Следете не

Спорт

Судиска анализа на фудбалските натпревари од првата македонска фудбалска лига има и низа забелешки и погрешни одлуки

Објавено пред

на

Судиска комисија преку т.н. судиска анализа за 7.коло од ПРВА МФЛ за сезона 2022/23 ги разгледа спорните моменти на ПРВА МФЛ и ги истакна следните заклучоци:

На натпреварот  ФK Македонија Ѓ.П – ФK Силекс одигран на 10.09.2022 година, анализирана е ситуацијата од 28. минута.

Главен судија: Стојан Трпчевски; Помошни судии: Драган Трпчевски и Душко Панов;

28. минута: ДОБРА ПРОЦЕНКА НА ГЛАВНИОТ СУДИЈА (доделен втор жолт – ЦРВЕН картон)

Играч од екипата на Силекс ја имаше топката во свој посед близу аут линијата, на него со силен интензитет во пределот на ногата и без да има шанса да игра со топката стартуваше играч од екипата на Македонија и направи прекршок.

Исправна одлука на главниот судија, досудено слободен удар и доделен втор жолт картон за играчот на Македонија за неспортскиот старт, бидејќи тоа беше втор жолт картон за играчот, автоматски му беше доделен ЦРВЕН картон.

На натпреварот  ФК Шкупи – ФК Работнички одигран на 11.09.2022 година, анализирани  се ситуацииите од 5. и 9. минута.

Главен судија: Игор Стојчевски; Помошни судии: Даниел Василевски и Бранко Путилин;

5. минута: ДОБРА ПРОЦЕНКА НА ВТОРИОТ ПОМОШЕН СУДИЈА (НЕ досудено офсајд позиција)

Центрирана топка од слободен удар во шеснаесетникот на Работнички, топката дојде до играч од нападот на Шкупи кој во моментот на центрирање беше во линија со претпоследниот играч од одбраната на Работнички и постигна гол.

Исправна одлука на вториот помошен судија играта да продолжи, бидејќи играчот кога ја прими топката од соиграчот беше во линија со претпоследниот играч од одбраната, голот е регуларен.

9. минута: ДОБРА ПРОЦЕНКА НА ГЛАВНИОТ СУДИЈА (доделен ЦРВЕН Картон)

Играч од нападот на Шкупи одзема топка од одбраната на Работнички и тргна сам кон голот на Работнички, одбранбениот играч го влечеше за дресот играчот од нападот спречувајќи очигледна шанса за гол.

Исправна одлука на главниот судија, досуден слободен удар и доделен ЦРВЕН картон за спречување очигледна шанса за гол.

На натпреварот  ФК Тиквеш – ФК Академија Пандев одигран на 11.09.2022 година, анализирана е ситуацијата од 35. минута.

Главен судија: Јован Качевски; Помошни судии: Мартин Дејаноски и Давор Цветановски;

35. минута: ДОБРА ПРОЦЕНКА НА ГЛАВНИОТ СУДИЈА (досуден удар од 11 метри)

Играч од нападот на Академија беше во посед на топката во шеснаесетникот на Тиквеш странично од голот, на него со лизгачки старт во нозете стартуваше голманот на Тиквеш и направи прекршок.

Исправна одлука на главниот судија, досуден  удар од 11 метри поради неспортски старт.

На натпреварот  ФК Струга Трим Љум – ФК Скопје одигран на 11.09.2022 година, анализирани се ситуациите од 52, 65. и 72. минута.

Главен судија: Димитар Пилешков; Помошни судии: Христијан Џонов и Иле Мишевски;

52. минута: ПОГРЕШНА ПРОЦЕНКА НА ПРВИОТ ПОМОШЕН СУДИЈА (НЕ досудено офсајд позиција)

Играч од Струга центрираше кон соиграч шеснаесетникот на Скопје, соиграчот во моментот на центрирањето беше понапред од претпоследниот играч од одбраната на Скопје и постигна гол.

Погрешна одлука на  помошниот судијата што дозволи голот да се признае, бидејќи играчот на Струга во моментот на додавање се наоѓаше во недозволена офсајд позиција (беше понапред од претпоследниот одбранбен играч на Скопје)

65. минута: ПОГРЕШНА ПРОЦЕНКА НА ГЛАВНИОТ СУДИЈА (НЕ досуден удар од 11 метри)

Играч од нападот на Скопје беше во посед на топката во шеснаесетникот на Струга, на него стартуваше играч од одбраната на Струга и направи прекршок (старт на нога).

Погрешна одлука на главниот судија што досуди слободен удар, стартот на одбранбениот играч на Струга беше зад линијата од шеснаесетникот и требаше да биде досуден удар од 11 метри.

72. минута: ИСПРАВНА ПРОЦЕНКА НА ПРВИОТ ПОМОШЕН СУДИЈА (досудено офсајд позиција)

Играч од нападот на Струга шутираше кон голот на Скопје и постигна гол, меѓутоа во моментот на шутот пред голманот, односно во неговото видно поле стоеше соиграч на играчот на Струга и му пречеше во неговата реакција.

Исправна одлука на помошниот судија, голот исправно поништен и досудено офсајд позиција, бидејќи во моментот на шут, играчот на Струга преќеше во видното поле на голман.

На натпреварот ФК Победа – ФК Брегалница одигран на 11.09.2022 година анализирана е ситуацијата од 90+1 минута.

Главен судија: Александар Ставрев; Помошни судии: Дејан Костадинов и Гоце Петрески;

90+1 минута: ДОБРА ПРОЦЕНКА НА ГЛАВНИОТ СУДИЈА (досуден слободен удар)

Играч од одбраната на Победа и играч од нападот на Брегалница беа во борба за топка во голмански простор, при што играчот од нападот од зад грб со раце го турна играчот од одбраната кој потоа паѓа и ја удира топката со рака.

Исправна одлука на главниот судија, досудено слободен удар за играчот од одбраната поради туркање од зад грб од противнички играч.

Судиска анализа за 4 коло од ВТОРА МФЛ за сезона 2022/23

Судиска комисија ги разгледа спорните моменти од 4. коло на ВТОРА МФЛ и ги донесе следните заклучоци:

На натпреварот  ФК Пелистер – ФК Гостивар одигран на 10.09.2022 година, анализирани  се ситуациите од 25. и 30. минута.

Главен судија: Александар Грујоски; Помошни судии: Лика Куштрим и Зоран Јанкуловски;

27. минута: ДОБРА ПРОЦЕНКА НА ГЛАВНИОТ СУДИЈА (досуден удар од 11 метри)

Центрирана топка во шеснаесетникот на Гостивар, играч од екипата на Пелистер со глава ја додаде топката кон соиграч, во моментот кога соиграчот сакаше да игра со топката беше удрен со силен интензитет во долниот дел од стапалото од играч од екипата на гостите.

Исправна одлука на главниот судија, досуден удар од 11 метри за стартот кој беше недозволен и со силен интензитет.

30. минута: ПОГРЕШНА ПРОЦЕНКА НА ГЛАВНИОТ СУДИЈА (досуден удар од 11 метри)

Играч од екипата на Гостивар центрираше странично од шеснаесетникот на Пелистер, на самата линија од шеснаесетникот, играч од екипата на Пелистер сакајќи да ја блокира топката го удри во телото (стомак).

Погрешна одлука на главниот судија што досуди удар од 11 метри бидејки немаше елементи за тоа, топката го удри играчот во телото. Во оваа ситуација судијата не беше добро поставен и затоа имаше погрешна проценка.

На натпреварот ФК Воска – ФК Беса одигран на 10.09.2022 година, анализирани се ситуациите од 56. и 63. минута.

Главен судија: Доне Ристовски; Помошни судии: Тоше Ицев и Зоран Ангелов;

56. минута: ДОБРА ПРОЦЕНКА НА ГЛАВНИОТ СУДИЈА (НЕ досуден удар од 11 метри)

Играч од екипата на Беса во шеснаесетникот на Воска додаде топка до соиграч, на самото примање на топката дојде до минимален контакт со играч од екипата на Воска и тој контакт играчот го искористи да падне сакајќи да изнуди удар од 11 метри.

Исправна одлука на главниот судија што дозволи играта да продолжи, бидејќи контактот беше минимален и недоволен за да се досуди удар од 11 метри. Во оваа ситуација судијата беше одлично поставен.

63. минута: ДОБРА ПРОЦЕНКА И СОРАБОТКА ГЛАВЕН СУДИЈА И ПРВ ПОМОШЕН СУДИЈА (доделен ЦРВЕН картон).

Додадена долга топка кон шеснаесетникот на екипата на Беса, голманот на Беса го напушти својот шеснаесетникот и на околу 30 метри централно од својот гол ја фати топката со раце спречувајќи го играчот од екипата на Воска кој беше во очигледна шанса за гол.

Исправна одлука на главниот судија и одлична соработка со првиот помошен судија кој даде правилна информација, доделен ЦРВЕН картон за голманот кој игра со раце надвор од својот шеснаесетникот, спречувајќи очигледна шанса за гол.

На натпреварот ФК Арсими – ФК Охрид одигран на 10.09.2022 година, анализирана е ситуацијата од 45. минута.

Главен судија: Александар Василевски; Помошни судии: Влатко Ѓошевски и Филип Николов;

45. минута: ДОБРА ПРОЦЕНКА НА ГЛАВНИОТ СУДИЈА (НЕ досуден удар од 11 метри)

Играч од екипата на Охрид беше во посед на топка во шеснаесетникот на Арсими, паралелно со него имаше играч од одбраната на Арсими, играчот на Охрид си даде долг фор на топката и кога виде дека не може да ја стигне после два метра падна.

Исправна одлука на главниот судија што дозволи играта да продолжи, бидејќи немаше елементи за да се досуди удар од 11 метри.

На натпреварот ФК Слога Виница – ФК Саса одигран на 10.09.2022 година, анализирани се ситуациите од 23. и 27. минута

Главен судија: Бенјамин Керими; Помошни судии: Дејан Димитриевиќ и Филип Ицковски;

23. минута: ДОБРА ПРОЦЕНКА НА ГЛАВНИОТ СУДИЈА (НЕ досуден удар од 11 метри)

Играч од екипата на Слога прими топка странично свртен на пет метри од голот на Саса, играч од екипата на Саса минимално со една рака го повлече играчот, кој тој контакт го искористи сакајќи да изнуди удар од 11 метри.

Исправна одлука на главниот судија што дозволи играта да продолжи, контактот беше минимален и со една рака, недоволен за да се досуди удар од 11 метри.

27. минута: ДОБРА ПРОЦЕНКА НА ГЛАВНИОТ СУДИЈА (НЕ досуден удар од 11 метри)

Играч од екипата на Слога беше во посед на топка на самата линија од шеснаесетникот на Саса, странично од голот и со грб свртен. Зад него стоеше одбранбен играч од екипата на Саса и дојде до минимален контакт, кој играчот сакаше да го искористи да изнуди удар од 11 метри.

Исправна одлука на судијата што дозволи играта да продолжи, бидејќи контактот беше минимален и без интензитет за да се досуди удар од 11 метри. Во оваа ситуација судијата беше одлично поставен.

На натпреварот ФК Кожув – ФК Детонит одигран на 10.09.2022 година анализирани се ситуациите од 7. и 47. минута.

Главен судија: Стојанче Стојанов; Помошни судии: Климент Ристоски и Јован Анѓелкоски;

7. минута: ДОБРА ПРОЦЕНКА НА ГЛАВНИОТ СУДИЈА (НЕ досуден удар од 11 метри)

Играч од екипата на Кожув ја прими топката во шеснаесетникот странично од голот на гостите, до него на половина метро растојание стоеше играч од екипата на Детонит, сакајќи да ја додаде топка до соиграч топката го удри играчот од гостите во рака која му беше во природна положба и многу кратка дистанца (половина метро).

Исправна одлука на судијата што дозволи играта да продолжи бидејќи раката на играчот беше во природна положба и многу кратка дистанца.

47. минута: ДОБРА ПРОЦЕНКА НА ГЛАВНИОТ СУДИЈА (досуден удар од 11 метри)

Додадена топка во шеснаесетникот на екипата на Детонит, во моментот кога играчот од нападот на Кожув сакаше да игра со топката беше удрен со силен интензитет во долниот дел од стапалото од играч од екипата на гостите.

Исправна одлука на главниот судија, досуден удар од 11 метри за стартот кој беше недозволен и со силен интензитет.

На натпреварот ФК Вардар – ФК Борец одигран на 10.09.2022 година анализирана е ситуацијата од 45+1 минута

Главен судија: Пларент Салихи; Помошни судии: Дарко Јовчевски и Идриз Идризи;

45+1 минута: ДОБРА ПРОЦЕНКА НА ВТОРИОТ ПОМОШЕН СУДИЈА (НЕ досудено офсајд позиција)

Играч од нападот на екипата на Вардар прими топка странично од голот на Борец , во моментот кога му беше додадена топката беше во линија со претпоследниот играч од одбраната на Борец,  ја центрираше топката во шеснаесетникот и негов соиграч постигна гол.

Исправна одлука на помошниот судија што дозволи играта да продолжи, бидејќи во момент на додавање на топката  од соиграч играчот од екипата на Вардар беше во линија со претпоследниот играч на Борец. Голот е регуларен.

На останатите натпревари од ВТОРА МФЛ, немаше спорни ситуации за судиска анализа.

Спорт

Аматерската репрезентација на Македонија во фудбал ќе учествува на реномираниот „Regions Cup“ во Рим, Италија

Објавено пред

на

Аматерската репрезентација на Македонија во периодот од 28 септември до 5 октомври ќе биде учесник на Regions Cup  турнир во организација на УЕФА што ќе се одржи во Рим, Италија

Нашата репрезентација на овој турнир за противници ги имаме аматерскиот тим на Баварија од Германија, Лацио од Италија и Џерси од Англија.

Првиот меч го играме против Баварија на 29. септември со почеток од 15. часот. Нов тежок натпревар не очекува на 2 октомври против аматерскиот тим на Лацио од Италија со почеток од 15. часот.

Последниот натпревар го играме против Џерси, аматерскиот тим од Англија на 5. октомври во 15. часот.

Селекторот Жанко Савов се одлучи да ги повика следните фудбалери од аматерската репрезентација:

Голмани: Антонио Столевски (Караорман), Борче Картов (Кожув);

Одбрана: Мухарем Мислими (Беса 1976), Христијан Бејков (Кожув), Мартин Димоски (Детонит Плачковица), Нинослав Здравкоски (Аресими 1976), Давид Бошески (Академија Пандев), Оливер Христов (Детонит Плачковица), Богдан Велиновски (Слога 1934), Христијан Митревски (Охрид Лихнидос);

Среден ред: Давид Ристовски (Кожув), Влатко Стојановски (Борец 1919), Стојче Стојов (Каменица Саса), Ники Зумровски (Кожув), Емил Скоко (Пехчево), Зоран Андонов (Детонит Плачковица);

Напад: Филип Димоски (Детонит Плачковица), Ангел Кочев (Кожув)

Прочитај повеќе...

Спорт

Македонија до 19 години од негатива два гола до пресврт и голема победа против своите врсници од Кипар

Објавено пред

на

Младата репрезентација на Македонија до 19 години во еден интересен натпревар, со многу возбудување и пресврти, успеа да забележи минимална победа со 3:2 над соодветната селекција на Кипар во рамките на вториот контролен дуел одигран помеѓу овие две селекции.

Нашите млади фудбалери по првите 26. минути од средбата имаа негатива од два гола, но до крајот на средбата направија комплетен пресврт, постигнаа 3 погодоци и сосема заслужено успеаа да слават победа.

Најпрвин Шабан Зенку во 40. минута успеа да го намали водството на противникот. Со негатива од еден погодок се замина на полувреме.

Во продолжението од мечот, Македонија одигра одлично, создаваше можности и во последните осум минути од средбата успеа да го скрши отпорот на противникот. Во 83. минута Зани Назифи погоди за 2:2. Во 90. минута, Марко Стоилевски погоди за победа и голема радост на Македонија.

Македонија: Стефан Тасев, Максим Милошевски, Давор Серафимов, Ардијан Османи, Суфијан Чајани, Матеј Ангелов, Мартин Горгиевски, Леон Тасов, Дашмир Елези, Шабан Зенку, Михаил Талевски;

Селектор: Неџат Шабани

Додека младата репрезентација на Македонија до 21 година одигра нерешено против Саудиска Арабија го заокружи контролниот турнир што се одигра во Свети Мартин, на Мура, Хрватска.

Нашата млада селекција одигра квалитетен натпревар против селекцијата на Саудиска Арабија, која на овој меч настапи со играчи до 23 години. Крајниот резултат беше 1:1.

Одличната форма и на овој натпревар ја потврди Марио Илиевски, кој беше стрелец на единствениот погодок за Македонија.

Првата посериозна прилика за избраниците на селекторот Драги Канатларовски ја имаше Методи Максимов, кој по одличниот продор по десната страна биеше покрај голот на противникот. Лука Станковски пропушти прилика од пенал да и донесе предност на нашата селекција, противничкиот голман успеа да го скроти ударот од 11 метри. Во последната минута од првиот дел Саудиска Арабија со гол од пенал стигна до предност од 1:0.

Во продолжението, Македонија одигра уште поофанзивно и поконкретно по голот на противникот. Тоа на крај резултираше со погодок на Марио Илиевски во 60. минута за конечни 1:1.

Во првиот меч од контролниот турнир во Хрватска, Македонија до 21 славеше победа над Албанија со 3:1.

Македонија: Иван Николоски, Аган Мјаки, Стефан Деспотовски, Андреј Стојчевски, Кристијан Тасевски, Иван Николов, Алекс Златков, Методи Максимов, Бехар Фета, Љуан Абази;

Селектор: Драги Канатларовски

Прочитај повеќе...

Спорт

Ова се 11-те лавови кои ќе стартуваат на мечот против Бугарија

Објавено пред

на

Предмалку објавени беа 11-те момчиња кои ќе бидат стартери на мечот против Бугарија на „Тодор Проески“. Што се однесува до важноста на мечот, оваа е практично директна битка за подобра позиција во групата, што носи поволности понатаму.

Напред МАКЕДОНИЈА!
Среќно!

Прочитај повеќе...

Facebook

Последни објави

На денешен ден10 часа

29 септември – На денешен ден

1399 – Кралот Ричард II (Ричард) стана првиот англиски монарх кој абдицирал. Тој беше принуден да абдицира од благородниците кои...

Хороскоп11 часа

Хороскоп за четврток (29 септември)

ОВЕН Можно е во текот на денешниот ден да успеете да склопите нови деловни контакти кои ќе ви значат многу...

Скопје19 часа

МВР приведе жена од Скопје, бидејќи истата ги принудувала своите малолетни деца да питачат

На 27.09.2022 во 17.30 часот на подрачјето на Аеродром-Скопје,  полициски службеници од Единицата за внатрешни работи Аеродром и Драчево ја...

Временска прогноза19 часа

Дождлив викенд, додека температурите остануваат високи, заладување ќе имаме следната седмица – ова се најновите метео вести за претстојните денови

До крајот на оваа недела времето во Македонија ќе се задржи променливо облачно со сончеви периоди и со умерен до...

Кичево20 часа

Fecky Faris, Milan & Ultimusa овој викенд во Република 96250!

За сите љубители на лудите ритми, Република 96250 подготви одличен викенд полн со возбудливи настапи. Петок (30.09.2022) за одлична забавна...

Магазин20 часа

Од оваа недела WhatsApp воведува нова функција која ќе израдува многумина

Марк Цукерберг ја објави оваа нова функција на Facebook. Апликацијата сега овозможува поедноставни повици до аудио разговори, а наскоро ќе...

Магазин20 часа

Meta брише лажни профили од Кина и Русија

Meta ги засилува безбедносните напори против дезинформации Meta отстрани голем број лажни профили од Кина кои ги таргетираа САД со...

Магазин20 часа

Samsung го претстави својот компјутер со лизгачки екран

За време на конференцијата Innovation 2022, Samsung претстави интересен уред кој вклучува хардвер на Intel. Прикажан е „лизгачки“ компјутер кој...

Гејминг20 часа

Rockstar потврди големо протекување на податоци за GTA VI

Протекувањето податоци за играта Grand Theft Auto VI се чини дека е реално. Rockstar Games ја потврди автентичноста на протекувањето...

Мобилни уреди20 часа

iOS 16 предизвикува сериозни проблеми со батеријата

Најпрво системот на камерата се тресеше и зуеше на „Pro“ моделите од најновата серија на мобилни телефони на Apple iPhone,...

НАЈЧИТАНИ