Како што веќе најавивме веќе за време на викендот како и на почетокот од следната недела под влијание на значително потопла воздушна маса од југ температурите на воздухот ќе бележат тендецнија на постепен пораст, позначителен пораст на истите очекуваме особено во недела и во понеделник а времето ќе се задржи стабилно и суво без врнежи.

Поточно времето ќе биде сончево со мала до умерена облачност а ветерот од северен и од североисточен правец за време на викендот постепено ќе ја намалува брзината.

Викендов максималните температури на воздухот ќе се искачуваат во интервалот од 13 до 20 во сабота додека во недела истите ќе се искачуваат во интервалот од 15 до 22 степени за веќе во понеделник да бидат во пораст и да се искачат во интервалот од 16 до 23 степени.

Сепак да напоменеме дека наутро особено утре и во сабота ќе биде значително постудено поради разведрувањето па така минималните најноски температури на воздухот ќе се спуштаат во интервалот од -6 до 3 степени и токму поради ваквата ситуација како што и претходно најавивме ќе има појава на мраз па така земјоделците добро да ги заштитат своите земјоделски култури од замрзнување.

За време на викендот пак и тоа особено во недела и на почетокот од следната недела уживајте во значително повисоките температури на воздухот кој се очекуваат.

Подготви: Славчо Попоски