Нашиот македонски репрезентативец Аријан Адеми ќе паузира околу два месеци поради повреда што ја заработи на натпреварот помеѓу Македонија и Германија кој заврши со исход од (0:4) во квалификациите за СП.

Имено на натпреварот против Германија, играчот на Челзи Каи Хаверц лошо нагази врз ногата на Адеми, така што поради сериозноста тој мораше да ја напушти играта, додека деталните прегледи ги направи во Загреб, по што беше утврдено дека ќе има подолга пауза. Како што дознаваме хрватски „Индекс“ – Адеми се здобил со тешка повреда на скочниот зглоб, која бара посложена рехабилитација и тешко е да се очекува да се врати пред зимскиот распуст.

Инаку Динамо ќе ги одигра последните два натпревари во 2021 година на 15 декември против Истра и три дена подоцна против Драговоjац, дури и ако дотогаш се опорави, речиси сигурно нема да биде принуден на тие натпревари.

Доколку не се случи чудесно закрепнување, што е малку веројатно, Динамо ќе остане без Адеми на сите натпревари од групите во Лига Европа (Рапид, Вест Хем, Генк). Адеми треба да ги пропушти и дербито со Риека во сабота, Осиек (20 ноември) и Хајдук, кои ќе играат на Максимир на 4 декември.

Ова е втора тешка повреда на капитенот на Динамо оваа сезона. Во јули, тој се здоби со повреда на мускулот на десната нога на натпреварот против Омонија, поради што пропушти десет натпревари и токму кога почна да се враќа во форма, се повреди на натпреварот со репрезентацијата.

Македонската репрезентација до 21 година славеше победа од 1:2 против Ерменија во Ереван, во натпревар од квалификациите за пласман на Европско првенство 2023.

Тешко издвојувана победа и важни три бода за тимот на селекторот Драги Канатларовски.

Нашите избраници одлично го отворија натпреварот и со силно темпо и пресинг ѝ создадоа многу проблеми на домашната одбрана. Македонија заслужено дојде до предност од 1:0 во 23. минута, одличниот центаршут на Антовски го искористи Ѓорѓиевски кој постигна прекрасен гол со глава. Ѓорѓиевски се најде во уште една одлична можност, но овој пат домашниот голман добро интервенираше.

Во продолжението, Македонија продолжи со офанзивна игра. Рустемовски имаше одлична можност да погоди, но немаше среќа. Македонија преку Максимов успеа да поведе со 2:0 во 82. минута. Домаќините до крајот на натпреварот успеа само да го ублажат поразот преку Григорјан.

Македонија: Денковски, Младеновски, Манев, Шеји, Хајдари (Ѓурковски), Воша (Скендери), Адем, Гроздановски, Антовски (Максимов), Рустемовски (Станковски), Ѓорѓиевски (Илиевски); 

Честитки момци!

Решавачкиот гол, може да го погледнете ТУКА

Македонската репрезентација до 21 година од 16:00 часот по наше време, денеска против Ерменија го игра натпреварот од 4. коло од квалификациите за ЕП 2023.

Натпреварот може да го проследите тука во живо од Ереван