Поради зафати на електродистрибутивната мрежа утре на ден 08.03.2021 година – понеделник, ЕВН КЕЦ Кичево ќе работи на својот реон, така што прекини во снабдување на електрична енергија ќе имаат домаќинствата на следните локации:

МАКЕДОНСКИ БРОД: централното градско подрачје и индустрискиот дел од градот како и с.Ижиште с.Пласница, с.Преглово, с.Сланско, с.Дреново, с.Манастирец, с.Тополница ХПП Крапа с.Девич и с.Грешница (од 08:00 до 11:00 часот)

Извор: Струја

На 04.03.2021 година во 18:10 часот, во ОВР Кичево пријавен е пожар во атарот на кичевското село Карбуница.

Од извршениот увид, констатирано е дека опожарена била сува трева и друга нискостеблеста вегетација на површина од 500 метри квадратни во близина на локален пат кон селото Староец.

Интервенирала Територијалната противпожарна единица од Кичево.

Извор: СВР Охрид

Кичевското архиерејско намесништво ги известува своите верни чеда дека на ден 05.03.2021 година (петок) ќе се изврши општ Парастос (опевање на сите упокоени) во храмот „Свети апостоли Петар и Павле“ – Кичево во 14⁰⁰ часот, а на 06.03.2021 година (сабота), кога е самиот ден Задушница, почнувајќи од 08³⁰ часот свештениците ќе ги посетат и старите и новите градски гробишта.

Поради тоа, сите оние кои ќе доаѓаат во петок да носат пченица, вино и лепче во храмот (истото важи и за оние кои ќе бидат молитвено на гробиштата).
Притоа препорачуваме да се почитуваат здравствените мерки со носење на заштитна маска и растојание.

Нека Човекољубивиот и Милостив Бог ги спомне нашите ближни кои се упокоиле со надеж во воскресение во Своето Царство, на Отецот, Синот и Светиот Дух.

Амин!

/кичевска парохија