На 01.01.2025 во 01.40 часот, пред ноќен клуб лоциран на улицата „Стив Наумов“ во Охрид, приведени се српските државјани Д.Ќ.(20) од Панчево и А.К.(26), Л.С.(22), А.С.(21) и Л.М.(21), сите од Врање, кои претходно, пред објектот го нарушиле јавниот ред и мир со меѓусебна физичка пресметка.

Против нив ќе биде поднесен соодветен поднесок, за Порта.мк извести портпаролот на СВР Охрид, г-дин Стефан Димоски.

Првото бебе во 2025 година се роди на Универзитетската Клиника за гинекологија и акушерство во Скопје во 00:01 часот. Годинава ја почнавме со принц!

Бебето е од машки пол, тешко е 3190грама и е долго 50 сантиметари и е прво на мама и тато.

На принцот му посакуваме силно здравје и среќни детски дни, реализирани сни и куп детски палавости што впрочем зборува за големи детски радости, истакнаа од ЈЗУ Универзитетска Клиника за Гинекологија и Акушерство – Скопје

Живо и здраво да е!

И оваа година кичевчани со најразновнидна пиротехника, како и многу други го најавија доаѓањето на 2025 година. Традиционално од домашна атмосфера од многу далеку успеавме да доловиме некој огномет, па ви предлагаме да го погледнете видеото, посакувајќи Ви многу здравје, среќа, љубов и успеси на секое поле во новата 2025 година.

Уживајте каде и да сте! 🙂