Од пред 15 минути град Кичево, превој Стража, како и кичевските села Подвис и Лавчани останаа без електрична енергија, а с.Челопеци и регионот има нестабилна ел. енергија преку целиот ден и претходно 3-4 дена.

Според неофицијални извори станува збор за посериозен дефект поради снег.

– Вработените на ЕВН КЕЦ Кичево активно работат на терен и веруваат дека проблемот со електричната енергија ќе го санираат во најкус можен рок

За нови информации, ќе ја известиме јавноста.

* Најново инфо: Од предмалку пречките во електроснабдување на локациите се надминати.

Министерот за внатрешни работи Панче Тошковски денеска во кругот на министерството официјално ги стави во функција дел од моторните возила набавени за потребите на организациските единици на МВР и БЈБ.

„Во насока на нашата посветеност да градиме вистински опремена, модерна и европска полиција која ќе има капацитет за борба со сите видови криминал и заштита на безбедноста на сите граѓани на Македонија денес имам можност да ги ставиме во употреба нови автомобили обезбедени за потребите на полициските сектори и единици. Се работи за автомобили од производителот Шкода набавени од страна на министерството на јавна набавка, во насока на обновување на возниот парк на министерството кој е во незавидна состојба и кој планираме во следната година да го реобновиме во најголем дел.

Македонската полиција ќе биде гордост и носител на безбедноста на македонските граѓаните и се стремиме кон остварување на оваа цел. Продолжуваме во следната година со навистина амбициозни цели на градење нови полициски станици, нови униформи за најголем број полициски единици и модернизација во секој сегмент на работењето на полицијата“, потенцираше министерот Тошковски.

🎄✨ Драги пријатели, со големо задоволство ви најавуваме новогодишна хуманитарна работилница која ќе се одржи на 27.12.2024г (петок) од 18:00 до 19:30ч во IQ UP! Училишниот центар – Кичево. Во време кога магијата на празниците е присутна, а добрината треба да биде во центарот на нашето внимание, ние ќе се собереме за да создадеме нешто прекрасно за нашата заедница.

💫 Што можете да очекувате? 💫

– Уметнички и креативни активности: ќе правиме новогодишни честитки со елка што светнува, добро познатите што веќе сме ги правеле IQUP! природни сапунчиња направени со природни состојки ( мед, кокосово масло.. етерични масла..)
– Задоволство од заедничкото работење: секој од нас може да додаде свој уникатен печат на празничниот дух!

Целите на работилницата се од хуманитарен карактер бидејќи во ова време од годината, важно е да потсетуваме на значењето на љубовта, споделувањето и хуманоста.

🌟 Дојдете да се дружиме и направиме нешто убаво за другите! 🌟

🎄✨Вашето присуство и учество ќе направат разлика! Со колективен труд, можеме да донесеме светлина во животи на оние што на тоа им е најпотребно. Кога работиме заедно, создадеме не само убава атмосфера, туку и водиме кон подобра иднина. 🔔

Изработките од вредните рачиња на дечињата можат дополнително да се купат и со тоа повеќе да допринесеме во нивната хуманитарна мисија!

Цената ќе биде симболична и со попуст и ќе изнесува 200 денари. Регистрација преку тел бр. 071/777-939 или информирајте се на официјалните профили на социјалните мрежи фејсбук: IQ-UP – Кичево – ТУКА и инстаграм IQ-UP – ТУКА