YOUTUBE Македонија пристигна!

Не! Одма да се разбереме. Ова не е meet-up. Ова е една сосем друга приказна, поинаква, нова, тотално нова. Ова е приказна која ќе не’ собере сите на едно место, да се дружиме заедно со сите наши омилени јутубери.

Драги другари и другарки, со огромно задоволство Ви најавуваме големо шоу на 12. 05. 2018 (сабота) со почеток од 14 часот, во малата сала на ВИП АРЕНА – Борис Трајковски каде ќе можете да ја доживеете јутјуберската атмосфера предводена од Bobi Beatbox, GP, Winncoot, Steffonator, Bambo, Иван Ајнштајн, IB, Blostur, Darko Atanasovic, Antonio HD, BonnoTV, LordOFails, Андреј Прави Влогови и Nikola’s Art House. Ќе биде скроз лудо, ќе има челниџи, гејминг, пеење, зезање, Q&A, влогање…

Ќе биде настан за кој многу долго ќе се зборува, ќе се прашува кога пак и зошто не побрзо?

Целава приказна другари и другарки ќе биде поставена како настан од светски рамки, на голема сцена. Сето ова ќе биде во продолжение од два – три саати, се разбира не ставаме лимит до кога ќе трае бидјеки не знаеме јутјубериве како ќе се заиграат и колку ќе откачат, на крајот на краиштата дојдени сме за забава, нели?

На нас останува да ги следиме и гледаме како го прават тоа, да им се восхитуваме на нивните иновации во интернет просторот, да се воодушевуваме на нивната интернет приказна и секако да се обидеме и ние да постанеме како нив – дел од YouTube Македонија!

Дојдете заедно да бидеме дел од оваа приказна, и колку и да звучи клише ќе го напишеме: не дозволувајте други да ви раскажуваат како било!

Не другари, ова нема да биде meet-up. Ова ќе биде ШОУ!

Билетите можете да ги купите во Југотон и продажната мрежа на Тикет Плус, како и on-line на ticketplus.mk и jugoton.mk по следниве цени:

Фан Пит – 600 ден. (само 300 влезници)
Партер – 300 ден.
Трибина – 400 ден.
ВИП Пакет – 1.500 ден. (фан пит влезница, фотографија и дружење со јутјуберите и официјална маичка од настанот)