Овој викенд во Охрид, на 25 и 26 март, по 12-ти пат се одржа Меѓународниот натпревар Hair-Fair 2018, кој е во огранизација на стилистот Димче Ивановски од студио Кармен – Битола. Како и претходните години, така и оваа, голем број реномирани стилисти од Македонија зедоа учество, а натпреварот го разубавија и издигнаа на едно сосема ново ниво неколкуте престижни стилисти од светот со своето присуство, меѓу кои беше и италијанскиот фризер Џанкарло Миланезе, како и Гоце Ралевски, еден од најтрофејните фризери со македонско потекло кој живее и работи во Шведска.
Претставник имаше и од нашиот град Ели Илијоска (Студио Ели) викендов се претстави себеси во најдобро светло и заслужено се врати со трофеј. Таа учествуваше во категориите Женско потстрижување и Салонска фризура. Ели во категоријата Женско потстрижување ги покажа своите способности и од 10-те натпреварувачи, таа и нејзините вешти раце, го освоија првото место.
Со ова, Ели ни покажа дека посветеноста, трудот и љубовта кон тоа што го работи секогаш се исплаќа и уште еднаш ни докажа зошто е вредна да го носи епитетот „најдобра“ во она што го работи.
Нашиот портал со сите почести честита за овој докажан и заслужен трофеј, нека се нижат успеси во својата област, Кичево е богат град кој само докажува дека има свои професионалци во секоја област, браво!
[justified_image_grid title_field=off caption_field=off caption=off mobile_caption=off caption_match_width=no v_center_captions=off custom_fonts=no gradient_caption_bg=no show_text_before=no show_text_after=no wrap_text=no load_more=off]
