Знамињата спуштени на половина копја. Maкедонија денеска и утре ќе тажи за загинатите животи по стравичната несреќа кај Карпалак. 14 луѓе настрадаа од кои седуммина на лице место. Официјално 37 лица биле хоспитализирани во болницата 8 Септември, 6 од тие 37 лица се починати токму во таа болница.
Фактите велат дека автобусот сообраќал на релација Скопје-Тетово. Кобното место е кај село Ласкарци.
Додека јавноста шпекулира, причините не се знаат, истрагата ја води надлежен обвинител а што точно се случувало официјално не е објавено.
И денеска надлежните органи ќе утврдуваат која е причината поради која автобусот поминал директно на спротивната страна.
Соопштувајќи ги деталите доцна синоќа владата се произнесе дека автобусот ја поминува директно спротивната страна, влегува дури и на регионалниот пат, паѓа на регионалниот пат и паѓа и понатаму после регионалниот пат во делот на удолнината.
За пофалба е брзата реакција на надлежните институции, и МВР и државните болници, но и сите приватни болници коишто промтно и безпоговорно веднаш ги испратија сите свои ресурси, кажа уште Заев.
Сведоците раскажуваат бројни сведоштва, од тоа што виделе до тоа како помогнале и спасиле нечиј живот. Ние праќаме сочувство до семејствата на загинатите за оваа неутешна вест и посакуваме никогаш повторно да не се случи овој 13 февруари кој ќе ги боли душите на оние кои останаа без своите најмили.
Faktor.mk
