучени, имаше и интересни игри за посетителите кои на настанот му дадоа посебен шмек.

Нашиот кичевски „Car Club-Kicevo“ зеде учество на овој гламурозен собир со свои 3 возила и со особена чест ние да Ве известиме дека се вративме со 2 пехари за звук, едниот е за второ место на нашиот член Александар Мендизоски, кој со своите три 12-ки во своето Audi успеа да достигне дури 135,3 dB и да биде доволно за втората позиција во својата категорија, додека Бајрам Алиески (Бани) со своето Peugeot 307 се натпреваруваше во „extreme“ класата на озвучување и го освои исто така второто место со неверојатни 138,8 dB достигнување на својот bass-set.

Бајрам Алиески (лево), Александар Мендизоски (десно)

– За нас е ова голем успех од 3 автомобили освоивме 2 пехари, бидејќи надвор од нашите граници патуваме за прв пат како релативно нов клуб и се надевам дека така и ќе продолжиме во рамките на можноста ќе бидеме и побројни за поголеми успеси, голем поздрав до организаторите како и до хотел „Ponte Bianco“ каде бевме одлично пречекани – за нашиот портал изјави Иван Стојкоски од „Car Club-Kicevo“

Тука беа и нашите пријатели од Охрид кои допатуваа во поголем број од „USCCO“ каде имаа свои членови кои освоија 2 пехари – Александар Стефаноски освои второ место за озвучување во категорија „Ц“, како и Тоше Грнчески – трето место во категорија „Euro Styling“ со својот Audi A6.

Исто така и пријателите од Скопје, „Extreme Power of City-Skopje“ – Филип Јанковски со својата „Corsa OPC“ освои 1. место за најниско возило со неверојатни 3,6cm, 2.место за styling (Euro Class) како и 3. место за озвучување во „Extreme“ класата. Ико Љубовчевиќ MAZDA x333 1. место во PRO Street, Виктор Стаиќ 1. место street C, Ивица Гриц 2.место street B и PRO street исто така како и награда за Роберт со својата Алфа.

Додека Мартин Митевски од Скопје со својата Mazda 323f доби заслужена награда за најдобар багажен простор (гепек)

Ги поздравуваме и дечките кои ги престигнавме на пат за Врање од Скопје и честитки бидејќи земаа 1.место со својата Mazda Miata (црвена) за најниско возило од кров со остварен рекорд од 106,5 cm.

Битолчани со полни раце работа на собирот, нивното присуство исто така го красеше настанот, но поради ангажираноста на претседателот во судскиот тим – не се натпреваруваа.

Во оваа прилика да ги поздравиме DJ Deda, како и дрифтерите со своите BMW машини кои никого не оставија рамнодушен, Марко Микиќ и Никола..

Секоја чест за организацијата и прекрасниот прием, ви пренесуваме фотографии кои сметаме дека се вистинскиот опис и дел од амбиентот преку нашиот објектив, уживајте..

Следно

(ВИДЕО) Само балканец ова го може, од пенџере фрли мебел!

Не пропуштај

Балканот во црно: Утрово згаснаа четири млади животи во тешка сообраќајка кај Шабац, доаѓале од забава..

Автомобили

Како да го продолжите животниот век на вашиот акумулатор?

Објавено пред

1 ден

на

ноември 20, 2024

Од

Порта.мк

Често се слушаат тврдења дека акумулаторите траат колку што е гаранцијата плус неколку месеци.
Сепак, факт е дека многу акумулатори траат уште неколку години по истекот на гаранцијата, која обично трае 36-40 месеци.

Во продолжение, ќе споделиме совети за продолжување на животниот век на вашиот акумулатор, без разлика дали станува збор за нов или веќе користен.

Поголем акумулатор – повеќе штета отколку корист

Не купувајте акумулатор со значително поголем капацитет од оној што го препорачува производителот на автомобилот. Тоа само го скратува неговиот животен век.
Ако ставите акумулатор со преголем капацитет (изразен во Ah), системот за полнење можеби нема да може доволно да го наполни, бидејќи не е дизајниран за таква големина.

Идеално, акумулаторот треба да се полни до 100%. Ако не е доволно наполнет, може да се спушти до 60%-65% од капацитетот, што предизвикува хемиски промени кои трајно го оштетуваат.

Совет: Купувајте само акумулатори што ги препорачува производителот на вашето возило.

Не заборавајте да обрнете внимание и на струјата за ладен старт, изразена во ампери (A). Поголема струја за ладен старт е пожелна, но не треба да се претерува.

Навремено проверувајте го акумулаторот

Можете да го проверите акумулаторот во специјализирани сервиси, без разлика дали гаранцијата сè уште важи или не. Овие сервиси располагаат со уреди за тестирање што можат да предупредат на потенцијални проблеми.
Доколку сакате, можете сами да измерите напон со униметар, но имајте предвид дека напонот сам по себе не е секогаш доволен показател за состојбата.

Чести причини за краток век на акумулаторот

Проблеми со полнењето: На пример, неисправен алтернатор.
Паразитски струи: Уреди што трошат струја додека автомобилот е исклучен.
Ретки или кратки возења: Особено во зима, кога акумулаторот тешко се полни.
Корозија на терминалите: Лошите контакти го зголемуваат отпорот и предизвикуваат проблеми.

Совети за правилно одржување

Периодично полнење: Дури и кога акумулаторот изгледа во ред, препорачливо е да го надополнувате неколку пати годишно.
Паметни полначи: Инвестирајте во квалитетен полнач, кој ќе го одржува акумулаторот оптимално наполнет.

Ако автомобилот не се вози долго време:
Извадете го минусниот терминал за да го забавите празнењето. Но, имајте предвид дека акумулаторот и понатаму ќе се празни со текот на времето.

Во зима:
Извадете го акумулаторот од автомобилот и чувајте го на умерено ладно место. Проверувајте го напонот на секои два месеца и дополнете го доколку е потребно.

Избегнувајте грешки што го оштетуваат акумулаторот:

Не користете електрични уреди (радио, фарови) додека моторот е исклучен.
Избегнувајте чести кратки патувања.
Редовно проверувајте дали акумулаторот е добро прицврстен.

Што ако акумулаторот се испразни?

Наполнете го што е можно поскоро. Ако остане празен подолго време, ќе претрпи трајни оштетувања. Полна батерија издржува многу пониски температури, додека празна може да замрзне и да се оштети.

Важно: Никогаш не стартувајте автомобил со замрзнат акумулатор – прво одмрзнете го и наполнете го.

Со правилно одржување и внимание, животниот век на акумулаторот може значително да се продолжи, дури и над гаранцијата.

Извор: B92

Прочитај повеќе...

Автомобили

Истражување: Возачите најзадоволни од овие автомобилски брендови

Објавено пред

1 ден

на

ноември 20, 2024

Од

Порта.мк

Кои автомобилски брендови ги имаат најзадоволните клиенти во САД?

Според истражувањето на JD Power за индексот на задоволство на купувачите во 2024 година, оваа година купувачите се генерално позадоволни во споредба со лани, со просечен резултат од 801 од 1000 поени.

Интересен аспект на ваквите истражувања е споредбата на задоволството помеѓу купувачите на електрични возила (EV) и оние со традиционални мотори. Иако разликата се намалува, возачите на електрични возила сè уште се понезадоволни од оние кои избираат автомобили со мотори на внатрешно согорување.

Во истражувањето учествувале околу 35.000 возачи кои купиле нов автомобил во периодот од март до мај 2024 година. Еве ги брендовите кои ги добиле највисоките оценки од клиентите:

Премиум автомобили: Porsche
Премиум SUV: Porsche
Автомобил за масовен пазар: Mini
SUV за масовен пазар: Buick
Пикап за масовен пазар: GMC

Клучни трендови и забелешки

Porsche се најде на врвот на листата во категоријата премиум автомобили втора година по ред, следен од Infiniti и Jaguar. Се смета дека Porsche е лидер благодарение на одличниот процес на испорака.

Во категоријата на возила за масовен пазар, Mini се истакнува со транспарентноста на цените, што е клучен фактор за задоволството на клиентите.

На спротивната страна од спектарот, Genesis доби најниска оценка од 781 поен, главно поради поплаките на клиентите за измамнички практики кај продавачите.

Што покажува истражувањето?

Истражувањето ја нагласува важноста на целокупното искуство со купувањето, вклучувајќи транспарентност, поддршка од продавачите и процесот на испорака. Клиентите сè повеќе ја вреднуваат доверливоста и отвореноста на производителите и дилерите, што има значително влијание врз нивното задоволство.

Извор: B92

Прочитај повеќе...

Автомобили

Во оваа земја е забрането да се управува автомобил во зимска јакна, причината е едноставна..

Објавено пред

2 дена

на

ноември 19, 2024

Од

Порта.мк

Шпанија е земја во која е нелегално да се вози автомобил облечен во јакна. Значи, ако возите со зимска јакна и капут, може да добиете казна и до 200 евра. Идејата зад ова правило е дека зимската јакна ве ограничува при возење, односно го ограничува вашето движење зад воланот. Во Шпанија истото важи и ако носите шал или ракавици.

За потсетување, тестовите на германскиот автомобилски клуб (ADAC) покажаа дека може да имате друг тип на проблем со зимската јакна. Имено, ќе го оневозможи правилното затегнување на ременот, може да се лизне преку желудникот и да ги повреди цревата, црниот дроб или слезината, пишува ХАК Ревија.

Поради полнењето на зимската јакна, има простор помеѓу ременот и телото, па ременот длабоко се сече во стомакот во моментот на несреќата. Ова може да предизвика сериозни повреди на меките ткива, како што се цревата, црниот дроб или слезината, па дури и да доведе до внатрешно крварење. Поради ова, стресот на внатрешните органи е многу поголем отколку ако појасот е поблиску до телото. Затоа се препорачува пред да влезете да ја соблечете јакната или барем да ја ставите преку појас.

Децата, исто така, треба да се врзат на овој начин или, уште подобро, без дебела јакна.

Извор: n1info.rs

Прочитај повеќе...